Silver Wedding chappal : ఖర్చు విషయంలో ఎక్కడ కాంప్రమైజ్ అయినా..పెళ్లి దగ్గరికి వచ్చే సరికి మాత్రం వెనకడుగు వేసేదే లేదు అంటారు. పేదోడైనా అప్పు తెచ్చి మరీ పెళ్లి తంతును ఘనంగా జరిపిస్తారు. బంగారు నగలు, ఖరీదైన బట్టలు, అందమైన స్టేజ్‌లు, డీజేలు, బరాత్‌లు.. ఆ హడావిడే వేరు. పెళ్లిలో ఏదైనా ఓ రేంజ్‌లో ఉండాలనుకునే వారి కోసం.. యూపీలోని లఖ్‌నవూలో ఓ నగల యజమాని వినూత్నంగా ఆలోచించాడు.
దుస్తువులే కాదు చెప్పులు కూడా స్పెషల్‌ ఎట్రాక్షనే అంటున్నాడు. వరుడు, వధువుల కోసం పాదరక్షలను వెండితో రూపొందించారు. 100 నుంచి 500 గ్రాములు ఉండే ఈ చెప్పులు 25 వేలకు అమ్ముతున్నారు. కొన్ని పాదరక్షల మీద రత్నాలు, ముత్యాలను పొదిగి మరింత అందంగా తీర్చిదిద్దుతున్నారు. అందుకు తగ్గట్టే.. రేటు కూడా పెంచేశారు.
పాదరక్షలనే కాకుండా వరుడు ధరించే బెల్ట్‌లను కూడా వెండితో రూపొందించాడు నగల వ్యాపారి. బరువు, డిజైన్‌ ఆధారంగా దీని ధరను 20 వేలుగా నిర్ణయించారు. పెళ్లింటి వారి కుటుంబ సభ్యులకు కావాల్సిన ఇతర వస్తువులను వెండితోనే తయారు చేస్తున్నారు. వినియోగదారులు సైతం ఆసక్తి కనబరుస్తుండటంతో మరిన్ని నూతన ఉత్పత్తులను తీసుకొస్తామంటున్నారు వ్యాపారులు.
Share
Gnanavapi: జ్ఞానవాపీ కేసులో.. సర్వేపై సుప్రీంకోర్టు స్టే..
Facebook Love : ఫేస్బుక్ ప్రేమ.. లవర్ కోసం పాకిస్తాన్ వెళ్లిన భారత మహిళ..
