Vithika-Varu Sandesh: సొంత ఇల్లు అనేది ప్రతి ఒక్కరి కల. సామాన్యుల నుంచి సెలబ్రిటీల వరకు కూడా సొంత ఇల్లు ఉండాలని భావిస్తూ తమ సొంత ఇంటి కలను నెరవేర్చుకోవడానికి కృషి చేస్తూ ఉంటారు. ఈ క్రమంలోనే టాలీవుడ్ ఇండస్ట్రీలో హీరోగా కొనసాగుతున్న నటుడు వరుణ్ సందేశ్ (Varun Sandesh) నటి వితిక(Vithika) దంపతుల సైతం తమ సొంత ఇంటి కలను నెరవేర్చుకున్నారని తెలుస్తుంది. ఇటీవల వితికా తన భర్త వరుణ్ సందేశ పుట్టినరోజు సందర్భంగా తన భర్తకు తమ ఫ్లాట్ కి సంబంధించిన కీస్ ఇచ్చి సర్ప్రైజ్ చేసిన సంగతి తెలిసిందే. ఇలా వరుణ్ పుట్టినరోజు సందర్భంగా వితిక షేర్ చేసిన ఫోటోలు వైరల్ అయ్యాయి.
సొంత ఇల్లు ఉండాలనేది తన కలని, అందుకే తన ఇంటి కోసం ఎన్నో రోజుల నుంచి ఎదురు చూశనని ఇన్ని రోజులకు తన కల నెరవేరిందని ఈమె తెలియజేశారు. అయితే తాజాగా నేడు ఈ దంపతుల తమ కొత్త ఇంట్లోకి అడుగు పెట్టారని తెలుస్తోంది. వరుణ్ తల్లితండ్రులు విదేశాల నుంచి ఇండియా వచ్చిన నేపథ్యంలో ముందుగా తమ కుటుంబ సభ్యులతో కలిసి తిరుమల ఆలయాన్ని సందర్శించి అనంతరం గృహప్రవేశ కార్యక్రమాన్ని నిర్వహించినట్టు తెలుస్తుంది. తాజాగా వీరి నూతన గృహప్రవేశానికి సంబంధించిన ఫోటోలను సోషల్ మీడియాలో వైరల్ అవుతున్నాయి. అయితే ఈ గృహప్రవేశానికి సంబంధించిన ఫోటోలను వితిక లేదా వరుణ్ ఎక్కడ అధికారకంగా ప్రకటించలేదు కానీ ఈ గృహప్రవేశ కార్యక్రమానికి వెళ్లిన సెలబ్రిటీలు సోషల్ మీడియా వేదికగా షేర్ చేశారు.
సందడి చేసిన శివ జ్యోతి దంపతులు..
ఇందులో భాగంగానే ఈ గృహప్రవేశ కార్యక్రమానికి సీరియల్ నటి హిమజ హాజరయ్యారు. అదేవిధంగా శివ జ్యోతి దంపతులు కూడా ఈ గృహప్రవేశ కార్యక్రమానికి వెళ్లినట్టు తెలుస్తుంది. ఈ క్రమంలోనే శివ జ్యోతి వరుణ్ సందేశ్ దంపతులతో కలిసి దిగిన ఫోటోనే ఇంస్టాగ్రామ్ స్టోరీ ద్వారా షేర్ చేస్తూ.. సో హ్యాపీ ప్రౌడ్ అఫ్ యు పాప.. ఇలాగే మరెన్నో సాధించాలని కోరుకుంటున్నాను అంటూ ఈ ఫోటోలను షేర్ చేశారు. ఇలా వరుణ్ సందేశ్ వితిక దంపతులు తమ సొంత ఇంటి కలలను నెరవేర్చుకున్న నేపథ్యంలో అభిమానులు కూడా సోషల్ మీడియా వేదికగా శుభాకాంక్షలు తెలియజేస్తున్నారు.
ప్రేమ వివాహం చేసుకున్న వరుణ్ వితికా..
ఇకపోతే వితిక ప్రాణ స్నేహితురాలు మెగా డాటర్ నిహారిక కొణిదెల(Niharika Konidela) కూడా వీరి గృహప్రవేశపు ఫోటోలను సోషల్ మీడియా వేదికగా షేర్ చేశారు. అయితే కొన్ని కారణాల వల్ల తాను ఈ కార్యక్రమంలో పాల్గొనలేకపోయానని తెలియజేస్తూ ఈ దంపతులకు అభినందనలు తెలిపారు. నిహారిక వితిక ప్రాణ స్నేహితులనే విషయం మనకు తెలిసిందే. వీరికి సంబంధించి ఏ వేడుక జరిగినా అందరూ ఒకే చోట చేరి పెద్ద ఎత్తున ఎంజాయ్ చేస్తూ ఉంటారు. ఇక వరుణ్ కెరియర్ విషయానికి వస్తే హ్యాపీడేస్ సినిమా ద్వారా ఎంతో మంచి సక్సెస్ అందుకున్న వరుణ్ అనంతరం పలు సినిమాలలో నటించారు. అయితే పెద్దగా సక్సెస్ మాత్రం రాలేదు. ఇక వితికతో కలిసి వరుణ్ పడ్డామండి ప్రేమలో మరి అనే సినిమాలో నటించారు. ఈ సినిమా సమయంలోనే వీరిద్దరూ నిజంగా ప్రేమలో పడటం, పెద్దల సమక్షంలో పెళ్లి చేసుకోవడం జరిగింది. పెళ్లి తర్వాత ఈ జంట ఇద్దరు బిగ్ బాస్ లో పాల్గొని సందడి చేశారు. ఇక పెళ్లి తర్వాత వితిక సినిమాలకు దూరంగా ఉన్నారు.
Also Read: Naina Ganguly: కొరియోగ్రాఫర్ లైంగికంగా వేధించాడు… అందుకే ఇండస్ట్రీకి దూరం
Share
EMRS Recruitment: ఈ ఉద్యోగం కొడితే గోల్డెన్ లైఫ్.. మొత్తం 7,267 ఉద్యోగాలు, లక్షల్లో వేతనాలు భయ్యా
Sammakka Sagar: సమ్మక్క సాగర్ ప్రాజెక్టుకు ఎన్ఓసీ.. ఛత్తీస్‌గఢ్ సీఎంను ఒప్పించిన మంత్రి ఉత్తమ్
