Sree Vishnu: టాలీవుడ్లో విభిన్నమైన కథలను ఎంచుకుంటూ, తనదైన కామెడీ టైమింగ్తో ప్రేక్షకులను అలరించే ‘కింగ్ ఆఫ్ ఎంటర్టైన్మెంట్’ శ్రీవిష్ణు మళ్లీ వస్తున్నారు. ఆయన నటిస్తున్న తాజా ఎగ్జైటింగ్ ఎంటర్టైనర్ ‘విష్ణు విన్యాసం’ విడుదలకు ముహూర్తం ఖరారైంది. ఈ క్రేజీ ప్రాజెక్ట్ను ఫిబ్రవరి 28న ప్రపంచవ్యాప్తంగా విడుదల చేస్తున్నట్లు నిర్మాతలు అధికారికంగా ప్రకటించారు. అయితే ‘మృత్యుంజయ’ ఫ్రిబ్రవరి 27, 2026 న రిలీజ్ చేయనున్నారు నిర్మాతలు. ఇప్పటి వరకూ ఒకే రోజు వస్తాయి అనుకున్న రెండు సినిమాలు స్వల్ప మార్పు రావడంతో శ్రీ విష్ణు ఫ్యాన్ సంబరాలు చేసుకుంటున్నారు.
రిలీజ్ డేట్ అనౌన్స్మెంట్ సందర్భంగా విడుదల చేసిన పోస్టర్ సోషల్ మీడియాలో వైరల్ అవుతోంది. శ్రీవిష్ణు ఫంకీ ప్రింటెడ్ షార్ట్స్, కలర్ఫుల్ షర్ట్, స్టైలిష్ షేడ్స్ ధరించి.. ఒక క్లాసిక్ బైక్పై కూర్చుని ఉన్న తీరు సినిమాలోని ‘చిల్’ వైబ్ను పరిచయం చేస్తోంది. ఈ చిత్రంలో శ్రీవిష్ణు విచిత్రమైన నమ్మకాలు, జాతకాలను అమితంగా నమ్మే ఒక యువకుడి పాత్రలో కనిపించబోతున్నారు. ఆయన చేసే విన్యాసాలు థియేటర్లలో నవ్వుల పువ్వులు పూయించడం ఖాయంగా కనిపిస్తోంది. నూతన దర్శకుడు యదునాథ్ మారుతీ రావు ఈ చిత్రాన్ని తెరకెక్కిస్తుండగా, నయన సారిక కథానాయికగా నటిస్తోంది. శ్రీ సుబ్రహ్మణ్యేశ్వర సినిమాస్ బ్యానర్పై సుమంత్ నాయుడు జి ఎంతో ప్రతిష్టాత్మకంగా ఈ సినిమాను నిర్మించారు.
సాంకేతిక విభాగంలో.. రధన్ తనదైన శైలిలో సంగీతాన్ని అందిస్తుండగా, సాయి శ్రీరామ్ సినిమాటోగ్రఫీ సినిమాకు కలర్ఫుల్ లుక్ తీసుకురానుంది. కార్తికేయన్ రోహిణి ఎడిటర్గా, ఎ. రామాంజనేయులు ఆర్ట్ డైరెక్టర్గా వ్యవహరిస్తున్నారు. ఇప్పటికే విడుదలైన టైటిల్ గ్లింప్స్ మరియు పెప్పీ ఇంట్రడక్షన్ సాంగ్కు యూత్ నుంచి సూపర్ రెస్పాన్స్ వచ్చింది. ముఖ్యంగా వాలెంటైన్స్ డే సందర్భంగా విడుదల చేసిన రొమాంటిక్ సింగిల్ శ్రోతలను ఆకట్టుకుంటోంది. ఫిబ్రవరి 28న ఈ చిత్రం ‘ఫన్ అండ్ కలర్ఫుల్ సినిమాటిక్ రైడ్’గా ప్రేక్షకులను పలకరించనుంది.
Share
Netflix Top Web Series : క్రైమ్ నుంచి సైన్స్ ఫిక్షన్ సినిమాల వరకు... నెట్ఫ్లిక్స్ లో ఉన్న టాప్ వెబ్ సిరీస్ల లిస్ట్
Janasena Telangana Victory: తెలంగాణ గడ్డపై జనసేన తొలి అడుగు.. పవన్ కళ్యాణ్ భావోద్వేగ లేఖ
