Chennai: తమిళనాడు రాజకీయాలు మరోసారి వేడెక్కాయి. తిరుచ్చి ఉప ఎన్నిక నుంచి ఎవరు బరిలోకి దిగుతున్నారన్న దానిపై క్లారిటీ వస్తోంది. ఈ స్థానం నుంచి టీవీకే అభ్యర్థి బరిలోకి దిగనున్నారు. నిన్నటివరకు రేసులో ఉన్న నటుడు రాఘవ లారెన్స్ తప్పుకున్నారు. దీంతో త్రిష రంగంలోకి దిగినట్టు సమాచారం.
తమిళనాడులో తిరుచ్చి ఉప ఎన్నిక వేడి మొదలు
తిరుచ్చి ఉప ఎన్నిక వేళ తమిళనాడులో రాజకీయాలు హీటెక్కాయి. తమిళనాడు అసెంబ్లీ ఎన్నికల్లో రెండు చోట్ల నుంచి టీవీకే అధినేత విజయ్ విజయం సాధించారు. ఈ క్రమంలో తిరుచ్చి సీటుకు ఆయన రాజీనామా చేశారు. దీంతో ఆ నియోజకవర్గానికి ఉప ఎన్నిక అనివార్యమైంది.
విజయ్ ప్రభుత్వానికి మద్దతు ఇచ్చిన వీసీకే అధినేత తిరుమావళవన్ తొలుత ఈ సీటు కోరారు. అందుకు సీఎం విజయ్ గ్రీన్ సిగ్నల్ ఇచ్చారు. మరి ఏం జరిగిందో తెలీదుగానీ ఉప ఎన్నిక రేసు నుంచి తప్పుకున్నట్లు వీసీకే అధినేత ప్రకటన చేశారు. ఈ క్రమంలో నటుడు రాఘవ లారెన్స్ పేరు వెలుగులోకి వచ్చింది.
రాఘవ లారెన్స్ డ్రాప్.. తిరుచ్చి నుంచి త్రిష ఖాయం?
లారెన్స్ సామాజిక సేవ చేస్తుండడంతో టీవీకే పార్టీ ఆయనకు సీటు ఇవ్వడం ఖాయమనే ప్రచారం సాగింది. దీనిపై మనసులోని మాట చెప్పేందుకు రెండు సార్లు వెనక్కి తగ్గాడు లారెన్స్. చివరకు మంగళవారం దీనిపై క్లారిటీ ఇచ్చాడు. తిరుచ్చి నియోజకవర్గానికి జరగనున్న ఉప ఎన్నికలో తాను పోటీ చేయబోనని తేల్చిచెప్పాడు. ఆ సీటు నుంచి తాను పోటీ చేస్తారంటూ వస్తున్న ఊహాగానాలకు తెరదించాడు.
తాను పోటీ చేయడం ధర్మం కాదని అభిప్రాయపడ్డాడు. టీవీకే విజయం వెనుక కార్యకర్తలు తీవ్రంగా కృషి చేశారని గుర్తు చేశారు. పార్టీ గెలుపు కోసం క్షేత్రస్థాయిలో కష్టపడి పని చేసిన కార్యకర్తలకు ఈ అవకాశం దక్కాలన్నాడు. తిరుచ్చి నుంచి మాత్రమే తాను తప్పుకుంటున్నానని వెల్లడించాడు. భవిష్యత్తు ఎన్నికల్లో తప్పకుండా పోటీ చేస్తానని చెప్పకనే చెప్పాడు.
ALSO READ: రైతన్నలకు ఊరట.. 23 రాష్ట్రాలకు ఐఎండీ హై అలర్ట్.. ఏ క్షణమైనా భారీ వర్షాలు!
ప్రజలకు సేవ చేసేందుకు రాజకీయాల్లోకి వస్తానని చెప్పకనే చెప్పాడు లారెన్స్. ఏ పార్టీలో చేరాలన్న దానిపై నిర్ణయం తీసుకోలేదన్నాడు. ఏ పార్టీలో గౌరవం ఉంటుందో అందులోనే చేరుతానన్నాడు. క్రియాశీల రాజకీయాల్లోకి రాక ముందు కొందరు తనపై విమర్శలు చేస్తున్నారని మనసులోని మాట బయటపెట్టాడు.
లారెన్స్ తప్పుకోవడంతో త్రిషకు ఛాన్స్ ఇచ్చే అవకాశముందనే కొత్త ప్రచారం అప్పుడు తమిళనాడు పొలిటికల్ సర్కిల్స్లో మొదలైంది. ఈ నేపథ్యంలో టీవీకే పార్టీ అధినేత, సీఎం విజయ్ మనసులో ఏముంది? త్రిషకు ఛాన్స్ ఇస్తారా? లేకుంటే అక్కడి స్థానిక నేతలను బరిలోకి దించుతారా? అనేది చూడాలి.
Share
బజాజ్ చేతక్ C3001 vs హీరో విడా VX2 ప్లస్.. ఏ ఎలక్ట్రిక్ స్కూటర్ కొనడం బెస్ట్?
టాలీవుడ్ను కుదిపేస్తోన్న ‘ఇళ్ల స్థలాల’ దందా.. నాకు సంబంధం లేదన్న టాలీవుడ్ డైరెక్టర్
