మైసూరులో విషాదం.. ఐదేళ్ల చిన్నారి ప్రాణం తీసిన కుర్‌కురే!

Toy Ball: ఈ రోజుల్లో పిల్లలకు ఏదో ఒక స్నాక్ ప్యాకెట్ చేతిలో పెట్టడం చాలామంది తల్లిదండ్రులకు అలవాటుగా మారింది. కానీ, చిన్న అలసత్వం ఎంతటి ఘోరానికి దారితీస్తుందో చెప్పడానికి కర్ణాటకలోని మైసూరులో జరిగిన ఈ దారుణ సంఘటనే ఒక నిదర్శనం.

అల్లారుముద్దుగా పెంచుకుంటున్న ఐదేళ్ల బాలుడికి తల్లిదండ్రులు కుర్‌కురే ప్యాకెట్ కొనిచ్చారు. సంతోషంగా కుర్‌కురే తింటున్న ఆ చిన్నారి, ప్యాకెట్‌లో ఉచితంగా వచ్చిన చిన్న టాయ్ బాల్‌ను కూడా చూసుకోకుండా నోట్లో వేసుకొని మింగేశాడు. దురదృష్టవశాత్తు ఆ ప్లాస్టిక్ బంతి నేరుగా పోయి గొంతులో ఇరుక్కుపోయింది. దంతో ఊపిరాడక ఆ బాలుడు క్షణాల్లోనే స్పృహ కోల్పోయి కిందపడిపోయాడు. భయపడిపోయిన తల్లిదండ్రులు హుటాహుటిన ఆసుపత్రికి తరలించినప్పటికీ, ఆలోపే జరగాల్సిన నష్టం జరిగిపోయింది. బాలుడు ప్రాణాలు కోల్పోయాడని వైద్యులు దృవీకరించారు.

కంటికి రెప్పలా చూసుకుంటున్న ఒక్కగానొక్క కొడుకు కళ్లముందే అనంత లోకాలకు వెళ్ళిపోవడంతో ఆ తల్లిదండ్రులు గుండెలు విసిసేలా ఏడుస్తున్నారు. ఈ విషాదం ప్రతి ఒక్కరినీ కలిచివేస్తోంది. పిల్లల చేతికి తినుబండారాలు ఇచ్చేటప్పుడు, వాటిలో ఉండే చిన్నచిన్న ప్లాస్టిక్ బొమ్మల పట్ల ఎంత జాగ్రత్తగా ఉండాలో ఈ సంఘటన మనకు హెచ్చరిస్తోంది.

Also Read: ఆగి ఉన్న లారీని ఢీకొట్టిన కారు.. స్పాట్‌లోనే ఐదుగురు మృతి!