Mirai Song Promo: వైబ్ ఉంది బేబీ.. వైబ్ ఉందిలే..

Mirai Song Promo: కుర్ర హీరో తేజ సజ్జా గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. బాలనటుడిగా కెరీర్ ను ప్రారంభించిన తేజ ఆ తరువాత ఓ బేబీ సినిమాతో టాలీవుడ్ కు పరిచయమయ్యాడు. ఈ సినిమాలో సపోర్టివ్ రోల్ తో అదరగొట్టిన తేజ.. అద్భుతం, జాంబీ రెడ్డి, ఇష్క్ సినిమాలతో హీరోగా మారిన తేజ.. హనుమాన్ సినిమాతో పాన్ ఇండియా హీరోగా మారిపోయాడు. ప్రశాంత్ వర్మ దర్శకత్వం వహించిన ఈ సినిమా భారీ విజయాన్ని అందుకోవడంతో పాటు రికార్డ్ కలక్షన్స్ రాబట్టింది.

ఇక హనుమాన్ తరువాత తేజ సజ్జా నటిస్తున్న చిత్రం మిరాయ్. కార్తీక్ ఘట్టమనేని దర్శకత్వంలో తెరకెక్కుతున్న ఈ చిత్రాన్ని పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మిస్తున్నాడు. ఇక ఈ సినిమాలో తేజ సరసన రిత్విక నాయక్ నటిస్తుండగా.. మంచు మనోజ్ విలన్ గా నటిస్తున్నాడు. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. సూపర్ యోధ పాత్రలో తేజ నటిస్తున్నాడు. సెప్టెంబర్ 5 న ఈ సినిమా ప్రేక్షకుల ముందుకు రానుంది.

మిరాయ్ సినిమా రిలీజ్ డేట్ దగ్గరపడుతుండడంతో ప్రమోషన్స్ షురూ చేశారు. తాజాగా ఈ సినిమా నుంచి మొదటి లిరికల్ సాంగ్ ప్రోమోను రిలీజ్ చేశారు. వైబ్ ఉంది పిల్లా.. వైబ్ ఉందిలే అంటూ సాగిన ఈ సాంగ్ ఆద్యంతం ఆకట్టుకుంటుంది. గౌర హరి మ్యూజిక్ అందించిన ఈ సాంగ్ కు కృష్ణ కాంత్ లిరిక్స్ అందించగా.. అర్మాన్ మాలిక్ ఆలపించాడు. ఇక సాంగ్ లో తేజ డ్యాన్స్ హైలైట్ ఉండబోతుందని తెలుస్తోంది. చాలా స్టైలిష్ లుక్ లో తేజ.. అందాలను ఆరబోస్తూ రిత్విక కనిపించారు. జూలై 26 న ఫుల్ సాంగ్ ను రిలీజ్ చేయనున్నట్లు మేకర్స్ తెలిపారు.

కేవలం ప్రోమోతోనే సినిమాపై హైప్ క్రియేట్ చేసినట్లు తెలుస్తోంది. నిజంగానే ఈ సాంగ్ లో వైబ్ ఉందని తెలుస్తోంది. ఫుల్ సాంగ్ రిలీజ్ అయ్యాకా కచ్చితంగా ఈ సాంగ్ చార్ట్ బస్టర్ గా నిలుస్తుంది అని చెప్పడంలో ఎటువంటి అతిశయోక్తి లేదు. ప్రస్తుతం ఈ ప్రోమో నెట్టింట వైరల్ గా మారింది. మరి ఈ సినిమాతో తేజ సజ్జా ఎలాంటి విజయాన్ని అందుకుంటాడో చూడాలి.