Rakaasa Movie: టాలీవుడ్ యువ నటుడు సంగీత్ శోభన్ హీరోగా, మానస శర్మ దర్శకత్వంలో తెరకెక్కుతున్న క్రేజీ ప్రాజెక్ట్ ‘రాకాస’. ఇప్పటికే విడుదలైన గ్లింప్స్, పోస్టర్లతో ప్రేక్షకుల్లో భారీ అంచనాలను నెలకొల్పిన ఈ చిత్రం, తాజాగా ఓవర్సీస్ బిజినెస్ పరంగా సంచలనం సృష్టిస్తోంది. ప్రముఖ పంపిణీ సంస్థ అథర్వణ భద్రకాళి పిక్చర్స్ ఈ చిత్రానికి సంబంధించిన అంతర్జాతీయ థియేట్రికల్ హక్కులను అధికారికంగా దక్కించుకుంది. ఓవర్సీస్ మార్కెట్లో తనకంటూ ఒక ప్రత్యేక గుర్తింపు ఉన్న అథర్వణ భద్రకాళి పిక్చర్స్, ‘రాకాస’ చిత్రాన్ని అత్యంత ప్రతిష్టాత్మకంగా విడుదల చేస్తోంది. యూఎస్ఏ, యూరప్, యునైటెడ్ కింగ్డమ్, కెనడా, ఆస్ట్రేలియా వంటి దేశాల్లో దాదాపు 350కి పైగా థియేటర్లలో ఈ సినిమా ప్రదర్శితం కానుంది. ఒక యువ హీరో సినిమాకు ఈ స్థాయిలో ఓవర్సీస్ స్క్రీన్స్ దక్కడం ట్రేడ్ వర్గాల్లో హాట్ టాపిక్గా మారింది.
Read also-Kissik Talks Show : లేడీ యాంకర్స్ తో ఇబ్బంది పడ్డాను..ఆ ఒక్కటే బాధేస్తుంది… రవి ఎమోషనల్..
ఇటీవల విడుదలైన ‘రాకాస’ గ్లింప్స్ డిజిటల్ ప్లాట్ఫారమ్స్లో 1.8 మిలియన్ల వ్యూస్ను దాటేసి దూసుకుపోతోంది. ఈ చిన్న వీడియో క్లిప్ సినిమాలోని విజువల్ గ్రాండియర్ను, టెక్నికల్ స్టాండర్డ్స్ను కళ్ళకు కట్టింది. ముఖ్యంగా రాజు ఎదురోలు సినిమాటోగ్రఫీ, అనుదీప్ దేవ్ అందించిన నేపథ్య సంగీతం (BGM) విజువల్ వండర్గా నిలిచాయి. ప్రస్తుతం ఈ చిత్రం పోస్ట్-ప్రొడక్షన్ పనుల్లో ఉంది. ఎడిటింగ్, సౌండ్ డిజైన్ వంటి పనులపై దర్శకురాలు మానస శర్మ ప్రత్యేక శ్రద్ధ తీసుకుంటున్నారు.
Read also-Sree Vishnu: ‘మృత్యుంజయ్’, ‘విష్ణు విన్యాసం’ రిలీజ్లో స్మాల్ ఛేంజ్!.. అది ఏంటంటే?
‘మ్యాడ్’, ‘మ్యాడ్ స్క్వేర్’ వంటి వరుస విజయాల తర్వాత సంగీత్ శోభన్ నటిస్తున్న చిత్రం కావడంతో దీనిపై అంచనాలు రెట్టింపయ్యాయి. ఇందులో సంగీత్ సరసన నయన్ సారిక కథానాయికగా నటిస్తోంది. వీరిద్దరితో పాటు వెన్నెల కిషోర్, బ్రహ్మాజీ, తనికెళ్ళ భరణి, ఆశిష్ విద్యార్థి, గెటప్ శ్రీను వంటి దిగ్గజ నటులు కీలక పాత్రల్లో కనిపించనున్నారు. గతంలో సంగీత్ శోభన్, మానస శర్మ కాంబినేషన్లో వచ్చిన ‘ఒక చిన్న ఫ్యామిలీ స్టోరీ’ వెబ్ సిరీస్ ఎంతటి విజయం సాధించిందో మనకు తెలిసిందే. మళ్లీ అదే హిట్ కాంబినేషన్ ఈ సినిమా కోసం జట్టు కట్టడం విశేషం. ఈ చిత్రాన్ని పింక్ ఎలిఫెంట్ పిక్చర్స్ బ్యానర్పై నిహారిక కొణిదెల, ఉమేష్ కుమార్ బన్సాల్ సంయుక్తంగా నిర్మిస్తున్నారు. Z స్టూడియోస్ ఈ చిత్రాన్ని సమర్పిస్తోంది. అన్ని కార్యక్రమాలను పూర్తి చేసుకుని, ‘రాకాస’ ఏప్రిల్ 3, 2026న ప్రపంచవ్యాప్తంగా థియేటర్లలోకి రానుంది. ఒక పక్క నేషనల్ వైడ్ బజ్, మరోపక్క భారీ ఓవర్సీస్ రిలీజ్ ప్లాన్ చూస్తుంటే, ‘రాకాస’ బాక్సాఫీస్ వద్ద కొత్త రికార్డులు సృష్టించడం ఖాయంగా కనిపిస్తోంది.
Share
Hitech City Traffic: ప్రయాణికులకు గుడ్ న్యూస్.. హైటెక్ సిటీలో ట్రాఫిక్ నివారణకు యాక్షన్ ప్లాన్..!
Podarillu Today Episode : కొత్త హీరోయిన్ వచ్చేసిందోచ్.. బాధపడ్డ చక్రీ.. ప్రతాప్ మాటతో మహా కన్నీళ్లు..
