Censor Board : ‘కేంద్ర ఫిల్మ్ సర్టిఫికేషన్ బోర్డు’లో భారీ భద్రతా వైఫల్యం వెలుగుచూసింది. సుమారు 500కు పైగా ఫీచర్ ఫిల్మ్‌లతో సహా ఇతర చిత్రాలకు సంబంధించిన అత్యంత కీలకమైన సర్టిఫికేషన్ రికార్డులు ఆన్‌లైన్‌లో లీక్ కావడం సినీ వర్గాల్లో తీవ్ర కలకలం రేపుతోంది. సినిమాల సెన్సార్ అనుమతుల కోసం నిర్మాతలు దరఖాస్తు చేసుకునే అధికారిక ఆన్‌లైన్ వ్యవస్థ ‘ఈ-సినీప్రమాణ్’ పోర్టల్ నుంచే ఈ సమాచారం బయటకు పొక్కినట్లు తేలింది. ఈ ఘటన సెన్సార్ బోర్డు పనితీరు, డిజిటల్ భద్రతా ప్రమాణాలపై తీవ్ర ఆందోళనలను రేకెత్తిస్తోంది. లీకైన సమాచారంలో సినిమాల పూర్తి కాపీలు లేనప్పటికీ, వాటికి సంబంధించిన అత్యంత సున్నితమైన డాక్యుమెంట్లు ఉన్నాయి. వీటిలో సినిమాల షూటింగ్ స్క్రిప్ట్‌లు, సెన్సార్ బోర్డు సూచించిన కట్‌ల జాబితా (కట్ ఆర్డర్లు), థియేటర్లలో విడుదల కోసం సమర్పించిన ఇతర ముఖ్యమైన పత్రాలు ఉన్నట్లు సమాచారం. ఒక సినిమా కథ, పాత్రల వివరాలు, తొలగించిన సన్నివేశాలు వంటివి విడుదలకు ముందే బయటకు రావడం వల్ల నిర్మాతలకు ఆర్థికంగా, సృజనాత్మకంగా నష్టం వాటిల్లే ప్రమాదం ఉంది. ప్రస్తుతం కొత్త సినిమాలు పెద్దగా లేకపోవడం కాస్త ఊరటనిస్తే.. ఇలా సినిమాల డేటా లీక్ అవ్వడం కాస్త అనుమానం కూడా వ్యక్తం అవుతుంది.
ఈ కీలక డాక్యుమెంట్లన్నీ ‘ఇంటర్నెట్ ఆర్కైవ్’ అనే వెబ్‌సైట్‌లో కొద్ది రోజుల పాటు డౌన్‌లోడ్‌కు అందుబాటులో ఉన్నట్లు తెలిసింది. ఈ విషయం వెలుగులోకి రావడంతో ఇంటర్నెట్ ఆర్కైవ్ యాజమాన్యం వెంటనే స్పందించి, ఆ సమాచారాన్ని తమ ప్లాట్‌ఫామ్ నుంచి పూర్తిగా తొలగించింది. అంతేకాకుండా ఈ వ్యవహారాన్ని సైబర్ భద్రతా అధికారుల దృష్టికి తీసుకెళ్లినట్లు ఆ సంస్థ నిర్ధారించింది. ఇప్పటికే ఈ వార్తలు ఇండస్ట్రీ వర్గాల్లో హాట్ చర్చగా మారింది. గతంలో ఇలాంటి వార్తలే బాగా వినిపించాయి. మరి ఇప్పుడు ఇలా జరగడం పై అనుమానాలు వ్యక్తం అవుతున్నాయి.
ఈ డేటా లీక్ ఘటనపై సెన్సార్ బోర్డు స్పందించింది. తమ పోర్టల్‌లోకి అనధికారిక యాక్సెస్ జరిగిందన్న ఆరోపణలపై లోతుగా దర్యాప్తు చేస్తున్నామని ఒక ప్రకటనలో తెలిపింది. భవిష్యత్తులో ఇలాంటివి పునరావృతం కాకుండా ఉండేందుకు పోర్టల్‌కు సంబంధించిన పూర్తిస్థాయి సెక్యూరిటీ ఆడిట్ నిర్వహిస్తున్నట్లు పేర్కొంది. ప్రాథమిక దర్యాప్తులో ఏ నిర్మాత ఖాతా కూడా హ్యాకింగ్‌కు గురైనట్లు ఆధారాలు లభించలేదని సీబీఎఫ్‌సీ స్పష్టం చేసింది. దర్యాప్తు పూర్తయితే గానీ ఈ భద్రతా వైఫల్యానికి గల కచ్చితమైన కారణాలు, నష్టంపై పూర్తి స్పష్టత వచ్చే అవకాశం లేదు. ఇండస్ట్రీలోని ఎన్నో సినిమాలకు సంబంధించిన సెన్సార్ పనులు ఇక్కడి నుంచే జరుగుతున్నాయి. త్వరలోనే ఈ డేటా లీక్ పై పూర్తి వివరాలు త్వరలోనే బయటపడే అవకాశాలు ఉన్నట్లు సమాచారం.
Also Read :Podarillu Today Episode : నారాయణ స్టోరీతో కన్నీళ్లు.. మాధవ్ మాటతో షాక్.. చక్రీకి అనుమానం..
Share
వైడ్ వివాదం...మ్యాచ్ మధ్యలోనే తన్నుకున్న విల్ జాక్స్, హారిస్ రవూఫ్
సౌదీలో క్షిపణి దాడులు.. భారతీయులకు కేంద్రం కీలక హెచ్చరికలు!
