Actress Sadha: సుప్రీం తీర్పు.. ప్లీజ్ అలా చేయొద్దంటూ బోరుమని ఏడ్చేసిన హీరోయిన్ సదా

Actress Sadha Emotional Video: హీరోయిన్‌ సదా గురించి ప్రత్యేకంగా పరిచయం అసవరం లేదు. ప్రస్తుతం వెండితెరపై ఆమె సందడి కనిపంచడం లేదు. కానీ, ఒకప్పుడు ఆమె సౌత్‌లో టాప్‌ హీరోయిన్‌. జయం, నాగ, అపరిచితుడు వంటి తదితర చిత్రాల్లో స్టార్‌ హీరోల సరసన జతకట్టింది. తెలుగు, తమిళంలో ఎన్నో సినిమాలు చేసిన ఆమెకు క్రమంలో అవకాశాలు తగ్గిపోయాయి. అయినా సదా సినిమా అవకాశాల కోసం చూడకుండ తనకు నచ్చిన ప్రొఫెషన్‌ ఎంచుకుని హ్యాపీ లైఫ్‌ లీడ్‌ చేస్తుంది. సదా జంతు ప్రేమికురాలనే విషయం తెలిసిందే. అందుకే తనకు నచ్చిన వైల్డ్‌ ఫోటోగ్రఫీని ఎంచుకుని ప్రొఫెషనల్‌ ఫోటోగ్రాఫర్‌గా రాణిస్తోంది.

హీరోయిన్ నుంచి వైల్డ్ ఫోటోగ్రాఫర్ గా..

ఆమె తీసిన వీడియోలు, ఫోటోలు సోషల్‌ మీడియాలో బాగా వైరల్‌ అవుతున్నాయి. రేర్ సీన్స్‌, క్లిప్స్‌ తన కెమెరాలో బంధించిన నెటిజన్లకు అందిస్తూ సర్‌ప్రైజ్‌ చేస్తుంది. ఇదిలా ఉంటే తాజాగా సదా ఓ షాకింగ్‌ వీడియో షేర్ చేసింది. తనకు ఏం తోచట్లేదని, బాధగా ఉందంటూ బోరున ఏడుస్తూ కనిపించింది. ఇంతకి సదా ఏడవడానికి కారణం ఇటీవల సుప్రీంకోర్టు ఇచ్చిన తీర్పు. వీధి కుక్కలను బంధించి షెల్టర్లకు తరలించాలని రీసెంట్‌గా సుప్రీంకోర్టు తీర్పు ఇచ్చిన సంగతి తెలిసిందే. దేశరాజధాని ఢిల్లోని అన్ని కుక్కలను 8 వారాల్లోగా షేల్టర్లకు తరలించాలని ఆదేశాలు జారీ చేసింది. ఎవరైనా దీన్ని అడ్డుకోవాలని చూస్తే తీవ్ర పరిణామాలు ఎదుర్కొవాల్సి ఉంటుందని కూడా హెచ్చరించింది.

అత్యున్నత న్యాయస్థానం తీర్పుపై పలువురు సినీ తారలు సోషల్‌ మీడియా వేదికగా అభ్యంతరం తెలుపుతున్నారు. తాజాగా దీనిపై హీరోయిన్‌ సదా కూడా సుప్రీం తీర్పుని వ్యతిరేకించింది. ఈ మేరకు ఆమె మాట్లాడుతూ తన ఇన్‌స్టాగ్రామ్‌లో వీడియో షేర్‌ చేసింది. ఒక్క రేబిస్‌ కేసు కోసం 3 లక్షల కుక్కలను సిటీనుంచి తరలిస్తారా? లేదా చంపేస్తారు. 8 వారాల్లో ప్రభుత్వం శనకాల కోసం షెల్టర్స్ ఎక్కడ? ఎలా సిద్ధం చేయగలరు. ఇది జరగని పని. వాటికి ఆశ్రయం కల్పించడం సాధ్యపడదు. కాబ్టటి చివరకు చంపేస్తారు. మున్సిపల్‌ ఆఫీస్‌, ప్రభుత్వం వాటికి వ్యాక్సిన్‌ వేయకుండ ఏం చేసింది.

Also Read: Annapurna Studio: అన్నపూర్ణ స్టూడియోకు 50 ఏళ్లు.. టాలీవుడ్‌ పునాది పడింది అప్పుడే.. ఇదీ ఏఎన్నార్ ఘనత

నాకేం చేయాలో తోచట్లేదు

ఏబీసి (యానిమల్‌ బర్త్‌ కంట్రోల్‌) ప్రోగ్రామ్‌కు ప్రత్యేక బడ్జెట్‌ కేటాయించి ఉండుంటే పరిస్థితి ఇక్కడివరకు వచ్చేదే కాదు. జంతుప్రేమికులు, ఎన్జీవోలు తమ పరిధిలో ఉన్న కుక్కలు,పిల్లుల సంఖ్య పెరగకుండ తమ శక్తిమేర ప్రయత్నం చేస్తున్నాయి. వాటి ఆరోగ్యం బాగోలేదంటే మా జేబులోంచి తీసి చికిత్స అందిస్తున్నాం. ప్రభుత్వం మూగజీవాల కోసం ఒక్క రూపాయి కూడా ఖర్చు చేయడం ఏలదు. వీధుల్లో శనకాలు ఉండకూడదన్న తీర్పు వచ్చేసింది. వాటి గురించి ఆలోచిస్తుంటే మనసు ముక్కలవుతుంది. నాకేం చేయాలో అర్థం కావడం లేదు. ఎవరిని కలవాలి? ఎక్కడ నిరసన చేయాలి? ఏదీ తోచడం లేదు. కానీ, ఒకటి మాత్రం చెప్పగలను. ఈ తీర్పు నన్ను లోలోపలే చంపేస్తోంది. వాటిని చంపడం కరెక్ట్‌ కాదు. మన దేశాన్ని చూస్తుంటే సిగ్గుగా ఉంది. దయచేసి ఈ తీర్పు వెనక్కి తీసుకోండి” అంటూ బోరున ఏడ్చేసింది.