Engineer Jobs| ప్రభుత్వ ఉద్యోగం కోసం ఎదురుచూస్తున్న ఇంజినీరింగ్ అభ్యర్థులకు ఇది మంచి అవకాశం. రక్షణ రంగానికి చెందిన ప్రభుత్వ సంస్థ భారత్ ఎలక్ట్రానిక్స్ లిమిటెడ్ (BEL) భారీ రిక్రూట్‌మెంట్ ప్రకటించింది. ప్రొబేషనరీ ఇంజినీర్ పోస్టుల భర్తీకి మొత్తం 350 ఖాళీలను వెల్లడించింది. ఎలక్ట్రానిక్స్, మెకానికల్ విభాగాల్లో ఈ నియామకాలు చేపట్టనుంది.
అర్హత ఉన్న అభ్యర్థులు ఆన్‌లైన్‌లో దరఖాస్తు చేసుకోవచ్చు. ఎంపికైన వారికి ఏడాదికి సుమారు రూ.13 లక్షల ప్యాకేజీ లభిస్తుంది. దరఖాస్తు ప్రక్రియ అక్టోబర్ 28, 2026న ప్రారంభమవుతుంది. నవంబర్ 18 చివరి తేదీగా నిర్ణయించారు. ఈ ఉద్యోగాలకు సంబంధించిన ఖాళీలు, అర్హతలు, జీతం, ఎంపిక విధానం వివరాలు తెలుసుకుందాం.
భారత్ ఎలక్ట్రానిక్స్ లిమిటెడ్ రక్షణ మంత్రిత్వ శాఖ పరిధిలో పనిచేసే ప్రభుత్వ రంగ సంస్థ. దేశవ్యాప్తంగా వివిధ యూనిట్లు, కార్యాలయాల్లో ఈ పోస్టులను భర్తీ చేయనుంది.
దరఖాస్తు చేసుకునేవారు సంబంధిత విభాగంలో బిఈ, బిటెక్ లేదా నాలుగేళ్ల B.Sc ఇంజినీరింగ్ డిగ్రీ పూర్తి చేసి ఉండాలి. సాధారణంగా అభ్యర్థులు ఫస్ట్ క్లాస్‌లో ఉత్తీర్ణులై ఉండాలి. అయితే SC, ST, PwBD అభ్యర్థులకు నిర్దేశిత నిబంధనల ప్రకారం పాస్ క్లాస్ అర్హతతో కూడా అవకాశం ఉంటుంది.
అక్టోబర్ 1, 2026 నాటికి జనరల్, EWS అభ్యర్థుల వయస్సు 25 ఏళ్లకు మించకూడదు. రిజర్వేషన్ కేటగిరీలకు చెందిన అర్హులైన అభ్యర్థులకు ప్రభుత్వ నిబంధనల ప్రకారం వయోపరిమితిలో సడలింపు ఉంటుంది.
ఎంపికైన అభ్యర్థులను E – II గ్రేడ్‌లో నియమిస్తారు. వీరికి రూ.40,000 నుంచి రూ.1,40,000 వరకు పే స్కేల్ ఉంటుంది. అదనంగా ఏడాదికి సుమారు రూ.13 లక్షల CTC అందుతుంది.
BEL ఎంపిక ప్రక్రియలో కంప్యూటర్ ఆధారిత పరీక్ష, ఇంటర్వ్యూ ఉంటాయి. రాత పరీక్షకు 85 మార్కులు, ఇంటర్వ్యూకు 15 మార్కులు కేటాయించారు. పరీక్షలో మొత్తం 125 ప్రశ్నలు ఉంటాయి. వీటిని 120 నిమిషాల్లో పూర్తి చేయాలి. ప్రతి తప్పు సమాధానానికి 0.25 మార్కుల నెగెటివ్ మార్కింగ్ ఉంటుంది.
ఆన్‌లైన్ దరఖాస్తుల ప్రారంభం: అక్టోబర్ 28, 2026, మధ్యాహ్నం 2 గంటలు
దరఖాస్తుకు చివరి తేదీ: నవంబర్ 18, 2026, రాత్రి 11:59 గంటలు
కంప్యూటర్ ఆధారిత పరీక్ష: డిసెంబర్ 22, 2026 (తేదీలో మార్పు ఉండవచ్చు)
జనరల్, EWS, OBC (NCL) అభ్యర్థులు రూ.1,180 దరఖాస్తు ఫీజు చెల్లించాలి. SC, ST, PwBD, మాజీ సైనికులకు ఫీజు నుంచి మినహాయింపు ఉంటుంది.
Also Read: ఆఫీస్, షాపు లేకుండానే ఇతర రాష్ట్రాల్లో వ్యాపారం చేసుకోవచ్చు.. ఈ GST నిబంధన గురించి తెలుసా?
ముందుగా BEL అధికారిక వెబ్సైట్ bel-india.in సందర్శించాలి. అక్కడ ప్రొబేషనరీ ఇంజినీర్ రిక్రూట్‌మెంట్ నోటిఫికేషన్‌ను తెరవాలి. అర్హతలు, సూచనలు పూర్తిగా చదివిన తర్వాత రిజిస్ట్రేషన్ చేసుకోవాలి. అనంతరం దరఖాస్తు వివరాలు నమోదు చేసి, అవసరమైన సర్టిఫికెట్లు అప్‌లోడ్ చేయాలి. వర్తించే ఫీజు చెల్లించి దరఖాస్తును సబ్మిట్ చేయాలి. భవిష్యత్తు అవసరాల కోసం అప్లికేషన్ కాపీని భద్రపరుచుకోవాలి.
మరిన్ని వివరాలు, పూర్తి నోటిఫికేషన్ కోసం BEL అధికారిక వెబ్సైట్ చూడండి.
Also Read: రూ.కోటి జీతం జాబ్ వదులుకొని బిజినెస్ చేసిన యువతి.. కట్ చేస్తే రూ.2.2 కోట్ల ఆదాయం
Share
ఎండ లేకపోయినా బట్టలు త్వరగా ఆరిపోతాయి.. ఈ 5 సింపుల్ టిప్స్ పాటిస్తే సరి
బట్టల క్లీనింగ్లో సరికొత్త విప్లవం..మార్కెట్ను శాసిస్తున్న స్టీమ్ వాషింగ్ మెషీన్లు
