Uniform Civil Code Bill Uttarakhand Assembly : ఉత్తరాఖండ్ అసెంబ్లీ బుధవారం యూనిఫాం సివిల్ కోడ్(Uniform Civil Code) బిల్లును ఆమోదించింది. ముఖ్యమంత్రి పుష్కర్ సింగ్ ధామి మంగళవారం సభలో బిల్ ప్రవేశపెట్టారు. వివాహం, సంబంధాలు, వారసత్వాన్ని నియంత్రించే మతపరమైన వ్యక్తిగత చట్టాలను భర్తీ చేయడమే ఈ కోడ్ ప్రధాన ఉద్దేశం.
భారతదేశంలో యూనిఫాం సివిల్ కోడ్‌పై చట్టం చేసిన మొదటి రాష్ట్రంగా ఉత్తరాఖండ్ అవతరించింది. రాజ్యాంగానికి లోబడే బిల్లు ముసాయిదాను రూపొందించామని ధామి తెలిపారు.
Read More: Hookah Ban : కర్ణాటకలో హుక్కా బ్యాన్.. కారణం ఆ కేసులేనా ?
“స్వాతంత్య్రం తర్వాత, రాజ్యాంగ నిర్మాతలు ఆర్టికల్ 44 కింద రాష్ట్రాలు కూడా తగిన సమయంలో యు.సి.సిని ప్రవేశపెట్టవచ్చని హక్కును ఇచ్చాయి.. దీనిపై ప్రజలకు సందేహాలు ఉన్నాయి. రాజ్యాంగ వ్యవస్థ ప్రకారం మేము ముసాయిదాను రూపొందించాము,” అని పుష్కర్ సింగ్ ధామి పేర్కొన్నారు. యూనిఫాం సివిల్ కోడ్ అమలు అనేది 2022 ఉత్తరాఖండ్ అసెంబ్లీ ఎన్నికల మేనిఫెస్టోలో భారతీయ జనతా పార్టీ ప్రధాన వాగ్దానం.
అటు ఈ చట్టాన్ని అమలు చేయడంలో తమ రాష్ట్రం రెండో స్థానంలో ఉంటుందని అస్సాం ముఖ్యమంత్రి హిమంత బిస్వా శర్మ హామీ ఇచ్చారు.
యూనిఫాం సివిల్ కోడ్(Uniform Civil Code) బిల్లు అంటే ఏమిటి?
ఈ బిల్లు వివాహ వ్యవస్థలో, అటువంటి స్వభావం గల సంబంధాలలో భారీ మార్పులు చేయాలని కోరుతోంది. లివ్-ఇన్ రిలేషన్షిప్స్‌ను రిజిస్టర్ చేసుకోవడం తప్పనిసరి చేయడం ఈ చట్టంలోని ముఖ్యాంశం.
బిల్లు ప్రకారం, రిలేషన్‌షిప్‌లోకి ప్రవేశించిన తేదీ నుంచి ఒక నెలలోపు లివ్-ఇన్ రిలేషన్షిప్‌లను రిజిస్టర్ చేసుకోవాలి. పెద్దలు వారి తల్లిదండ్రుల నుంచి సమ్మతిని పొందవలసి ఉంటుంది.
ఈ బిల్లు బాల్య వివాహాలపై పూర్తి నిషేధం విధించడంతో పాటు విడాకుల కోసం ఏకరీతి ప్రక్రియను కూడా ప్రవేశపెట్టింది. కోడ్ అన్ని మతాల మహిళలకు వారి పూర్వీకుల ఆస్తిలో సమాన హక్కులను అందిస్తుంది.
బిల్లు అన్ని వర్గాలలో వివాహానికి మహిళలకు 18, పురుషులకు 21 కనీస వయస్సును నిర్ణయించింది.
Share
Ex director of HMDA: భారీగా అక్రమాస్తులు.. శివబాలకృష్ణ రిమాండ్‌ పొడిగింపు..
Deputy CM Narayanaswamy: నారాయణస్వామికి ఎంపీ టికెట్.. ఆందోళన చేస్తున్న వ్యతిరేకులు..
