Prabhas: డ్రగ్స్ నిర్మూలన కోసం జరుగుతున్న పెద్ద పోరాటంలో ఇప్పుడు ప్రభాస్ కూడా భాగస్వామి కాబోతున్నారు. కేంద్ర మంత్రి కిషన్రెడ్డి స్వయంగా ప్రభాస్ను కలిసి, ‘నషాముక్త్ భారత్’ కార్యక్రమానికి రావాలని ఆహ్వానించారు. అంతేకాదు, ఇద్దరూ కలిసి ఈ కార్యక్రమానికి సంబంధించిన పోస్టర్ను కూడా విడుదల చేశారు. ఈ నెల 25, 26, 27 తేదీల్లో హైదరాబాద్లో ఈ కార్యక్రమం ఘనంగా జరగబోతోంది. సమాజాన్ని పట్టి పీడిస్తున్న డ్రగ్స్ మహమ్మారిని తరిమికొట్టడానికి యువతలో అవగాహన తీసుకురావడమే దీని ప్రధాన ఉద్దేశం.
టాలీవుడ్ ప్రముఖుల వరుసలో ప్రభాస్
నిజానికి ఈ ఈవెంట్ కోసం కిషన్రెడ్డి ఇప్పటికే చాలామంది ప్రముఖులను కలుస్తున్నారు. ఇప్పటికే చిరంజీవి, నాగార్జున, వెంకటేశ్ లాంటి సీనియర్ హీరోలతో పాటు దర్శకులు సుకుమార్, బోయపాటి శ్రీనులను కూడా కలిసి ఆహ్వానించారు. ఇప్పుడు ఆ లిస్ట్లో ప్రభాస్ కూడా చేరారు. సినిమాలతో కోట్లాది మందిని ఆకట్టుకునే స్టార్స్ ఇలాంటి సామాజిక కార్యక్రమాలకు మద్దతు ఇస్తే.. సామాన్యుల్లో ముఖ్యంగా యూత్లో మంచి మార్పు వస్తుందని అంతా భావిస్తున్నారు. మొత్తానికి హైదరాబాద్లో జరిగే ఈ మూడు రోజుల కార్యక్రమం ఇప్పుడు అందరి దృష్టినీ ఆకర్షిస్తోంది.
ప్రభాస్తో కిషన్రెడ్డి భేటీ
ప్రముఖ సినీ నటుడు ప్రభాస్తో కేంద్ర మంత్రి కిషన్రెడ్డి భేటీ అయ్యారు. డ్రగ్స్ నిర్మూలన కోసం నిర్వహిస్తున్న ‘నషాముక్త్ భారత్’ కార్యక్రమానికి హాజరు కావాలని ఆహ్వానించారు. వీరిద్దరు కలిసి ఈ కార్యక్రమ పోస్టర్ను ఆవిష్కరించారు. ఈ నెల 25, 26, 27 తేదీల్లో… pic.twitter.com/NAMalJ9Xx1
— BIG TV Breaking News (@bigtvtelugu) November 22, 2026
Also Read: తెలంగాణ కరువును జాతీయ విపత్తుగా గుర్తించాలి: పొన్నం ప్రభాకర్