Raghava Lawrence: రాఘవ లారెన్స్ తెలుగు ప్రేక్షకులకు సుపరిచితమే. తెలుగు స్టార్ హీరోలకు కేవలం కొరియోగ్రఫీ చేయడం మాత్రమే కాకుండా, దర్శకుడుగా కూడా తెలుగు ఫిల్మ్ ఇండస్ట్రీలో మంచి పేరును సంపాదించుకున్నాడు. అలానే నటుడుగా కూడా తనకంటూ ఒక ప్రత్యేకమైన గుర్తింపు ఉంది. వీటన్నిటిని మించి రాఘవ లారెన్స్ వ్యక్తిత్వానికి చాలామంది అభిమానులు ఉన్నారు.
రాఘవ లారెన్స్ తెలుగులో ప్రభాస్ హీరోగా రెబల్ అనే సినిమాను చేశారు. ఆ తర్వాత మళ్లీ తెలుగులో స్ట్రైట్ ఫిల్మ్ డైరెక్షన్ చేయలేదు. ఒకవైపు కాంఛన సినిమాకు సీక్వెల్స్ తీసుకుంటూ ముందుకు వెళ్తున్నాడు. ఈ తరుణంలో తన తమ్ముడు ఎల్విన్ లారెన్స్ ను హీరోగా ఫిల్మ్ ఇండస్ట్రీకి పరిచయం చేస్తున్నాడు.
యాక్షన్ థ్రిల్లర్ తో ఎంట్రీ
ఎల్విన్ హీరోగా పరిచయం అవుతున్న సినిమా బుల్లెట్. ఈ సినిమాను తెలుగులో బుల్లెట్ బండి పేరుతో విడుదల చేస్తున్నారు. ఈ సినిమాకు సంబంధించిన టీజర్ కొద్దిసేపటి గతమే విడుదలైంది. ఈ టీజర్ చాలామందిని విపరీతంగా ఆకట్టుకుంటుంది అని చెప్పాలి. ముఖ్యంగా ఈ సినిమా థ్రిల్లర్ అని అర్థమవుతుంది. అలానే చాలా యాక్షన్ సీక్వెన్సెస్ కూడా ఈ సినిమాలో ఉన్నాయి. పాయింట్ చాలా ఇంట్రెస్టింగ్ గా అనిపిస్తుంది. సినిమా ఏ మేరకు ఆకట్టుకుంటుందో చూడాలి.
రాఘవ లారెన్స్ ఈ చిత్రంలో కీలక పాత్ర పోషిస్తున్నారు. గతంలో ఈ సినిమాకు సంబంధించిన పోస్టర్ రిలీజ్ చేసినప్పుడు.. రాఘవ లారెన్స్ “నా సోదరుడు ఎల్విన్ “బుల్లెట్” యొక్క ఫస్ట్ లుక్ పోస్టర్‌ను ప్రజెంట్ చేయడం నాకు చాలా సంతోషంగా ఉంది” అని అన్నారు. అతను చాలా ప్రతిభావంతుడు మరియు కష్టపడి పనిచేసే నటుడు. నేను ఈ చిత్రంలో కూడా ఒక ముఖ్యమైన పాత్రను పోషిస్తున్నాను. మీరందరూ అతనికి మరియు ఈ చిత్రానికి మద్దతు ఇస్తారని నేను ఆశిస్తున్నాను.”అంటూ అప్పట్లో ఈ సినిమా గురించి ట్వీట్ వేశాడు.
ఈ టీజర్ లో ఎల్విన్ కొన్నిచోట్ల రాఘవ లారెన్స్ లానే అనిపించాడు. కొద్దిగా అతని మేనరిజమ్స్ కూడా మనం టీజర్ లో గమనించవచ్చు.ఈ చిత్రానికి గతంలో “డైరీ” చిత్రానికి దర్శకత్వం వహించి నిర్మించిన ఇన్నాసి పాండియన్ దర్శకత్వం వహించారు. శ్యామ్ సి ఎస్ ఈ సినిమాకు సంగీతం అందిస్తున్నారు. టీజర్ లో బ్యాక్గ్రౌండ్ స్కోర్ అయితే మాత్రం నెక్స్ట్ లెవెల్ లో ఉంది. శ్యామ్ పుష్ప 2 సినిమా కూడా పనిచేసిన సంగతి తెలిసిందే. ఇండస్ట్రీలో కేవలం కొరియోగ్రఫీ మాత్రమే కాకుండా డైరెక్షన్, నటుడుగా మంచి గుర్తింపు సాధించుకున్నాడు లారెన్స్. ఇక ప్రస్తుతం తన సోదరుడు ఏ స్థాయిలో ఉంటాడో చూడాలి.
Also Read: Lokesh Kanagaraj: డిప్రెషన్ లోకి వెళ్లిపోయిన నటుడు ప్రస్తుతం కోలుకుంటున్నాడు
Share
Gold mining news: ఆ జిల్లాలో అంతా బంగారమే.. తవ్వితే చాలు వచ్చేస్తోంది.. ఎంత అదృష్టమో!
Bandi Sanjay: వావి వరుసలు లేకుండా వారి ఫోన్లు ట్యాపింగ్ చేశారు.. బండి సంజయ్ సంచలన వ్యాఖ్యలు
