పావలా శ్యామల మృతిపై పవన్ కళ్యాణ్ ఎమోషనల్ ట్వీట్ వైరల్!

Pavala Shyamala: పావలా శ్యామల.. ఎన్నో సినిమాల్లో మరెన్నో డిఫరెంట్ రోల్స్ పోషించి మనల్ని కడుపుబ్బా నవ్వించిన ఈ సీనియర్ నటి ఈ రోజు ఉదయం ఒంటి గంటకి కన్ను మూసిన సంగతి తెల్సిందే.ఇక ఈమెమృతి విషయం తెలిసిన వెంటనే పలువురు సినీ ప్రముఖులు సోషల్ మీడియా లో తమ సంతాపం తెలుపుతున్నారు. ఈ క్రమంలో ఏపీ ఉప ముఖ్యమంత్రి, జనసేన అధినేత పవన్ కళ్యాణ్ కూడా ఎమోషనల్ ట్వీట్ చేశారు.

“శ్రీమతి పావలా శ్యామల గారు కన్నుమూశారని తెలిసి చాలా బాధగా ఉంది. రంగస్థలం నుంచి సినిమాల వరకు తన నటనతో మంచి పేరు తెచ్చుకున్నారు. ఆమె ఆత్మకు శాంతి చేకూరాలని భగవంతుణ్ని ప్రార్థిస్తున్నాను” అంటూ పవన్ కళ్యాణ్ ట్వీట్ చేశారు. ఆయన పోస్ట్ చేసిన కొద్ది నిమిషాల్లోనే అది సోషల్ మీడియాలో వైరల్ అయింది. అభిమానులు కూడా పెద్ద ఎత్తున కామెంట్లు చేస్తూ పావలా శ్యామలకు నివాళులు అర్పిస్తున్నారు.

పావలా శ్యామల అంటే తెలుగు ప్రేక్షకులకు వెంటనే గుర్తొచ్చేది ఆమె సహజమైన నటనే. హీరోయిన్లకు తల్లి, అత్త, బామ్మ, ఇలా.. ఏ పాత్ర ఇచ్చినా అలవోకగా,ఒక పక్కింటి మనిషిలా నటించి మెప్పించేవారు. అందుకే ఆమె చేసిన చిన్న చిన్న పాత్రలు కూడా ప్రేక్షకుల మనసుల్లో నిలిచిపోయాయని చెప్పాలి.

also read :మైఖేల్ జాక్సన్ బయోపిక్‌కు ఓటీటీ డేట్ ఫిక్స్.. ఫ్యాన్స్‌కు పండగే!

స్టార్ హీరోలతో కలిసి నటించిన శ్యామల

ఆమె నాటకాలతో మొదలెట్టి తర్వాత సినిమాల్లోకి వచ్చారు.అలా ఒక్కో సినిమా చేస్తూ తనకంటూ ప్రత్యేక గుర్తింపు సంపాదించుకున్నారు. స్టార్ హీరో సినిమా అయినా, చిన్న హీరో సినిమా అయినా పాత్ర బాగుంటే చాలు అని ఒప్పుకునే నటిగా ఆమెకు మంచి పేరు ఉంది. మెగాస్టార్ చిరంజీవి నుంచి పవన్ కళ్యాణ్, మహేష్ బాబు, ఎన్టీఆర్, ప్రభాస్, అల్లు అర్జున్ వరకు ఎంతో మంది స్టార్ హీరోలతో ఆమె కలిసి నటించడం విశేషం.

ప్రేక్షకులకు ఇప్పటికీ గుర్తు

‘ఖుషి’ (2001), ‘ఇంద్ర’ (2002), ‘ఠాగూర్’ (2003), ‘శంకర్ దాదా ఎంబీబీఎస్’ (2004), ‘అత్తారింటికి దారేది’ (2013), ‘రేసుగుర్రం’ (2014), ‘సరైనోడు’ (2016) వంటి సినిమాల్లో ఆమె చేసిన పాత్రలు ప్రేక్షకులకు ఇప్పటికీ గుర్తుంటాయి. పెద్దగా డైలాగులు లేకపోయినా, కొన్ని నిమిషాలే కనిపించినా తన నటనతో మెప్పించారు.

అయితే కెరీర్‌లో మంచి పేరు తెచ్చుకున్నా… వ్యక్తిగత జీవితంలో మాత్రం ఆమె ఎన్నో కష్టాలు ఎదుర్కొన్నారు. ఆర్థిక సమస్యలు, ఆరోగ్య ఇబ్బందులతో కొంతకాలంగా ఇబ్బంది పడుతున్నట్లు గతంలో వార్తలు కూడా వచ్చాయి. ఆ సమయంలో సినీ ప్రముఖులు, అభిమానులు ఆమెకు అండగా నిలిచిన సందర్భాలు ఉన్నాయి. ఎన్ని కష్టాలు వచ్చినా నటనను మాత్రం ఎప్పుడూ వదల్లేదు.

తెలుగు సినిమా ఓ మంచి నటిని కోల్పోయింది

ఇప్పుడు ఆమె మరణంతో తెలుగు సినీ పరిశ్రమ ఓ మంచి క్యారెక్టర్ ఆర్టిస్ట్‌ను కోల్పోయింది. పవన్ కళ్యాణ్ చేసిన ట్వీట్ కూడా ప్రస్తుతం సోషల్ మీడియాలో హాట్ టాపిక్‌గా మారింది. “పావలా శ్యామల లాంటి సహజ నటిని మళ్లీ చూడడం కష్టం”, “ఆమె చేసిన పాత్రలు ఎప్పటికీ గుర్తుంటాయి”, “తెలుగు సినిమా ఓ మంచి నటిని కోల్పోయింది” అంటూ వరుసగా పోస్టులు పెడుతున్నారు నెటిజన్లు.

శ్రీమతి పావలా శ్యామల గారి ఆత్మకు శాంతి చేకూరాలి

నటి శ్రీమతి పావలా శ్యామల గారు కన్ను మూశారని తెలిసి చింతిస్తున్నాను. శ్రీమతి శ్యామల గారు రంగ స్థలంపై ప్రశంసలు అందుకుని చిత్ర పరిశ్రమలోనూ గుర్తింపు తెచ్చుకున్నారు. ఆమె ఆత్మకు శాంతి చేకూరాలని భగవంతుణ్ణి ప్రార్థిస్తున్నాను.

-…

— Deputy CMO, Andhra Pradesh (@APDeputyCMO) July 28, 2026

also read :అభిమానులకు లైఫ్‌టైమ్ గిఫ్ట్ ఇచ్చిన అల్లు అర్జున్!