The Paradise: నాచురల్ స్టార్ నాని హీరోగా శ్రీకాంత్ ఓదెల దర్శకత్వంలో ప్రేక్షకుల ముందుకు రాబోతున్న తాజా చిత్రం ది ప్యారడైజ్. ఈ సినిమా సెప్టెంబర్ 24వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను నిర్వహిస్తున్నారు. ఇందులో భాగంగానే తాజాగా చిత్ర బృందం చెన్నైలో ప్రెస్ మీట్ కార్యక్రమాన్ని నిర్వహించారు. ఈ కార్యక్రమంలో భాగంగా డైరెక్టర్ శ్రీకాంత్ ఓదెల, హీరో నాని(Nani) పాల్గొన్నారు. ఈ నేపథ్యంలోనే తమిళ మీడియా వారు నానిని ప్రశ్నిస్తూ ఈ సినిమాలో కీర్తి సురేష్(Keerthy Suresh) భాగం అవ్వటం చాలా సంతోషంగా ఉంది యేషనాగుల(Yeshnagula) కట్టసాంగ్ కూడా చాలా సక్సెస్ అయ్యింది అంటూ ఈ విషయం పట్ల ప్రశ్నలు వేశారు.
ఈ ప్రశ్నకు నాని సమాధానం చెబుతూ నిజానికి కీర్తి సురేష్ తనకు చాలా మంచి ఫ్యామిలీ ఫ్రెండ్ అని తెలిపారు. మా ఇద్దరి కాంబినేషన్లో నేను లోకల్ దసరా సినిమాలు వచ్చాయని, కీర్తి సురేష్ శ్రీకాంత్ కు బెస్ట్ ఫ్రెండ్ అయిందని తెలిపారు. శ్రీకాంత్ నేను కలిసి ది ప్యారడైజ్ సినిమా చేస్తున్నామనే విషయం తెలియడంతో మాపై అలిగిందని నాని తెలిపారు. ఈ సినిమాలో తను భాగం కాలేదని చాలా బాధపడింది. లక్కీగా ఆమె ఈ సినిమాలో ఒక స్పెషల్ సాంగ్ చేసే అవకాశం అందుకున్నారని అందుకు చాలా సంతోషంగా ఉందని నాని తెలిపారు..
ప్రస్తుతం ఏషనాగుల సాంగ్ సోషల్ మీడియాలో ట్రెండింగ్ లో ఉందని నాని ఈ సందర్భంగా తెలియజేశారు. ఇక ఈ సినిమాలో జడలు వేసుకుని కనిపించడం ఇబ్బందిగా అనిపించలేదా అంటూ మరో ప్రశ్న ఎదురయింది. ఈ ప్రశ్నకు నాని సమాధానం చెబుతూ దాదాపు 106 రోజులపాటు జడలతోనే షూటింగ్ చేశామని అలా షూట్ చేసే సమయంలో చాలా ఇబ్బంది పడ్డామని నాని తెలియజేశారు. మొదట్లో హీరోకి జడలు ఉంటే హీరోనా లేదా కమెడియనా అనే విమర్శలు వస్తాయని భావించాను కానీ డైరెక్టర్ శ్రీకాంత్ చాలా కాన్ఫిడెంట్ గా ఉన్నారు. ఇక ఈ సినిమా నుంచి ఫస్ట్ లుక్ కు చాలా మంచి ఆదరణ లభించడంతో మేమంతా కూడా చాలా కాన్ఫిడెంట్ గా ఉన్నామని తెలిపారు.
తల్లి కొడుకుల సెంటిమెంట్ నేపథ్యంలో..
ఇక ఈ సినిమా తల్లి కొడుకుల సెంటిమెంట్ నేపథ్యంలో ప్రేక్షకుల ముందుకు రాబోతున్న సంగతి తెలిసిందే. ఇప్పటికే ప్రేక్షకుల ముందుకు రావాల్సిన ఈ సినిమా తరచు వాయిదా పడుతూ వస్తోంది. ఇక సెప్టెంబర్ 24వ తేదీ ఈ సినిమా భారీగా విడుదలకు సిద్ధమయింది. ఇక రెండు తెలుగు రాష్ట్రాలలో సెప్టెంబర్ 23వ తేదీ ప్రీమియర్లు ప్రసారం కాబోతున్న సంగతి తెలిసిందే. ఈ సినిమా విడుదలకు సంబంధించి అన్ని ఏర్పాట్లు కూడా పూర్తి అయ్యాయి ఈ సినిమాకు సెన్సార్ బోర్డ్ A సర్టిఫికెట్ జారీ చేస్తూ 2:49 నిమిషాల రన్ టైంకి లాక్ చేశారు. మరి నాని కెరియర్ లోనే అత్యంత భారీ బడ్జెట్ సినిమాగా ప్రేక్షకుల ముందుకు రాబోతున్న ప్యారడైజ్ ఎలాంటి ఆదరణ సొంతం చేసుకుంటుందనేది తెలియాల్సి ఉంది.
Also Read: గెటప్ శ్రీను రెమ్యూనరేషన్ ఎంతో తెలుసా? హీరోలను మించిపోయాడుగా?
Share
విదేశీ ప్రయాణమా? ఈ ఒక్క పాలసీ ఉంటే ఎన్నో సమస్యల నుంచి రక్షణ పొందొచ్చు!
రష్యా చమురుపై అమెరికా బిగ్ ట్విస్ట్.. భారత్ వ్యూహం ఏంటి?
