ఏపీ గ్రీన్ ఎగ్జిక్యూటివ్ కమిటీ చైర్మన్ గా నాగబాబు.. గొప్ప అవకాశం అంటూ చిరు పోస్ట్!

Chiranjeevi: మెగాస్టార్ చిరంజీవి సోషల్ మీడియా వేదిక తన తమ్ముడు నాగబాబుకు అభినందనలు తెలియజేస్తూ చేసిన పోస్ట్ ప్రస్తుతం వైరల్ అవుతుంది. చిరంజీవి సోదరుడు నాగబాబు నటుడిగా, నిర్మాతగా ఇండస్ట్రీలో ఎంతో మంచి గుర్తింపు సంపాదించుకున్నారు. అదేవిధంగా రాజకీయాలలోకి వెళ్లి ప్రజాసేవ చేస్తున్న సంగతి మనకు తెలిసిందే. పవన్ కళ్యాణ్ స్థాపించిన జనసేన పార్టీ(Janasena) వ్యవహారాలను చూసుకుంటూ నాగబాబు కీలక బాధ్యతలను నిర్వర్తిస్తూ వచ్చారు ఈ నేపథ్యంలోనే ఆయనకు జనసేన పార్టీ ఎమ్మెల్సీగా బాధ్యతలను అప్పగించారు.

నాగబాబుకు చిరంజీవి అభినందనలు..

ఇకపోతే తాజాగా ఏపీ ప్రభుత్వం నాగబాబుకు ఏపీ కేబినెట్ లో హోదా కల్పించిన సంగతి తెలిసిందే. నాగబాబు AP గ్రీన్ ఎగ్జిక్యూటివ్ కమిటీ ఛైర్మన్‌గా నియమిస్తూ ఏపీ ప్రభుత్వం ఉత్తర్వులు జారీ చేసింది. అయితే తాజాగా నాగబాబు మంగళగిరిలోని అరణ్య భవన్ లో ఏపీ గ్రీన్ ఎగ్జిక్యూటివ్ కమిటీ చైర్మన్ గా బాధ్యతలు స్వీకరించారు. ఈ నేపథ్యంలోనే మెగా అభిమానుల నుంచి పెద్ద ఎత్తున అభినందనలు వెళ్లవెత్తుతున్నాయి. తాజాగా మెగాస్టార్ చిరంజీవి సైతం సోషల్ మీడియా వేదికగా సోదరుడు నాగబాబుకు అభినందనలు తెలియజేస్తూ చేసిన పోస్ట్ వైరల్ అవుతుంది.

ప్రకృతి ఇచ్చిన అవకాశం..

ఈ నేపథ్యంలోనే నాగబాబు చేసిన పోస్టును చిరంజీవి రీ పోస్ట్ చేస్తూ AP గ్రీన్ ఎగ్జిక్యూటివ్ కమిటీ ఛైర్మన్‌గా బాధ్యతలు స్వీకరించినందుకు ప్రియమైన సోదరుడు నాగబాబు గారికి హృదయపూర్వక అభినందనలు. ప్రకృతి మీద నీకున్న ప్రేమకు, మదర్ నేచర్ నీకు ఇచ్చిన గొప్ప అవకాశంగా దీన్ని కోరుకుంటున్నాను. ఇలాంటి గొప్ప బాధ్యతలను చేపట్టి మెరుగైన, పచ్చని ఆంధ్రపదేశ్ కు సహకరించడం గర్వించదగిన ముఖ్యమైన బాధ్యత ఈ కొత్త ప్రయాణంలో మరెన్నో గొప్ప విజయాలను సాధించాలని, ప్రజా సేవలో మరెన్నో విజయాలను అందుకోవాలని కోరుకుంటున్నాను అంటూ చిరంజీవి తన సోదరుడు నాగబాబు చేపట్టిన కీలక బాధ్యతల పట్ల స్పందిస్తూ అభినందనలు తెలియజేశారు.

Heartiest congratulations, dear @NagaBabuOffl , on taking charge as Chairman of the AP Green Executive Committee. 💐

ప్రకృతి మీద నీకున్న ప్రేమకు, Mother Nature నీకు ఇచ్చిన గొప్ప అవకాశంగా దీన్ని భావిస్తున్నాను.

A proud and important responsibility to contribute towards a greener… https://t.co/EZTTOlI0Zn

— Chiranjeevi Konidela (@KChiruTweets) August 28, 2026

ఇక ఈ పోస్ట్ ప్రస్తుతం సోషల్ మీడియాలో వైరల్ గా మారడంతో మెగా అభిమానులు కూడా నాగబాబుకు అభినందనలు తెలియజేస్తూ కామెంట్లు చేస్తున్నారు. ఇక నాగబాబు ఇదివరకు చిత్ర పరిశ్రమలో ఎన్నో సినిమాలకు నిర్మాతగా వ్యవహరించారు. అలాగే నటుడిగా కూడా కొనసాగారు. ఇలా ఒకవైపు తన నటన ద్వారా ప్రేక్షకులకు మంచి వినోదాన్ని అందిస్తూనే మరోవైపు రాజకీయ నాయకుడిగా ప్రజాసేవలో భాగమయ్యారు. ఇదివరకు ఎమ్మెల్సీగా బాధ్యతలు నిర్వహించిన నాగబాబు ప్రస్తుతం మరిన్ని అదనపు బాధ్యతలను తీసుకున్నారని చెప్పాలి. ఇక చిరంజీవి విషయానికి వస్తే ప్రస్తుతం ఏదైనా బాబి డైరెక్షన్లో తెరకెక్కుతున్న కాక సినిమా షూటింగ్ లో బిజీగా గడుపుతున్న సంగతి తెలిసిందే.ఇటీవల చిరంజీవి పుట్టినరోజు సందర్భంగా ఈ సినిమాకు సంబంధించి టైటిల్ గ్లింప్స్ విడుదల చేశారు.ఇక ఈ సినిమాని వచ్చే ఏడాది సంక్రాంతి పండుగ సందర్భంగా జనవరి 13వ తేదీ విడుదల చేయడానికి సిద్ధమైనట్టు మేకర్స్ తెలియజేశారు.

Also Read: అక్కినేని ఫ్యాన్స్ గెట్ రెడీ.. కింగ్ 100 నుంచి బిగ్ అప్డేట్..వీడియో వైరల్!