Ram Gopal Varma: సినిమా ప్రపంచంలో ఎప్పుడూ తన సంచలన వ్యాఖ్యలతో వార్తల్లో నిలిచే దర్శకుడు రామ్ గోపాల్ వర్మ మరోసారి ఆసక్తికరమైన వ్యాఖ్యలు చేశారు. ఈసారి ఆయన సినిమా నిర్మాణంలో ఆర్టిఫిషియల్ ఇంటెలిజెన్స్ (AI) గురించి మాట్లాడి అందరి దృష్టిని ఆకర్షించారు.
రామ్ గోపాల్ వర్మ మాట్లాడుతూ భవిష్యత్తులో భారీ బడ్జెట్ సినిమాలు కూడా చాలా తక్కువ ఖర్చుతో చేయవచ్చని అన్నారు. ముఖ్యంగా బాహుబలి లాంటి భారీ సినిమా కూడా కేవలం ఐదు లక్షల రూపాయల బడ్జెట్తో చేయగలమని ఆయన చెప్పడం ఇప్పుడు ఇండస్ట్రీలో చర్చకు దారి తీసింది.
రాంగోపాల్ వర్మ మాట్లాడుతూ..” ప్రస్తుతం AI టెక్నాలజీ చాలా వేగంగా అభివృద్ధి చెందుతోంది. ఈ టెక్నాలజీ వల్ల సినిమాల్లో ఉపయోగించే భారీ సెట్లు, వీఎఫ్ఎక్స్, యాక్షన్ సీన్లు వంటి వాటిని కంప్యూటర్ ద్వారా సులభంగా తయారు చేయవచ్చు. దీంతో పెద్ద పెద్ద సెట్లు నిర్మించాల్సిన అవసరం ఉండదు. అలాగే భారీ టెక్నీషియన్ టీమ్ కూడా అవసరం లేకపోవచ్చు,” అని తెలిపారు.
“ఇప్పటి వరకు ఒక భారీ సినిమా తీయాలంటే వందల కోట్ల రూపాయలు ఖర్చు అవుతుంది. ముఖ్యంగా బాహుబలి వంటి సినిమాలకు భారీ సెట్లు, పెద్ద యుద్ధ సన్నివేశాలు, వేలాది మంది జూనియర్ ఆర్టిస్టులు అవసరం అయ్యాయి. కానీ AI టెక్నాలజీ అభివృద్ధి చెందితే ఈ అన్నింటినీ కంప్యూటర్ ద్వారా తయారు చెయ్యవచ్చు,” అని రాంగోపాల్ వర్మ అభిప్రాయం వ్యక్తం చేశారు.
అలాగే దర్శకులు తమ ఊహలో ఉన్న ప్రపంచాన్ని సులభంగా స్క్రీన్పై చూపించగలరని ఆయన చెప్పారు. తక్కువ బడ్జెట్తో కూడా గొప్ప విజువల్స్ సృష్టించడం సాధ్యమవుతుందని ఆయన అన్నారు.
వర్మ చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. కొందరు ఆయన మాటలకు మద్దతు ఇస్తుంటే, మరికొందరు మాత్రం ఇది అంత సులభం కాదని అంటున్నారు.
ఏది ఏమైనా, భవిష్యత్తులో AI టెక్నాలజీ సినిమా పరిశ్రమపై భారీ ప్రభావం చూపే అవకాశాలు ఉన్నాయని నిపుణులు కూడా చెబుతున్నారు. ప్రస్తుతం వర్మ చేసిన ఈ వ్యాఖ్యలు మాత్రం టాలీవుడ్లో కొత్త చర్చకు దారి తీసాయి.
ALSO READ: Jana Nayagan Release Date: ఏప్రిల్ 30న విజయ్ జనా నాయగన్ విడుదల..?
Share
World Cup 2027: టీమిండియా ఓపెనర్లుగా రోహిత్, కోహ్లీ..గిల్ కు నో ఛాన్స్..వన్డే వరల్డ్ కప్ ఆడే టీమ్ ఇదే !
Rythu Bharosa: రైతులకు రేవంత్ సర్కార్ గుడ్ న్యూస్.. ఈ నెల 22 నుంచే రైతు భరోసా నిధులు!
