Jabardasth Comedians: ఎన్నికల ప్రచారం ముగించుకుని హాయిగా ఇంటికి చేరుకుందామనుకున్న జబర్దస్త్ టీంకి అర్ధరాత్రి ఊహించని షాక్ తగిలింది. కాకినాడలో జనసేన అభ్యర్థుల తరఫున ప్రచారం పూర్తి చేసుకుని తిరిగి వస్తున్నారు. పశ్చిమగోదావరి జిల్లా భీమవరం సమీపంలోని పాలకోడేరు మండలం గోరగనమూడి వద్ద వీరి కారు ప్రమాదానికి గురైంది. అర్ధరాత్రి వేళ ఒక్కసారిగా కారు అదుపుతప్పి రోడ్డు పక్కన ఉన్న స్తంభాన్ని బలంగా ఢీకొట్టింది. ఆ ధాటికి కారు ముందు భాగం పూర్తిగా నుజ్జునుజ్జయింది.
ఎవరికి ఏమైంది? డ్రైవర్ పరిస్థితి ఏంటి?
ఈ ఘటనలో జబర్దస్త్ కమెడియన్లు దొరబాబు, రైజింగ్ రాజుకు గాయాలయ్యాయి. అయితే అదృష్టవశాత్తూ వారికి ప్రాణాపాయం తప్పి, స్వల్ప గాయాలతో బయటపడ్డారు. కానీ కారు నడుపుతున్న డ్రైవర్కు మాత్రం తీవ్ర గాయాలైనట్టు సమాచారం. ప్రమాదం జరిగిన వెంటనే చుట్టుపక్కల ఉన్న స్థానికులు పరుగున వచ్చారు. కారులో చిక్కుకున్న వారందరినీ బయటకు తీశారు. హుటాహుటిన భీమవరంలోని ఒక ప్రైవేట్ ఆసుపత్రికి తరలించారు.
పోలీసులు ఏమంటున్నారు?
డ్రైవర్ నిద్రమత్తులోకి జారుకోవడం వల్లే ఈ ప్రమాదం జరిగిందని రైజింగ్ రాజు చెబుతున్నారు. మరోవైపు పాలకోడేరు పోలీసులు ఘటనా స్థలాన్ని పరిశీలించి కేసు నమోదు చేశారు. అతివేగమా లేక నిద్రమత్తు కారణమా అనే కోణంలో విచారణ చేస్తున్నారు. విషయం తెలిసి ఆసుపత్రికి వెళ్లి ఎమ్మెల్యే రామాంజనేయులు వారిని పరామర్శించారు. తమ అభిమాన నటులకు ప్రమాదం జరిగిందని తెలియడంతో అభిమానులు కాస్త ఆందోళన చెందినా, ఇద్దరూ క్షేమంగా ఉన్నారని తెలిసి ఊపిరి పీల్చుకుంటున్నారు.
రోడ్డు ప్రమాదం.. జబర్దస్త్ కమెడియన్లకు తీవ్ర గాయాలు
పశ్చిమ గోదావరి జిల్లా భీమవరంలో రోడ్డుప్రమాదానికి గురైన జబర్దస్త్ టీం సభ్యులు
దొరబాబు, రైజింగ్ రాజుకు స్వల్ప గాయాలు
భీమవరం ప్రైవేట్ ఆస్పత్రిలో చికిత్స
ఆస్పత్రికి వెళ్లి పరామర్శించిన MLA రామాంజనేయులు
డ్రైవర్ నిద్రమత్తుతో… pic.twitter.com/u3HOIEGv2U— BIG TV Breaking News (@bigtvtelugu) November 22, 2026
Also Read: ‘కోడి రక్తం చూస్తేనే కళ్లు తిరిగి పడిపోతారట’.. కేతిరెడ్డిపై జేసీ వ్యంగ్యాస్త్రాలు