2 Years Old Boy Rescued form Borewell: 20 గంటల రెస్క్యూ ఆపరేషన్‌.. బోరుబావిలో పడిన బాలుడు సేఫ్..!

2 Year Old Boy Rescued from 16 Feet Deep Borewell: ఆ చిన్నారి ఆడుకుంటూ వెళ్లి బోరుబావిలో పడ్డాడు. ఈ సమాచారం తెలియగానే ఎన్డీఆర్ఎఫ్, ఎస్డీఆర్ఎఫ్ బృందాలు రంగంలోకి దిగాయి. 20 గంటలపాటు శ్రమించాయి. ఆ ప్రయత్నాలు ఫలించాయి. బాలుడిని రక్షించారు. సురక్షితంగా బయటకు తీశారు.

కర్ణాటకలోని విజయపుర జిల్లా లచయానా గ్రామంలో ఈ ఘటన జరిగింది. ముజగొండ సతీశ్ అనే రైతు పొలంలో బోరు బావి తవ్వించాడు. బుధవారం సాయంత్రం సమయంలో సతీశ్ ఏడాదిన్నర వయస్సు కొడుకు సాత్విక్ అక్కడే ఆడుకుంటున్నాడు. ఈ క్రమంలోనే బోరు బావిలో పడిపోయాడు.

బాలుడు బోరు బావిలో పడిన సమాచారం తెలియగానే ఎన్డీఆర్ఎఫ్, ఎస్డీఆర్ఎఫ్ బృందాలు శ్రమించాయి. చిన్నారిని బయటకు తీసుకొచ్చేందుకు ఆపరేషన్ చేపట్టారు. ఆ బాలుడు 16 అడుగల లోతులో ఉన్నట్లు గుర్తించారు. పైపుల ద్వారా ఆక్సిజన్ అందించారు. 20 గంటల రెస్క్యూ ఆపరేషన్ తర్వాత సాత్విక్ ను సురక్షితంగా బయటకు తీశారు. వెంటనే ఆస్పత్రికి తరలించారు.

Also Read: ఒకవైపు నీటి సంక్షోభం.. మరోవైపు కలరా కలవరం.. ఈ నగరానికి ఏమైంది ?

సాత్విక్ ను కాపాడేందుకు ఎన్డీఆర్ఎఫ్, ఎస్డీఆర్ఎఫ్ బృందాలు ప్రయత్నిస్తున్న సమయంలోనే గ్రామస్థులు ప్రత్యేక పూజలు చేశారు. ఆ ప్రార్థనలు ఫలించాయి. సాత్విక్ క్షేమంగా బయటపడ్డాడు. తల్లితండ్రులతోపాటు గ్రామస్థులు సంతోషం వ్యక్తంచేశారు.

Share

• 
• 
• 
• 
• 
•