Parliament Security: లోక్‌సభలో స్మోక్ బాంబ్ ఇష్యూ మొత్తం దేశాన్ని షేక్ చేసింది. అత్యంత కట్టుదిట్టమైన భద్రత ఉండే ప్రాంతం పార్లమెంట్. అలాంటి పార్లమెంట్‌లోకి మూడంచెల భద్రతను దాటుకొని వచ్చి స్మోక్ బాంబ్ ఎలా పేల్చారన్నది ఇప్పుడు అధికారులను కలవర పడేలా చేసింది. అదే సమయంలో పార్లమెంట్ భద్రతపై కూడా కొత్త అనుమానాలను తెరపైకి వచ్చేలా చేసింది.
పార్లమెంట్ దాడి ఘటనకు సంబంధించి కేంద్రం అప్రమత్తమైంది. ఉభయ సభల భద్రతా బాధ్యతలను సెంట్రల్ ఇండస్ట్రీయల్ సెక్యూరిటీ ఫోర్స్‌కు అప్పగించాలని నిర్ణయించింది. దీనికి సంబంధించి పార్లమెంట్ భవన సముదాయాన్ని పరిశీలించాలని కేంద్ర హోంశాఖ ఆదేశించింది.
CISF అనేది సెంట్రల్ ఆర్మ్‌డ్‌ పోలీస్ ఫోర్స్‌లో ఒక భాగం. ప్రస్తుతం ఢిల్లీలోని అనేక కేంద్ర ప్రభుత్వ మంత్రిత్వ శాఖ భవనాలతో పాటు కీలకమై అణు, ఏరోస్పేస్ డొమైన్, ఎయిర్‌పోర్ట్‌లు, ఢిల్లీ మెట్రో వంటి వాటికి రక్షణ బాధ్యతలను నిర్వర్తిస్తోంది CISF. ఇకపై పార్లమెంట్ భవన్ కూడా CISF ఖాతాలో చేరిపోనుంది.
ప్రస్తుత పార్లమెంట్ భవనంలోని భద్రతా బృందంలోని అధికారులతో పాటు భద్రతా బలగాలకు చెందిన ఫైర్ కంబాట్ ,రెస్పాన్స్ అధికారులు త్వరలో పార్లమెంట్ సర్వే చేపట్టనున్నారు. CISFలో పార్లమెంట్ సెక్యూరిటీ సర్వీస్, ఢిల్లీ పోలీస్, పార్లమెంట్ డ్యూటీ గ్రూప్ కూడా ఉంటాయి. త్వరలో సర్వే నిర్వహించి ఎంతమంది కమాండోలను నియమించాలో తేల్చనున్నారు అధికారులు.
పార్లమెంట్ భద్రతను మరింత కట్టుదిట్టం చేసే ఆలోచనలో ఉంది CISF. ఎయిర్‌పోర్ట్‌లో పాటించే ప్రోటోకాల్‌ను పార్లమెంట్‌లో అమల్లోకి తీసుకొచ్చే ఆలోచనలో ఉంది CISF. షూస్, హెవీ జాకెట్స్‌, బెల్ట్‌లను కూడా స్కాన్‌ చేయగల పెద్ద స్కానర్లను అందుబాటులోకి తీసుకు రానుంది CISF.
.
.
Share
Vyuham Movie : మారిన 'వ్యూహం'.. విడుదలను నిలిపివేయాలని కోర్టు ఆదేశాలు
Terror Attack : పూంచ్ సెక్టార్ లో ఆర్మీ వాహనంపై దాడి.. తామే చేశామన్న PAFF..
