Shashi Tharoor Trolls : శశిథరూర్ ఓ మహిళ కలిసి దిగిన ఫోటోలు సోషల్ మీడియాలో వైరల్‌గా మారాయి. ఓ సాహిత్య కార్యక్రమంలో శశిథరూర్ పాల్గొనగా అక్కడే ఉన్న ఓ మహిళ శశిథరూర్‌తో సెల్ఫీ స్టైల్‌లో ఓ ఫోటో దిగింది. ఈ ఫోటోను ఆమె సోషల్ మీడియాలో షేర్ చేసింది. అయితే ఈ ఫోటోపై ట్రోల్స్ ప్రారంభమయ్యాయి.
అమ్మాయిలను పడేయటంలో థరూర్ తరువాతే ఎవరైనా అని దారుణంగా ట్రోల్స్ చేస్తున్నారు. ట్రోల్స్ ఎక్కువవడంతో సదరు మహిళ సోషల్ మీడియాలో బాధను వ్యక్తం చేసింది. నేను శశిథరూర్‌తో సాహిత్య కార్యక్రమంలో భాగంగా మాత్రమే ఫోటో దిగానని.. థరూర్‌కు, తనకు వ్యక్తిగతం, రాజకీయంగా ఎలాంటి సంబంధాలు లేవని అన్నారు.
థరూర్ కూడా ఈ అంశంపై ఘాటుగానే స్పందించారు. ఆలోచనలు కలుషితమయ్యాయని ట్రోల్ చేస్తున్న వారిపై మండిపడ్డారు. మీ చర్యలతో ఆ యువతి ఎంతో బాధపడి ఉంటుందని ఆవేదన వ్యక్తం చేశారు. ఆ యువతితోనే కాకుండా నేను అక్కడ చాలామందితో ఫోటో దిగాను. మీ అసహ్యమైన ఆలోచనలను మీతోనే ఉంచుకోండని శశిథరూర్ ట్రోలర్స్‌కు కౌంటర్ ఇచ్చారు.
Share
TDP Leaders : ఆయన మంత్రి అయ్యాకే తునిలో దాడులు: యనమల.. గొడ్డలిపోటును మంత్రులు వారసత్వంగా తీసుకున్నారు: అచ్చెన్న
Amazon: కోతలు మొదలెట్టిన అమెజాన్
