Jaipur Viral Video: భార్యాభర్తల మధ్య చిన్నచిన్న గొడవలు జరగడం చాలా కామన్. కానీ, కొన్నిసార్లు ఆ కోపం హద్దులు దాటితే ఎలాంటి విచిత్రమైన పనులు చేస్తారో చెప్పడానికి రాజస్థాన్లోని జైపూర్లో జరిగిన ఈ ఘటనే ఒక పెద్ద ఉదాహరణ. భార్యపై కోపంతో ఒక భర్త ఏకంగా కరెన్సీ నోట్లకే నిప్పు పెట్టాడు. వినడానికి ఆశ్చర్యంగా ఉన్నా, ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.
రూ.22 వేల సూట్ తెచ్చిన తంటా
జైపూర్కు చెందిన మంజీత్ ధాకడ్ అనే వ్యక్తికి ఇటీవల తన భార్య ఎంతో ప్రేమతో ఒక సూట్ కొని తెచ్చింది. దాని ధర అక్షరాలా రూ.22 వేలు. అయితే, భార్య ప్రేమగా కొన్న ఆ సూట్ చూసి సంతోషపడాల్సిన మంజీత్, దాని ధర వినగానే ఒక్కసారిగా ఆగ్రహంతో ఊగిపోయాడు. ‘ఒక సూట్ కోసం రూ.22 వేలు ఖర్చు పెట్టాల్సిన అవసరం ఏముంది?’ అంటూ భార్యను నిలదీశాడు. ‘మనం సొంత ఇల్లు కొనుక్కోవాలని నేను రూపాయి రూపాయి కూడబెడుతుంటే, నువ్వు ఇలా డబ్బును వృథా చేస్తావా?’ అని గట్టిగా మందలించాడు.
పుట్టింటికి భార్య.. భర్త విచిత్ర నిరసన
భర్త అలా అందరి ముందు తిట్టడంతో భార్య తీవ్ర మనస్తాపానికి గురైంది. దీంతో అలిగి తన పుట్టింటికి వెళ్లిపోయింది. దీంతో మంజీత్లో కోపం మరింత పెరిగింది. ‘అసలు ఈ డబ్బుల వల్లే కదా మా ఇద్దరి మధ్య ఇంత పెద్ద గొడవ జరిగింది.. ఆ డబ్బులే లేకపోతే గొడవే ఉండదు కదా’ అని విచిత్రంగా ఆలోచించాడు.
నోట్ల కట్టలకు నిప్పు!
అనుకున్నదే తడవుగా నేరుగా బ్యాంకుకు వెళ్లి తన ఖాతాలో ఉన్న డబ్బును విత్డ్రా చేశాడు. ఇంటికి వచ్చి ఆ రూ.500 నోట్ల కట్టలకు నిప్పు పెట్టాడు. నోట్లు కాలి బూడిదవుతుంటే దాన్ని వీడియో తీసి సోషల్ మీడియాలో పోస్ట్ చేశాడు. ఈ వీడియో చూసిన నెటిజన్లు అవాక్కవుతున్నారు.
భార్యతో గొడవ పడి రూ.500 నోట్లను తగలబెట్టేశాడు
రాజస్థాన్లో ఓ వ్యక్తి భార్యతో గొడవపడి రూ.500 నోట్లను తగలబెట్టిన భర్త
రూ.22వేల విలువైన సూట్ను ఎంపిక చేసిన భర్య
అంత ఖరీదైనది వద్దని, ఇల్లు కొనడానికి డబ్బు దాచాలని భర్త చెప్పడంతో ఇద్దరి మధ్య వాగ్వాదం
దీంతో ఆమె పుట్టింటికి… pic.twitter.com/CXW9YJ9r1Z— BIG TV Breaking News (@bigtvtelugu) November 22, 2026
Also Read: జబర్దస్త్ ఆర్టిస్టుల కారుకు యాక్సిడెంట్.. ఆస్పత్రికి వెళ్లి పరామర్శించిన ఎమ్మెల్యే!