మల్టీస్టారర్ సినిమాకు హీరోయిన్లను సెట్ చేసిన అనిల్ రావిపూడి..ఆ ఇద్దరు ఎవరంటే?

Anil Ravipudi: హిట్ మిషన్ అనిల్ రావిపూడి వరుసగా సంక్రాంతి పండుగను టార్గెట్ చేస్తూ ప్రేక్షకుల ముందుకు వచ్చి అద్భుతమైన విజయాలను సొంతం చేసుకున్న సంగతి తెలిసిందే. గత ఏడాది సంక్రాంతికి వస్తున్నాం అనే సినిమాతో బ్లాక్ బస్టర్ అందుకున్న అనిల్ రావిపూడి(Anil Ravipudi) ఈ ఏడాది మన శంకర్ వరప్రసాద్ గారు సినిమాతో సూపర్ డూపర్ సక్సెస్ అందుకున్నారు. ఈ నేపథ్యంలోనే అనిల్ రావిపుడి తదుపరి సినిమాపై భారీగా అంచనాలు పెరిగిపోయాయి. అనిల్ రావిపూడి తన తదుపరి సినిమాని వెంకటేష్ తో చేయబోతున్న సంగతి తెలిసిందే.

2027 సంక్రాంతికి టార్గెట్ చేసిన అనిల్ రావిపుడి..

ఈ సినిమాలో వెంకటేష్ తో పాటు మరో నటుడు కళ్యాణ్ రామ్ కూడా నటించబోతున్నారు. ఇలా మల్టీ స్టార్టర్ సినిమాగా తెరకేక్కబోతున్న ఈ సినిమా 2027 సంక్రాంతి పండుగను పురస్కరించుకొని ప్రేక్షకుల ముందుకు రాబోతున్నట్లు అనిల్ రావిపూడి తెలియజేశారు. ఈ సినిమాకు సంబంధించి నిత్యం ఎన్నో రకాల వార్తలు సోషల్ మీడియాలో వైరల్ అవుతున్న సంగతి తెలిసిందే. ఈ సినిమా సురేష్ ప్రొడక్షన్స్, సైన్ స్క్రీన్ బ్యానర్ పై ప్రేక్షకుల ముందుకు రాబోతున్నాయి. ఇక ఈ సినిమా ఇప్పటికే స్క్రిప్ట్ మొత్తం పూర్తి అయిందని జూన్ నుంచి రెగ్యులర్ షూటింగ్ పనులు ప్రారంభం కాబోతున్నాయని తెలుస్తోంది.

అనిల్ రావిపూడి సినిమాలో కృతి శెట్టి కన్ఫర్మ్..

ఇదిలా ఉండగా ఈ సినిమా హీరోయిన్ల గురించి ఇప్పటివరకు ఏ విధమైనటువంటి అధికారక ప్రకటన రాకపోవడంతో ఈ సినిమా హీరోయిన్ల గురించి సోషల్ మీడియాలో ఎన్నో రకాల వార్తలు వస్తున్నాయి. ఇందులో ఇద్దరు హీరోయిన్లు నటించబోతున్నట్లు తెలిసిందే. కృతి శెట్టి కళ్యాణ్ రామ్ జోడిగా నటించబోతున్నారని వార్తలు వచ్చిన విధంగానే ఈ సినిమాలో కృతి శెట్టి(Kriti Shetty) నటించబోతున్నట్లు స్వయంగా అనిల్ రావిపూడి తెలియజేశారు.

వెంకటేష్ జోడిగా కీర్తి సురేష్..

ఇక వెంకటేష్ జోడిగా ఎవరు నటించబోతున్నారనే విషయంపై సర్వత్ర ఆసక్తి నెలకొంది .అయితే ఈ సినిమాలో కీర్తి సురేష్ నటించబోతున్నట్లు మొదటి నుంచి కూడా వార్తలు వస్తున్నాయి. ఈ సినిమాలో వెంకటేష్ జోడిగా కీర్తి సురేష్ దాదాపు కన్ఫామ్ అయ్యారని, త్వరలోనే ఈ ఇద్దరు హీరోయిన్లకు సంబంధించి అధికారక ప్రకటన వెల్లడించబోతున్నారని తెలుస్తోంది. కీర్తి సురేష్ కి ఇటీవల కాలంలో తెలుగులో పెద్దగా సినిమాలకు కమిట్ అవ్వలేదు ఈమె చివరిగా నాని హీరోగా నటించిన దసరా సినిమాతో ప్రేక్షకుల ముందుకు వచ్చి మంచి సక్సెస్ అందుకున్నారు. ఈ సినిమా తర్వాత తెలుగు తెరపై కనిపించలేదని చెప్పాలి. ఈ నేపథ్యంలోనే అనిల్ రావిపూడి డైరెక్షన్ లో ఈమె నటించబోతున్నారనే విషయం తెలియడంతో అభిమానులు కూడా సంతోషం వ్యక్తం చేస్తున్నారు.

Also Read: ఇది దేవుడిచ్చిన బంధం.. ఆ కమెడియన్ గురించి చెబుతూ కన్నీళ్లు పెట్టుకున్న ఇంద్రజ!