Love Insurance: లైఫ్ ఇన్సూరెన్స్, కార్ ఇన్సూరెన్స్, హెల్త్ ఇన్సూరెన్స్ వినే ఉంటా. ఇలానే ఈ మధ్యకాలంలో ఓ కొత్త ఇన్సూరెన్స్ వచ్చింది. అదే హార్ట్ బ్రేక్ ఇన్సూరెన్స్. ఉన్న ఇన్సూరెన్సులతోనే ఏగలేకపోతుంటే.. మళ్లీ ఇదేం ఇన్సూరెన్స్ అనుకుంటున్నారా?.. అయితే ఇది అందరికీ కాదు. కేవలం ప్రేమికులకు మాత్రమే. లవర్ బ్రేకప్ చెప్పినప్పుడు ఈ ఇన్సూరెన్స్ ఎంతో ఉపయోగపడుతుంది.
ప్రతీక్ ఆర్యన్ అనే యువకుడు తన లవర్‌తో కలిసి బ్యాంక్‌లో జాయింట్ అకౌంట్ ఓపెన్ చేశాడు. ప్రతినెలా ఆ ఖాతాలో ఇద్దరూ రూ. 500 జమ చేయడం మొదలు పెట్టారు. ఎవరు బ్రేకప్ చెప్పినా అవతలి వ్యక్తి ఆ ఖాతాలోని డబ్బులు తీసుకునేలా ఒప్పందం కుదుర్చుకున్నారు. దానికి హార్ట్ బ్రేక్ ఇన్సూరెన్స్ అని పేరు పెట్టుకున్నారు. అలా ఇప్పటి వరకు ఆ ఖాతాలో రూ. 25 వేలు జమ చేశారు.
ఇటీవల ఆర్యన్ గర్ల్‌ఫ్రెండ్ అతనికి బ్రేకప్ చెప్పింది. దీంతో ఆర్యన్ ఆ ఖాతాలోని రూ. 25 వేలను తీసుకున్నాడు. ఈ విషయాన్ని ట్విట్టర్ వేదికగా నెటిజన్లతో పంచుకుంటూ.. ‘‘ నా లవర్ మోసం చేయడంతో రూ. 25 వేలు సంపాదించాను’’ అని రాసుకొచ్చాడు. ప్రస్తుతం ఈ ట్వీట్ సోషల్ మీడియాలో వైరలవుతోంది. నెటిజన్లు ఫన్నీ కామెంట్లు పెడుతున్నారు. ‘‘ఈ ఐడియా బాగుంది. నా గర్ల్‌ఫ్రెండ్‌తో కలిసి ట్రై చేస్తా’’ అని ఓ నెటిజన్ కామెంట్ చేయగా.. మరో నెటిజన్ ‘‘మరో అమ్మాయితో కూడా ట్రై చెయ్.. ఇది నీకు మంచి రిటర్న్స్ ఇచ్చే బిజినెస్ అవుతుంది’’ అని రాసుకొచ్చాడు.
Share
Naga Chaitanya: లగ్జరీ ఇంటిని నిర్మించుకున్న నాగచైతన్య.. పదిరోజులుగా ఆ ఇంట్లోనే..
Paper Leak: అస్సాంలో టెన్త్ క్వశ్చన్ పేపర్ లీక్.. టీచర్లే ప్రధాన నిందితులు..
