Uttarakhand Bus Accident: ఉత్తరాఖండ్లో మరోసారి ఘోర రోడ్డు ప్రమాదం చోటుచేసుకుంది. ప్రయాణికులతో వెళ్తున్న ఓ బస్సు అదుపుతప్పి లోయలో పడిపోవడంతో ఎనిమిది మంది ప్రాణాలు కోల్పోయారు. ఈ విషాద ఘటన తెహ్రీ గఢ్వాల్ జిల్లాలో జరిగింది.
లోయలోకి దూసుకెళ్లిన బస్సు
ప్రమాదం జరిగిన సమయంలో బస్సులో సుమారు 30 నుండి 35 మంది వరకు ప్రయాణికులు ఉన్నట్లు తెలుస్తోంది. కొండ ప్రాంతపు మలుపు వద్ద డ్రైవర్ నియంత్రణ కోల్పోవడంతో బస్సు ఒక్కసారిగా 100 మీటర్ల లోతైన లోయలోకి పడిపోయింది. ఈ ఘటనలో ఎనిమిది మంది అక్కడికక్కడే మృతి చెందగా.. మరో 20 మంది తీవ్రంగా గాయపడ్డారు.
ముమ్మరంగా సహాయక చర్యలు
ప్రమాద సమాచారం అందుకున్న వెంటనే పోలీసులు, రెస్క్యూ బృందాలు ఘటనా స్థలానికి చేరుకుని సహాయక చర్యలు చేపట్టాయి. లోయలో చిక్కుకున్న వారిని బయటకు తీసి, క్షతగాత్రులను హుటాహుటిన సమీపంలోని ఆసుపత్రికి తరలించారు. ప్రస్తుతం వారికి మెరుగైన వైద్యం అందుతోంది. మృతుల సంఖ్య మరింత పెరిగే అవకాశం ఉందని అధికారులు ఆందోళన వ్యక్తం చేస్తున్నారు.
Also Read: ఓటీటీ లవర్స్ కు పూనకాలు.. ఆ రెండు మస్ట్ వాచ్…