Jailer 2 OTT:సూపర్ స్టార్ రజినీకాంత్, డైరెక్టర్ నెల్సన్ దిలీప్కుమార్ కాంబినేషన్లో వస్తున్న ‘జైలర్ 2’పై ఇప్పటికే భారీ అంచనాలు ఉన్నాయి. 2023లో వచ్చిన ‘జైలర్’ సినిమా ఎంత పెద్ద హిట్ అయిందో చెప్పక్కర్లేదు. రజినీ మాస్ యాక్షన్, నెల్సన్ స్టైల్ కామెడీ, అనిరుధ్ మ్యూజిక్ కలిసి సినిమాను బ్లాక్బస్టర్ చేశాయి. ఇప్పుడు అదే కాంబినేషన్లో ‘జైలర్ 2’ వస్తుండటంతో మురిసిపోతున్నారు తలైవా ఫ్యాన్స్.
ఇదిలా ఉంటే.. తాజాగా ఈ సినిమాకు సంబంధించిన ఓటీటీ రైట్స్ విషయంలో ఓ క్రేజీ న్యూస్ బయటకు వచ్చింది. ఫిలిం వర్గాల్లో వినిపిస్తున్న సమాచారం ప్రకారం.. ‘జైలర్ 2’ పోస్ట్ థియేట్రికల్ డిజిటల్ రైట్స్ను అమెజాన్ ప్రైమ్ వీడియో ఏకంగా రూ.160 కోట్లకు దక్కించుకున్నట్లు టాక్ నడుస్తోంది. అయితే దీనిపై మేకర్స్ నుంచి అనౌన్స్మెంట్ రావాల్సి ఉంది.
ఇక ‘జైలర్’ సినిమా డిజిటల్ రైట్స్ దాదాపు రూ.100 కోట్లకు అమ్ముడైనట్లు అప్పట్లో వార్తలు వచ్చాయి.ఇప్పుడు ‘జైలర్ 2’కు ఏకంగా రూ.160 కోట్ల డీల్ కుదిరిందనే టాక్ రావడం చూస్తుంటే.. ఈ సీక్వెల్పై స్ట్రీమింగ్ ప్లాట్ఫామ్లకు ఎంతటి గురి ఉందో అర్థమవుతుంది.అంటే మొదటి పార్ట్తో పోలిస్తే సీక్వెల్ డిజిటల్ మార్కెట్ దాదాపు రూ.60 కోట్లు పెరిగిందన్నమాట.
ఇక ‘జైలర్’ విషయానికి వస్తే.. ఈ సినిమా 2023 ఆగస్టు 10న థియేటర్లలోకి వచ్చి రజినీకాంత్ కెరీర్లోనే గుర్తుండిపోయే హిట్లలో ఒకటిగా నిలిచింది.టైగర్ ముత్తువేల్ పాండ్యన్గా రజినీ చేసిన యాక్షన్ ప్రేక్షకులను మెస్మరైజ్ చేసింది. ముఖ్యంగా తలైవా ఎంట్రీ సీన్లు, యాక్షన్ ఎపిసోడ్లు, అనిరుధ్ బ్యాక్గ్రౌండ్ స్కోర్ థియేటర్లలో ఫ్యాన్స్కు పూనకాలు తెప్పించాయి.
ఇప్పుడు ‘జైలర్ 2’లో కూడా ముత్తువేల్ పాండ్యన్ పాత్రలోనే రజినీకాంత్ కనిపించబోతున్నారు.అయితే ఈసారి కథ ఏంటి? మొదటి పార్ట్ కంటే పెద్దగా ఏం చూపించబోతున్నారు? అనేది ఆసక్తిగా మారింది.సీక్వెల్ కావడంతో యాక్షన్, కామెడీ, మాస్ ఎలిమెంట్స్ను మరింత పెంచినట్లు టాక్ వినిపిస్తోంది.
ఈ సినిమాలో రజినీకాంత్తో పాటు ఎస్.జె. సూర్య, రమ్యకృష్ణ, యోగిబాబు తదితరులు కీలక పాత్రల్లో నటిస్తున్నారు.మొదటి ‘జైలర్’లో మోహన్లాల్, శివరాజ్కుమార్, జాకీ ష్రాఫ్ లాంటి స్టార్లు గెస్ట్ అప్పియరెన్స్తో అదరగొట్టారు. దీంతో రెండో పార్ట్లో కూడా అలాంటి సర్ప్రైజ్లు ఉంటాయా? అనే క్యూరియాసిటీ ఫ్యాన్స్లో పెరిగిపోయింది.
మరోసారి అనిరుధ్ రవిచందర్ సంగీతం అందిస్తుండటంతో మ్యూజిక్పై కూడా భారీ అంచనాలు ఉన్నాయి.ఇక సన్ పిక్చర్స్ బ్యానర్పై కళానిధి మారన్ నిర్మిస్తున్న ఈ సినిమా అక్టోబర్ 15, 2026న థియేటర్లలోకి రానుందని తెలుస్తోంది.
మొత్తానికి.. ‘జైలర్ 2’ ఓటీటీ రైట్స్ రూ.160 కోట్లకు అమ్ముడయ్యాయనే వార్త ఇప్పుడు సినిమాకు మరింత హైప్ తెచ్చింది. అధికారికంగా డీల్పై క్లారిటీ రావాల్సి ఉన్నా.. ఈ రేంజ్లో బిజినెస్ జరుగుతోందనే టాక్ మాత్రం రజినీ మార్కెట్ ఏ స్థాయిలో ఉందో మరోసారి చూపిస్తోంది.
also read:రామ్ గోపాల్ వర్మతో సినిమా చేయడం వల్లే..తేజస్విని మదివాడ వైరల్ కామెంట్స్ !
మరి థియేటర్లలోకి వచ్చిన తర్వాత ‘జైలర్ 2’ మొదటి పార్ట్ను మించి రికార్డులు కొడుతుందా? బాక్సాఫీస్ను మరోసారి షేక్ చేస్తుందా? అనేది తెలియాలంటే అక్టోబర్ 15 వరకు వెయిట్ చేయాల్సిందే!
Share
ఐపీఎల్ లో వదిలేయ్..వెంటనే పాకిస్తాన్ కు వచ్చేయ్..పాండ్యాకు బంపర్ ఆఫర్ !
ఆగస్ట్ 15 ఇంటి డెకరేషన్ కోసం ప్లాన్ చేస్తున్నారా? తప్పకుండా గుర్తుంచుకోవాల్సిన విషయాలు
