Vrushakarma Glimpse: నాగచైతన్య వృషకర్మ పై బిగ్ అప్డేట్ .. గ్లింప్స్ రిలీజ్ డేట్ ఫిక్స్..

Vrushakarma Glimpse: అక్కినేని నాగచైతన్య ఇటీవల కాలంలో వరుస సినిమాల పనులలో ఎంతో బిజీగా ఉన్నారు ఈయన చివరిగా తండేల్ అనే సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్న సంగతి తెలిసిందే. ఈ సినిమా మంచి సక్సెస్ కావడంతో నాగచైతన్య(Nagachaitanya) తదుపరి సినిమాపై భారీ స్థాయిలో అంచనాలు ఉన్నాయి తదుపరి చిత్రాన్ని విరూపాక్ష ఫేమ్ డైరెక్టర్ కార్తీక్ వర్మ దండు (Karthik Varma Dandu)దర్శకత్వంలో నటిస్తున్న సంగతి తెలిసిందే. ఈ సినిమా వృషకర్మ (Vrushakarma)అని పేరుతో ప్రేక్షకుల ముందుకు రావడానికి సిద్ధమవుతుంది. ప్రస్తుతం ఈ సినిమా షూటింగ్ చివరి దశలో ఉన్నట్టు తెలుస్తోంది.

నాగచైతన్య వృష కర్మ గ్లింప్స్ ..

ఇక ఈ ఏడాది జూన్ లేదా జూలై నెలలో ఈ సినిమా విడుదల కావచ్చనే వార్తలు కూడా సోషల్ మీడియాలో వైరల్ అవుతున్నాయి కానీ ఇప్పటివరకు చిత్ర బృందం మాత్రం ఏ విధమైనటువంటి అప్డేట్ వెల్లడించలేదు అయితే తాజాగా చిత్ర బృందం ఈ సినిమాకు సంబంధించి ఒక బిగ్ అప్డేట్ తెలియజేశారు. వృషకర్మ గ్లింప్స్ మార్చ్ 5వ తేదీ ప్రేక్షకుల ముందుకు రాబోతున్నట్లు చిత్ర బృందం ఒక పోస్టర్ ద్వారా అధికారకంగా తెలియజేశారు. ఇప్పటికే ఈ సినిమాలో నటీనటులను పరిచయం చేస్తూ వారి ఫస్ట్ లుక్ పోస్టర్లను విడుదల చేస్తూనే సినిమాపై మంచి అంచనాలను పెంచేశారు.

దక్ష పాత్రలో మీనాక్షి చౌదరి..

ఈ సినిమాలో నాగచైతన్యకు జోడిగా మీనాక్షి చౌదరి దక్ష అనే పాత్రలో నటించబోతున్నారు. ఈమె పురావస్తు శాస్త్రవేత్తగా ఈ సినిమాలో కనిపించబోతున్నారని స్పష్టమవుతుంది. వృషకర్మ నాగచైతన్య సినీ కెరియర్ లోనే భారీ బడ్జెట్ సినిమాగా, మొట్టమొదటి పాన్ ఇండియా సినిమాగా ప్రేక్షకుల ముందుకు రాబోతోంది. విరూపాక్ష సినిమా తర్వాత కార్తీక్ వృషకర్మ సినిమా చేయబోతున్న నేపథ్యంలో ఈ సినిమా పట్ల కూడా భారీగా అంచనాలు ఉన్నాయి. ఈ సినిమా ఒక మిస్టికల్ అడ్వెంచర్ థ్రిల్లర్ నేపథ్యంలో ఉండబోతుందని తెలుస్తుంది.

The world of #VRUSHAKARMA opens in all its fury, fire, and fear 💥💥💥#VrushakarmaGlimpse on MARCH 5th, 2026 ❤️‍🔥 pic.twitter.com/lb0ZTwtiuL

— Vrushakarma (@Vrushakarma) February 25, 2026

ఈ భారీ బడ్జెట్ పాన్ ఇండియా సినిమాని శ్రీ వెంకటేశ్వర సినీ క్రియేషన్స్ సుకుమార్ రైటింగ్స్ బ్యానర్లపై తెరకెక్కుతోంది. ఈ సినిమాలో నాగచైతన్య మీనాక్షి చౌదరి(Meenakshi Chowdary) హీరో హీరోయిన్లుగా నటించగా స్పర్శ్ శ్రీవాస్తవ విలన్ గా ప్రేక్షకుల ముందుకు రాబోతున్నారని తెలుస్తుంది. ఈ సినిమాకు కాంతారా మ్యూజిక్ డైరెక్టర్ అజనీష్ లోక్‌నాథ్ సంగీతం అందిస్తున్నారు. నాగచైతన్య సినీ కెరియర్ లో ఈ సినిమా 24వ సినిమా గా ప్రేక్షకుల ముందుకు రావడం విశేషం. ఇక ఈ సినిమా తర్వాత నాగచైతన్య తన తదుపరి చిత్రాన్ని సుకుమార్ డైరెక్షన్ చేయబోతున్నారంటూ వార్తలు వస్తున్నాయి కానీ ఇప్పటివరకు ఈ వార్తలపై ఏ విధమైనటువంటి స్పష్టత లేదు.

Also Read: Samantha: రాజమౌళి ఈగ సినిమాపై సమంత కామెంట్స్…సెకండ్ ఛాన్స్ వస్తే అంటూ!