సినిమా స్టయిల్‌లో 20 కార్లతో వచ్చి.. కోటి ఇవ్వకుంటే చస్తావ్, గురుగ్రామ్‌లో ఘటన

Gurugram: రౌడీలు, గ్యాంగ్‌స్టర్స్ రూటు మార్చారు. పోకిరి స్టయిల్ మాదిరిగా ఫోన్ చేసి బెదిరించడం మానేశారు. దౌర్జన్యంగా డబ్బులు వసూలు చేయడం మొదలు పెడుతున్నారు. సినిమా స్టయిల్‌లో వాహనాల వేసుకుని వచ్చి బెదిరింపులకు దిగడం మొదలుపెట్టారు. తాజాగా అలాంటి ఘటన ఒకటి హర్యానాలోని గురుగ్రామ్‌లో వెలుగులోకి వచ్చింది.

సినిమా స్టయిల్‌లో గ్యాంగులు వార్నింగ్-హర్యానాలో రౌడీమూకలు బరి తెగించాయి. పలువురు రౌడీ గ్యాంగులు పేరుమోసిన వాళ్లను బెదిరిస్తున్నారు. గురుగ్రామ్‌లోని సెక్టార్ 106- 108 మధ్య ఉన్న ఒక సైట్‌లో ఈ ఘటన జరిగింది. ఓ కాంట్రాక్టర్‌కు ఏకంగా 20 ఎస్‌యూవీ వాహనాలతో వచ్చిన రౌడీలు చుట్టుముట్టడం తీవ్ర కలకలం రేపింది.

ఏకంగా 20 కార్లలో 60 మంది ఎంట్రీ- యాంగ్‌స్టర్ కౌశల్‌చౌదరి ముఠా సభ్యులు కోటి రూపాయలు ఇవ్వాలని డిమాండ్ చేశారు. ఆ గ్యాంగ్ కీలక నేతలు ప్రస్తుతం జైలులో ఉన్నట్లు తెలుస్తోంది. ఈ ఘటనకు సంబంధించిన దృశ్యాలు సీసీటీవీ కెమెరాల్లో రికార్డయ్యాయి. కాంట్రాక్టర్.. సెంట్రల్ పార్క్, సెక్టార్ 108, అలెన్ గ్రూప్, సెక్టార్ 106తో సహా నగరంలోని పలు ప్రాంతాలలో నీరు-మట్టి సరఫరా వ్యాపారాన్ని చేస్తున్నట్లు తెలుస్తోంది.

డబ్బుల వసూళ్లు పర్వం.. తుపాకులతో బెదిరింపులు-గ్యాంగ్ సభ్యులు వార్నింగ్‌తో హడలిపోయిన సదరు కాంట్రాక్టర్ మనీష్ దహియా పోలీసులకు ఫిర్యాదు చేశాడు. మధ్యాహ్నం 3.30 గంటలకు సుక్కు, దినేష్ దహియా, లఖిరామ్, భోలా, నవీన్, ముండి, అజయ్ దహియా సుమారు 60 మంది నేరగాళ్లు తాము ఉన్న స్థలానికి వచ్చినట్టు తెలిపాడు.

పోలీసులకు కాంట్రాక్టర్ ఫిర్యాదు-వారంతా నల్లటి స్కార్పియో కార్లలో వచ్చి ఆయుధాలను బయటపెట్టి సైటులో పని చేస్తున్న కార్మికులను బెదిరించడానికి ప్రయత్నించారని బాధితుడు తెలిపాడు. పని కొనసాగించాలను కుంటే స్థానిక గ్యాంగ్‌స్టర్లు దినేష్-రవీందర్‌లకు డబ్బు చెల్లించాలని కోరినట్టు సదరు కాంట్రాక్టర్ వివరించాడు. సూపర్‌వైజర్‌పై దాడి చేసి అతడ్ని చంపేస్తామని బెదిరించినట్లు సమాచారం.

ALSO READ: మరో వివాదంలో ఇన్‌స్టా స్టార్ పునీత్.. మురికి కాలువలో స్నానం, ఆపై భోజనం కూడా

కాంట్రాక్టర్ తర్వాత తనకు, తన కుటుంబానికి రక్షణ కల్పించాలని కోరుతూ రాజేంద్ర పార్క్ పోలీసులకు వివరించాడు. ఫిర్యాదు ఆధారంగా కేసు నమోదు చేసి సమగ్ర దర్యాప్తు ప్రారంభించారు. నిందితులను గుర్తించడానికి ఆధారాల కోసం వారి వాహనాలు రావడాన్ని గమనించడానికి సమీపంలోని సీసీటీవీ ఫుటేజీ చెక్ చేస్తున్నారు.

దర్యాప్తు కొనసాగుతోందని, దుండగులను త్వరలో అరెస్టు చేస్తామని చెబుతున్నారు పోలీసులు అధికారులు. జైలు నుండి కౌశల్ చౌదరి ముఠా ఉందని పోలీసులు అనుమానిస్తున్నారు. నిందితుల కోసం ప్రత్యేక బృందాలను రంగంలోకి దించారు.

गुरुग्राम के धनवापुर इलाके में कथित तौर पर 20 गाड़ियों के काफिले के साथ पहुंचे कई लोगों ने एक ठेकेदार की साइट पर शक्ति प्रदर्शन किया और रंगदारी की मांग करते हुए जान से मारने की धमकी देने का आरोप लगा है। घटना का CCTV वीडियो भी सामने आया है। पीड़ित ठेकेदार ने पुलिस को शिकायत देकर… pic.twitter.com/c6miAJvXD2

— AajTak (@aajtak) July 15, 2026