OG: స్టైల్ కాపీ ఓకే.. రిజల్ట్ కూడా అలాగే ఉంటే.. చెక్కేయడమే!

OG: ప్రముఖ డైరెక్టర్ సుజీత్ (Sujeeth) దర్శకత్వంలో పవన్ కళ్యాణ్ (Pawan Kalyan) హీరోగా ప్రియాంక మోహన్ (Priyanka Mohan) హీరోయిన్ గా నటిస్తున్న చిత్రం ఓజీ (OG). ఈరోజు రాత్రి ప్రీమియర్ షో తో ఈ సినిమా ప్రేక్షకుల ముందుకు రానుంది. సెప్టెంబర్ 25వ తేదీన గ్రాండ్ గా ప్రపంచవ్యాప్తంగా విడుదల కాబోతున్న ఈ సినిమాపై అంచనాలు పెంచడానికి మేకర్స్ అన్ని ప్రయత్నాలు చేస్తున్నారు. ఇందులో భాగంగానే తాజాగా డైరెక్టర్ సుజీత్.. ఈ చిత్రానికి మ్యూజిక్ డైరెక్టర్గా పని చేస్తున్న ఎస్.తమన్ (S.Thaman ) ఒక లుక్, అలాగే స్టిల్ ను రీ క్రియేట్ చేశారు. ఇది చూడడానికి బాగున్నా.. రిజల్ట్ కూడా అలాగే ఉంటే ఇక నష్టం తప్పదు అంటూ కొంతమంది కామెంట్లు చేస్తున్నారు. మరి వీరిద్దరూ రీ క్రియేట్ చేసిన ఆ లుక్ ఏంటి ? ఏ సినిమా స్టిల్ ని కాపీ కొట్టారు ? అనే విషయం ఇప్పుడు చూద్దాం.

కూలీ స్టిల్ రీ క్రియేట్..

ఇటీవల రజనీకాంత్ (Rajinikanth) హీరోగా… లోకేష్ కనగరాజు దర్శకత్వంలో వచ్చిన చిత్రం కూలీ. ఈ ఏడాది ఆగస్టు 14వ తేదీన ప్రేక్షకుల ముందుకు వచ్చిన ఈ సినిమా ఎన్నో అంచనాల మధ్య విడుదలైంది.కానీ అభిమానుల అంచనాలను ఏమాత్రం అందుకోలేకపోయింది. విడుదలకు ముందే భారీ హైప్ క్రియేట్ చేసింది చిత్ర బృందం కానీ అనూహ్యంగా మిక్స్డ్ టాక్ సొంతం చేసుకుంది . ఇకపోతే ఈ చిత్రానికి ప్రముఖ మ్యూజిక్ డైరెక్టర్ అనిరుద్ రవిచంద్ర (Anirudh Ravichander) సంగీతాన్ని అందించారు. ఇదిలా ఉండగా ఈ సినిమా విడుదల సమయంలో రజనీకాంత్ కూలీ పోస్టర్ ముందు మ్యూజిక్ డైరెక్టర్ అనిరుద్, డైరెక్టర్ లోకేష్ కనగరాజ్ ఒకరికొకరు చేతులు పట్టుకొని ఫోజులిచ్చారు.

కాపీ కొట్టారు ఓకే.. మరి రిజల్ట్ సంగతేంటి?

అయితే ఈ స్టిల్ ని ఇప్పుడు పవన్ కళ్యాణ్ ఓజీ లుక్ ముందు డైరెక్టర్ సుజిత్ అలాగే మ్యూజిక్ డైరెక్టర్ ఎస్ తమన్ రీ క్రియేట్ చేస్తూ ఒక ఫోటో వదిలారు. ఇప్పుడు ఈ రెండు ఫోటోలు సోషల్ మీడియాలో వైరల్ అవ్వడంతో ఇది చూసిన నెటిజన్స్ స్టిల్ , లుక్ కాపీ కొట్టారు బాగుంది.. రిజల్ట్ కూడా అదే అయితే ఇక దొబ్బినట్టే అంటూ తమ అభిప్రాయాలు వ్యక్తం చేస్తూ ఉండడం గమనార్హం. ఏది ఏమైనా ఇప్పుడు ఈ స్టిల్ సోషల్ మీడియాలో వైరల్ గా మారుతోంది.

also read:National Awards: నాలుగేళ్ల చిన్నారికి నేషనల్ అవార్డు.. ఏ మూవీకంటే ?

ఓజీ సినిమా విశేషాలు..

ఓజీ సినిమా విషయానికి వస్తే.. డీవీవీ ఎంటర్టైన్మెంట్స్ బ్యానర్ పై డీవీవీ దానయ్య భారీ బడ్జెట్ తో ఈ చిత్రాన్ని నిర్మిస్తున్నారు. పవన్ కళ్యాణ్ హీరోగా ప్రియాంక మోహన్ హీరోయిన్ గా వస్తున్న ఈ సినిమాలో.. శ్రేయ రెడ్డి, శుభలేఖ సుధాకర్, ఇమ్రాన్ హస్మి , ప్రకాష్ రాజ్ తదితరులు కీలకపాత్రలు పోషిస్తున్నారు. భారీ అంచనాల మధ్య రేపు ప్రేక్షకుల ముందుకు రానున్న ఈ సినిమా ఎలాంటి విజయాన్ని అందుకుంటుందో చూడాలి.

Dir #Sujeeth and #Thaman Recreating #LokeshKanagaraj & #Anirudh's Style 👀#TheyCallHimOG🤞🤞🤞 pic.twitter.com/MipA9k4R6T

— cinee worldd (@Cinee_Worldd) September 23, 2025