World Top most indian celebrities: రష్మిక రికార్డ్.. ప్రపంచవ్యాప్తంగా గుర్తింపు అందుకున్న ఇండియన్ సెలబ్రిటీస్ జాబితా!

World Top most indian celebrities:ప్రపంచవ్యాప్తంగా భారతీయ మహిళల హవా కొనసాగుతోంది. తాజాగా ఫిబ్రవరి 2026కు సంబంధించి విడుదలైన అత్యంత ప్రజాదరణ పొందిన భారతీయ మహిళా సెలబ్రిటీల జాబితాలో మన ‘నేషనల్ క్రష్’ రష్మిక మందన్న టాప్ ప్లేస్‌లో నిలిచి సత్తా చాటారు. టాలీవుడ్ నుండి బాలీవుడ్ వరకు తన నటనతో అలరిస్తున్న రష్మిక, గ్లోబల్ లెవల్లో నంబర్ వన్ స్థానాన్ని కైవసం చేసుకోవడం విశేషం. ఈ జాబితాలో రష్మికతో పాటు మరికొందరు తెలుగు మరియు భారతీయ తారలు ఏ స్థానాల్లో నిలిచారో ఇప్పుడు చూద్దాం.

రష్మిక మందన్న నంబర్ వన్.. ఫ్యాన్స్‌కు పూనకాలే:

రష్మిక మందన్న క్రేజ్ ఇప్పుడు దేశ సరిహద్దులు దాటి ప్రపంచవ్యాప్తంగా విస్తరించింది. ఫిబ్రవరి 2026 మోస్ట్ పాపులర్ ఇండియన్ ఫీమేల్ పర్సనాలిటీస్ జాబితాలో రష్మిక మొదటి స్థానాన్ని దక్కించుకోవడంతో ఆమె అభిమానుల ఆనందానికి హద్దుల్లేకుండా పోయింది. ‘పుష్ప’, ‘యానిమల్’ వంటి చిత్రాల విజయంతో పాటు, సోషల్ మీడియాలో ఆమెకున్న ఫాలోయింగ్ రష్మికను అగ్రస్థానంలో నిలబెట్టింది. ఇక తాజాగా విజయ్ దేవరకొండతో వివాహం జరిగిన తర్వాత కూడా ఆమెకున్న ఆదరణ ఏమాత్రం తగ్గకపోగా, మరింత పెరగడం విశేషం. ఈ అరుదైన రికార్డుతో రష్మిక మరోసారి గ్లోబల్ ఐకాన్‌గా తన ముద్ర వేసింది.

గ్లోబల్ లిస్టులో మన సౌత్ భామల హవా:

ఈ జాబితాలో కేవలం రష్మిక మాత్రమే కాకుండా, మన తెలుగు మరియు దక్షిణ భారత తారలు మెరిశారు. రెండో స్థానంలో తాన్యా మిట్టల్ నిలవగా, క్రికెట్ సెన్సేషన్ స్మృతి మంధాన, సారా అర్జున్ తర్వాతి స్థానాల్లో నిలిచారు. బాలీవుడ్ స్టార్స్ ఆలియా భట్, దీపికా పదుకొణె, శ్రద్ధా కపూర్ వంటి వారికంటే మన సౌత్ భామలు గట్టి పోటీ ఇచ్చారు. ఇక ముఖ్యంగా సమంత, త్రిష, నయనతార వంటి సీనియర్ తారలతో పాటు సాయి పల్లవి, కాజల్ అగర్వాల్, అనుష్క శెట్టిలు కూడా ఈ టాప్ లిస్టులో చేరడం విశేషం. మన తెలుగు తెరపై వెలిగిన ఈ తారలు ప్రపంచ స్థాయిలో గుర్తింపు పొందడం తెలుగు సినిమా గర్వించదగ్గ విషయం.

ALSO READ:7/G Brundavan Colony 2: అనిత పాత్రలో యంగ్ బ్యూటీ.. అదిరిపోయే అవకాశం అంటున్న ఫ్యాన్స్!

భారతీయ నారీమణుల విజయకేతనం:

ఇక ఫర్హానా భట్, అష్నూర్ కౌర్ వంటి యువ తారలు కూడా ఈ జాబితాలో చోటు సంపాదించుకున్నారు. సినిమా రంగానికే పరిమితం కాకుండా క్రీడలు, సోషల్ మీడియా రంగాల్లో రాణిస్తున్న మహిళలు కూడా భారత్ కీర్తిని దశదిశలా వ్యాపింపజేస్తున్నారు. ఈ ర్యాంకింగ్స్ చూస్తుంటే భారతీయ మహిళా సెలబ్రిటీలకు ప్రపంచవ్యాప్తంగా ఉన్న డిమాండ్ ఏంటో అర్థమవుతోంది. నటన, అంకితభావం మరియు సోషల్ మీడియా ద్వారా అభిమానులతో నిరంతరం టచ్‌లో ఉండటం వల్లే వీరు ఈ స్థాయికి చేరుకున్నారు. ఇక రష్మికతో మొదలైన ఈ విజయ యాత్రలో మరికొందరు భారతీయ నారీమణులు వుండటం విశేషం.