Hala Mobility : చదువు తర్వాత ఏదైనా వ్యాపారం చేద్దామని అనుకున్నాడు. యూత్ ఆలోచనలకు తగిన, వారి అవసరాలు తీర్చే ట్రెండీ బిజినెస్ అయితే.. బాగుంటుందనిపించింది. ఎలక్ట్రిక్ బైక్‌ల వాడకం పెరుగుతోంది కాబట్టి అదైతే సక్సెస్ అవుతుందని నమ్మాడు. ఒకేసారి అధిక ధర పెట్టి ఆ వాహనాలు కొనటం కంటే అద్దెకు దొరికితే బాగుంటుందనుకునే వారి సంఖ్య ఎక్కువగా ఉందని సర్వేలో తేలటంతో ‘హాలా’ పేరుతో స్టార్టప్ పెట్టేశాడు. మొదట్లో సమస్యలొచ్చినా.. క్రమంగా పుంజుకుని నేడు వందలమందికి ఉపాధికల్పిస్తున్నాడు. అతడే.. హాలా వ్యవస్థాపకుడు, సీఈఓ శ్రీకాంత్ రెడ్డి కలకొండ.
అయితే.. ఖర్చులు, నిర్వహణ కష్టం కావటంతో రూటు మార్చి, సొంత సిబ్బందిని తీసుకోకుండా ఇ-కామర్స్‌ సంస్థల డెలివరీ సిబ్బందికి వాహనాలు అందించటం మొదలుపెట్టారు.గుర్తింపు రావటంతోనే వ్యాపార నిర్వహణ, విస్తరణ కోసం టి-హబ్‌కు చెందిన టి-ఏంజెల్స్‌ నుంచి రూ.8 కోట్ల పెట్టుబడులు, తాజాగా మరో రూ.8 కోట్లు సమకూరాయి. టి-హబ్‌‌లో ఆఫీసు పెట్టినరోజు 20 సొంత ఎలక్ట్రిక్ బైక్‌లతో సేవలు మొదలుపెట్టగా, నేడు ఇది 2000 వాహనాలకు చేరింది.
వచ్చే ఏడాది నాటికి వీటి సంఖ్య 5 వేలు కానుంది. ప్రస్తుతమున్న 78 మంది ఉద్యోగులు.. వచ్చే ఏడాదికి 160 కానున్నారు. ప్రస్తుతం హైదరాబాద్, విశాఖపట్టణం, చెన్నై, ముంబయి, పుణెల్లోనే ఉన్న హాలా ఇతర నగరాల దిశగా అడుగులు వేయనుంది. వ్యక్తిగత అవసరాలకే గాక.. సరకు రవాణాకు విద్యుత్‌ ఆటోలను, అద్దె కార్లను అందుబాటులోకి తెచ్చే దిశగా హాలా దూసుకెళుతోంది. ఈ నెలాఖరు (సెప్టెంబరు 30) నాటికి మరో రూ.65 కోట్లు సమీకరించే లక్ష్యంతో హాలా దూసుకెళుతోంది.
Share
Vishwambhara - Chiranjeevi: చిరంజీవి ‘విశ్వంభర’ రిలీజ్ డేట్ వచ్చేసింది.. ఫ్యాన్స్కు పండగే
Champai Soren Oath : ఝార్ఖండ్ లో కొలువుదీరిన కొత్త ప్రభుత్వం.. సీఎంగా చంపయీ సోరెన్ ప్రమాణం..
