Rahul Gandhi: కాంగ్రెస్ పార్టీ కూడా తప్పులు చేసింది.. తప్పకుండా మార్చుకుంటాం: రాహుల్ గాంధీ

Rahul Gandhi Speech In Lucknow On Congress Party Mistakes: తమ పార్టీ కూడా తప్పులు చేసిందని, భవిష్యత్తులో తమ రాజకీయాలను మార్చుకోవాల్సి వస్తుందని కాంగ్రెస్ అధినేత, పార్టీ మాజీ అధ్యక్షుడు రాహుల్ గాంధీ శుక్రవారం అన్నారు. రాబోయే కాలంలో కాంగ్రెస్ పార్టీ కూడా తన రాజకీయాలను మార్చుకోవాలని.. ఇది తప్పక జరుగుతుందని చెప్పారు. కాంగ్రెస్ పార్టీ కూడా తప్పులు చేసిందని, కాంగ్రెస్ పార్టీలో ఉండి ఈ మాట చెబుతున్నానని స్పష్టం చేశారు.

అయితే, కాంగ్రెస్‌కు ఎలాంటి “మార్పు” అవసరమని తాను భావించారో రాహుల్ గాంధీ వివరించలేదు. లక్నోలో సమృద్ధ భారత్ ఫౌండేషన్ నిర్వహించిన “సంవిధాన్ సమ్మేళన్” అనే కార్యక్రమంలో ఆయన ఈ వ్యాఖ్యలు చేశారు.

ఈ సందర్భంగా ఆయన మాట్లాడుతూ ప్రధాని నరేంద్ర మోదీ చక్రవర్తి అని, ప్రధాని కాదని ఆరోపించారు. అతను అతని “ఇద్దరు ముగ్గురు ఫైనాన్షియర్స్” కోసం ఒక ఫ్రంట్ అని కూడా పిలిచారు. లోక్‌సభ ఎన్నికల్లో అధికార బీజేపీ 180 సీట్ల కంటే తక్కువకే పరిమితమవుతుందని రాహుల్ గాంధీ పేర్కొన్నారు. నరేంద్ర మోదీ మళ్లీ ప్రధాని కాలేరని.. కావాలంటే తాను లిఖితపూర్వకంగా ఇవ్వగలనని చెప్పారు. సమాజ్‌వాదీ పార్టీ అధినేత అఖిలేష్ యాదవ్‌తో కలిసి యుపీలో జరిగిన ఉమ్మడి ర్యాలీలలో తాను ఈ వ్యాఖ్యలను పునరుద్ఘాటించారు.

“రాజకీయాల్లో కొందరు అధికారం ఎలా పొందాలని మాత్రమే ఆలోచిస్తారు. నేను దానిలోనే పుట్టాను, దానిపై ఆసక్తి లేదు. కానీ నాకు ఇది ప్రజలకు సహాయపడే సాధనం” అని రాహుల్ గాంధీ అన్నారు.

భారతదేశంలో 90 శాతం జనాభాలో ఎస్టీ, ఓబీసీ, దళితులు, గిరిజనులు, మైనారిటీలు, పేదలకు సమాన భాగస్వామ్యం కల్పించడం లేదని ఆయన తెలిపారు. రాహుల్ గాంధీ తదనంతరం కుల ఆధారిత జనాభా గణన ఆవశ్యకతను తెలియజేశారు. దేశం బలపడాలంటే 90 శాతం మందిని కలుపుకోవాలన్నారు. వీరందరని కలపుకోకుండా కేవలం 10 శాతం మందిని సూపర్ పవర్‌గా మార్చాలనుకుంటున్నారా అని బీజేపీని ప్రశ్నించారు.

Also Read: 50 రోజుల తర్వాత.. జైలు నుంచి బయటకు వచ్చిన కేజ్రివాల్

ప్రధాని మోదీ రాజ్యాంగంపై దాడి చేశారని ఆరోపించారు. “ఆయన ప్రధాని కాదు, రాజు. కేబినెట్‌తో, పార్లమెంట్‌తో, రాజ్యాంగంతో ఆయనకు ఎలాంటి సంబంధం లేదు. అతను 21వ శతాబ్దపు రాజు. నిజమైన శక్తిని కలిగి ఉన్న ఇద్దరు లేదా ముగ్గురు ఫైనాన్షియర్‌లకు ఆయన అండగా ఉన్నారు”, అని రాహుల్ గాంధీ మోదీపై విరుచుకుపడ్డారు.

मैं 100% किसी भी मंच पर प्रधानमंत्री से ‘जनता के मुद्दों’ पर डिबेट करने को तैयार हूं,

पर मैं उन्हें जानता हूं, वो 100% मुझसे डिबेट नहीं करेंगे। pic.twitter.com/lxB8AqlzfN

— Rahul Gandhi (@RahulGandhi) May 10, 2024

Share

• 
• 
• 
• 
• 
•