Sandeep Reddy Vanga: అర్జున్ రెడ్డి ఈ సినిమా గురించి ఎంత చెప్పినా తక్కువే అవుతుంది. ఒకప్పుడు రాంగోపాల్ వర్మ శివ సినిమా ఎటువంటి ఇంపాక్ట్ క్రియేట్ చేసిందో. అదే స్థాయి ఇంపాక్ట్ ఈ సినిమా క్రియేట్ చేసింది. మామూలు కథని చాలా కొత్తరకంగా చెప్పాడు దర్శకుడు సందీప్ రెడ్డి వంగ. ఈ సినిమాతోనే సందీప్ రెడ్డి వంగ ఒక బ్రాండ్ డైరెక్టర్ అయిపోయాడు.
ఇదే సినిమాను బాలీవుడ్ లో కబీర్ సింగ్ అనే పేరుతో తెరకెక్కించాడు. బాలీవుడ్ లో ఈ సినిమా దాదాపు 250 కోట్లకు పైగా కలెక్షన్స్ వసూలు చేసింది. ఈ సినిమాతో సందీప్ రెడ్డి వంగాను బాలీవుడ్ లో చాలామంది ప్రముఖులు టార్గెట్ చేశారు. వైలెంట్ ఫిలిం అంటూ కామెంట్స్ కూడా చేశారు. వైలెంట్ ఫిలిం అంటే ఏంటో చూపిస్తాను అని సందీప్ రెడ్డి ఛాలెంజ్ చేశాడు. అనిమల్ సినిమాతో ప్రూవ్ కూడా అయిపోయింది.
షూటింగ్ ఆపేసి ముచ్చట్లు
అర్జున్ రెడ్డి సినిమాను చాలా మంది హీరోలకు చెప్పాడు సందీప్ రెడ్డి వంగ. కానీ పెద్దగా ఎవరు నమ్మలేదు. ఆఖరికి తన అన్నయ్య ప్రణయ్ రెడ్డి వంగ ఇంక మనమే ప్రొడ్యూస్ చేద్దాం అని ఫిక్స్ అయ్యి, సినిమా చేసేసారు. సినిమా రిలీజ్ అయిన తర్వాత తిరిగి వెనక్కి తిరిగి చూసుకోవలసిన పరిస్థితి రాలేదు. అయితే అర్జున్ రెడ్డి సినిమా షూటింగ్ టైంలో, మధ్యలో షూటింగ్ ఆపేసి సీన్ ఎలా వచ్చింది అని ఎక్కువ శాతం ముచ్చట్లు పెట్టుకునే వాళ్ళం అని సందీప్ రెడ్డివంగా రీసెంట్ గా ఇచ్చిన ఒక పాడ్ కాస్ట్ తెలిపాడు. విజయ్ దేవరకొండ నటించిన కింగ్డమ్ సినిమా జులై 31న రిలీజ్ కి సిద్ధంగా ఉన్న సంగతి తెలిసిందే. ఈ తరుణంలో చిత్ర యూనిట్ సందీప్ రెడ్డి వంగతో ఈ పాడ్ కాస్ట్ జరిపారు. ఇందులో అనేక ఆసక్తికర విషయాలను వెల్లడించారు.
అనిమల్ సినిమాతో సమాధానం
రన్బీర్ కపూర్ నటించిన అనిమల్ సినిమా బాక్సాఫీస్ వద్ద దాదాపు 1000 కోట్లకు పైగా కలెక్షన్స్ వసూలు చేసింది. బాలీవుడ్ లో తెలుగు దర్శకుడు యొక్క సత్తా ఏంటో చూపించాడు సందీప్. చాలామందికి సక్సెస్ తో సమాధానం చెప్పాడు. ఈ సినిమా మీద కూడా విపరీతమైన విమర్శలు వచ్చాయి. కానీ దేనికి లొంగ లేదు సందీప్ రెడ్డి వంగ. ఎవరైతే ఈ సినిమాను కామెంట్ చేస్తూ మాట్లాడారో, వాళ్లకు అదే స్థాయిలో అదిరిపోయే సమాధానాలు చెప్పాడు. ఇక ప్రస్తుతం ప్రభాస్ హీరోగా స్పిరిట్ అనే సినిమా చేస్తున్నాడు సందీప్. ఈ సినిమాలో ప్రభాస్ పోలీస్ ఆఫీసర్ పాత్రలో కనిపిస్తున్నాడు. ఈ సినిమా మీద కూడా విపరీతమైన అంచనాలు ఉన్నాయి. ఈ సినిమా కోసం చాలామంది ఎంతో క్యూరియాసిటీతో ఎదురుచూస్తున్నారు.
Also Read: Fahadh Faasil : ఆ సినిమా గురించి మాట్లాడను, పుష్పపై ఫహద్ వ్యాఖ్యలు ?
Share
Hyderabad News: దుర్గం చెరువులో దూక‌బోయాడు.. అంతలోనే హైడ్రా సిబ్బంది..?
Vijay Devarakonda : దేవుడా ఒక్క హిట్ సినిమా ఇవ్వు, జై శ్రీరామ్ అంటున్న విజయ్
