Parag Tyagi: బాలీవుడ్ ఇండస్ట్రీలో నటుడిగా ఎంతో మంచి గుర్తింపు సంపాదించుకున్న పరాగ్ త్యాగి(Parag Tyagi) ఇటీవల కాలంలో ఎంతో బాధను అనుభవిస్తున్నారు. తన జీవిత భాగస్వామి నటి షెఫాలి జరివాలా(Shefali Jariwala) ఇటీవల మరణించిన విషయం తెలిసిందే. ఈమె జూన్ 27 వ తేదీ మరణించారు. ఇలా భార్య మరణాన్ని ఇప్పటికీ జీర్ణించుకోలేకపోతున్న నటుడు పరాగ్ త్యాగి తాజాగా తన భార్య ప్రేమకు గుర్తుగా ఆమె ముఖచిత్రాన్ని తన గుండెల పై టాటుగా(Tattoo) వేయించుకొని మరోసారి వార్తల్లో నిలిచారు. తన భార్య నవ్వుతూ ఉన్న ముఖచిత్రాన్ని పరాగ్ త్యాగి వారి 15వ వివాహ వార్షికోత్సవం సందర్భంగా చాతిపై టాటుగా వేయించుకున్నారు.
నా హృదయంలోనే ఉంటుంది..
ప్రస్తుతం ఇందుకు సంబంధించిన ఈ వీడియోని పరాగ్ త్యాగి తన ఇంస్టాగ్రామ్ ద్వారా షేర్ చేయడంతో ఇది కాస్త వైరల్ అవుతుంది. ఇక ఈ వీడియోని షేర్ చేసిన ఈయన.. డోస్టన్ నిరీక్షణ చివరకు ముగిసింది. మా 15వ వార్షికోత్సవం సందర్భంగా పారికి నేను ఇచ్చే బహుమతి ఇదే. తాను భౌతికంగా లేకపోయినా ఎప్పుడు నా హృదయంలోనే, నా శరీరంలో ప్రతి అణువు అణువులను ఉంటుంది. ప్రతి ఒక్కరు కూడా ఇది చూడగలరు అంటూ చెప్పుకు వచ్చారు. అదేవిధంగా తన భార్య ఫోటోని టాటూగా ఎంతో అద్భుతంగా వేసిన టాటూ ఆర్టిస్ట్ కి కూడా ఈయన ఈ సందర్భంగా కృతజ్ఞతలు తెలిపారు.
భార్య ప్రేమకు గుర్తుగా…
ఈ విధంగా తన భార్య షెఫాలి జరివాలా ప్రేమకు గుర్తుగా పరాగ్ త్యాగి ఛాతిపై టాటూను వేయించుకోవడంతో ఈయన తన భార్య పట్ల చూపిస్తున్నటువంటి ప్రేమపై అందరూ ప్రశంసలు కురిపిస్తున్నారు. అలాగే తన భార్యను ఎంతలా మిస్ అవుతున్నారో కూడా ఈ సందర్భంగా తెలియజేశారు. ఇక ఈ ఫోటో సోషల్ మీడియాలో వైరల్ గా మారడంతో అభిమానులు విభిన్న రీతిలో స్పందిస్తూ కామెంట్లు చేస్తున్నారు.. ఇటీవల కాలంలో విడాకులు తీసుకున్న లేదా భార్య భర్తలు చనిపోయిన వెంటనే రెండో పెళ్లిళ్లు చేసుకుంటున్నారు కానీ ఈయన మాత్రం తన భార్య ప్రేమను మర్చిపోలేకపోతున్నారని ఇదే నిజమైన ప్రేమ అంటూ కామెంట్లు చేస్తున్నారు.
?igsh=b3VpaXByMTcwMHhh
ఇకపోతే షెఫాలి జరివాలా జూన్ 27వ తేదీ తన ఇంట్లో పూజా కార్యక్రమాలను నిర్వహించారు. అయితే ఈ పూజ కార్యక్రమాలలో భాగంగా ఉపవాసం ఉండటంతో ఎలాంటి ఆహార పదార్థాలను తీసుకోకుండా ఈమె యాంటీ ఎజింగ్ టాబ్లెట్లను వేసుకోవటం వల్లే మరణానికి కారణమైందని తెలుస్తోంది. ఉన్నఫలంగా షెఫాలి జరివాలా కుప్ప కూలిపోవడంతో వెంటనే కుటుంబ సభ్యులు ఆమెను అంధేరీలోని బెల్లేవ్ మల్టీస్పెషాలిటీ ఆసుపత్రికి తరలించారు. అప్పటికే ఆమె పరిస్థితి విషమంగా ఉన్న నేపథ్యంలో మరణించారని వైద్యులు తెలియజేశారు. తన భార్య మరణంతో పరాగ్ త్యాగి శోకసంద్రంలో మునిగిపోయారు. ఇప్పటికీ తన భార్య మరణాన్ని జీర్ణించుకోలేని ఈయన తన భార్య ప్రేమకు గుర్తుగా గుండె పై టాటూ వేయించుకున్నట్లు తెలుస్తోంది.
Also Read: Rashmika: “థమా” ఫస్ట్ లుక్ పోస్టర్ తోనే హైప్ పెంచిన రష్మిక… భయపెట్టేస్తోందిగా?
Share
Rajasthan News: లవర్‌తో కలిసి భర్తను దారుణంగా చంపి.. డ్రమ్ములో పడేసి పరార్.. చివరకు ఏమైందంటే?
Bigg Boss Telugu: కొత్త ఇంట్లోకి అడుగుపెట్టిన బిగ్ బాస్ కంటెస్టెంట్.. వీడియో వైరల్!
