K-Ramp : తెలుగు సినిమా ఇండస్ట్రీలో పండగ సీజన్ వస్తే చాలు చాలా సినిమాలు విడుదలకు సిద్ధమవుతుంటాయి. అలానే దీపావళి కానుకగా ఏకంగా బాక్స్ ఆఫీస్ వద్ద నాలుగు సినిమాలు పోటీకి దిగాయి. నాలుగు సినిమాలు రిలీజ్ కి ముందు ట్రైలర్లు మాత్రం విపరీతంగా ఆకట్టుకున్నాయి. మిత్రమండలి, తెలుసు కదా, డ్యూడ్, K-Ramp సినిమాలను దీపావళి కానుకగా విడుదల చేస్తున్నట్లు ముందుగానే అనౌన్స్ చేశారు.
వీటిలో మిత్రమండలి, తెలుసు కదా, డ్యూడ్ సినిమాలు ఆల్రెడీ బాక్సాఫీస్ వద్ద విడుదల అయిపోయాయి. అయితే ఈ మూడు సినిమాల్లో డ్యూడ్ సినిమాకు, తెలుసు కదా సినిమాకు కొద్దిపాటి పాజిటివ్ టాక్ వినిపిస్తుంది. కానీ యునానిమస్ గా హిట్ టాక్ అయితే రాలేదు. బాక్సాఫీస్ వద్ద పోటీకి సిద్ధంగా ఉన్న మూడు సినిమాలు ఆల్రెడీ విడుదల అయిపోయాయి. ఇంక కిరణ్ అబ్బవరం నటిస్తున్న K-Ramp సినిమా విడుదల కావాలి.
మామూలుగా చాలామంది నిర్మాతలకు ఒక క్లారిటీ ఉంటుంది. సినిమాని ఎంతలా ప్రమోట్ చేసినా కూడా సినిమా రిజల్ట్ బట్టి ఆడియన్స్ ఆ సినిమాని ఆదరిస్తారు అనే క్లారిటీ అందరికీ ఉంది. అయితే ఇప్పటివరకు వచ్చిన మూడు సినిమాలకు కూడా ఊహించిన స్థాయి సక్సెస్ రాలేదు. గతవారం పెద్దగా బాక్స్ ఆఫీస్ వద్ద సినిమాలేవి విడుదల కాలేదు. ఆ వారాన్ని అందరూ వదిలేశారు.
కిరణ్ అబ్బవరం క సినిమా తర్వాత ఇప్పటివరకు ఆ స్థాయి సక్సెస్ అందుకోలేదు. అంతకుముందు కిరణ్ కెరియర్ లో వరుసగా డిజాస్టర్లు పడ్డాయి. క సినిమాతో స్ట్రాంగ్ కం బ్యాక్ ఇచ్చాడు. ఆ తర్వాత చేసిన దిల్రుబా అంటే సినిమాలు కూడా బాక్స్ ఆఫీస్ వద్ద ఊహించిన సక్సెస్ సాధించలేకపోయాయి.
రీసెంట్ టైమ్స్ లో ఎంటర్టైన్మెంట్ సినిమాలకు ఎక్కువ ఆదరణ లభిస్తుంది కాబట్టి కిరణ్ ఎంటర్టైన్మెంట్ సినిమాను చేశాడు. ఈ సినిమా రేపు ప్రేక్షకులు ముందుకు రానుంది. ఈ సినిమాకి ఊహించిన సక్సెస్ వచ్చింది అంటే ఖచ్చితంగా మంచి కలెక్షన్స్ రాబట్టే అవకాశం ఉంది.
ఈ సినిమా మీద విపరీతమైన కాన్ఫిడెన్స్ చిత్ర యూనిట్ కి ఉంది. కిరణ్ కూడా ఈ సినిమాను విపరీతంగా ప్రమోట్ చేశాడు. ఈ సినిమా ఒక కంప్లీట్ ఎంటర్టైన్మెంట్ గా ఉండబోతుంది అని ముందు నుంచి ఆడియన్స్ ను ప్రిపేర్ చేస్తూ వచ్చారు.
ఈ సినిమాకి సంబంధించిన ఈవెంట్స్ లో కూడా కచ్చితంగా ఈ సినిమాకు సక్సెస్ ఈవెంట్ పెడతాను అప్పుడు మా టీం అంతటి గురించి కూడా మాట్లాడుతాను అని కిరణ్ చెబుతూ వచ్చాడు. కిరణ్ మాటలు బట్టి చూస్తే ఈ సినిమా మీద అతనికి ఎంత నమ్మకం ఉందో అర్థం అవుతుంది.
Share
Dil Raju : వివి వినాయక్ కు వచ్చిన పరిస్థితి దేవిశ్రీకి వస్తుందా? దిల్ రాజు ఇచ్చిన మాట నిలబెట్టుకుంటారా?
No More ORS: అవి ORS కావు.. ఫలించిన హైదరాబాద్ డాక్టర్ పోరాటం, రంగంలోకి FSAAI
