fake food products: మనం రోజువారీ జీవితంలో ఎంతో నమ్మకంగా వాడే మ్యాగీ నూడుల్స్, హార్లిక్స్, బోర్నవిటా వంటి ప్రముఖ బ్రాండ్ల వెనుక ఒక ముఠా ఎంతటి ప్రమాదకరమైన మోసానికి పాల్పడుతుందో తాజాగా వెలుగులోకి వచ్చింది. కాలం చెల్లిన (ఎక్స్‌పైరీ అయిన) ఆహార ఉత్పత్తుల తేదీలను మారుస్తూ, వాటిని మళ్లీ మార్కెట్లోకి వదులుతున్న ఒక భారీ నెట్‌వర్క్‌ను ఢిల్లీ పోలీసులు చాకచక్యంగా ఛేదించారు. బ్రాండ్ల పేర్లు చూసి గుడ్డిగా నమ్మే అమాయక ప్రజల ఆరోగ్యాలతో చెలగాటమాడుతున్న ఈ వ్యవహారం ఇప్పుడు దేశవ్యాప్తంగా తీవ్ర సంచలనం సృష్టిస్తోంది.
కెమికల్స్‌తో డేట్లు మార్పు..
ఈ ముఠా అనుసరిస్తున్న తీరు చూస్తే ఎవరికైనా ఒళ్లు గగుర్పొడవడం ఖాయం. గడువు ముగిసిపోయి, పారేయాల్సిన పాత స్టాక్‌ను తక్కువ ధరకు సేకరించి.. కొన్ని రకాల రసాయనాల (కెమికల్స్) సాయంతో ప్యాకెట్లపై ఉన్న పాత తయారీ, ఎక్స్‌పైరీ తేదీలను పూర్తిగా చెరిపేస్తున్నారు. ఆపై అత్యాధునిక ప్రింటింగ్ మిషన్లతో సరికొత్త డేట్లను ముద్రిస్తున్నారు. ఇలా కొత్త రూపు సంతరించుకున్న నకిలీ ప్యాకెట్లను నేరుగా మార్కెట్లో కాకుండా, ప్రముఖ ఈ-కామర్స్ సైట్లు, ఆన్‌లైన్ గ్రాసరీ ప్లాట్‌ఫామ్స్ ద్వారా కస్టమర్ల ఇళ్లకు చేరవేస్తూ కోట్ల రూపాయలు ఆర్జిస్తున్నారు.
ప్రాణాలకే ప్రమాదం.. నకిలీ ముఠా గుట్టు రట్టు
గడువు ముగిసిన హెల్త్ డ్రింక్స్, నూడుల్స్ తినడం వల్ల ముఖ్యంగా పిల్లలు, వృద్ధుల జీర్ణవ్యవస్థపై తీవ్ర ప్రభావం పడుతుందని, ఇది ప్రాణాంతక ఫుడ్ పాయిజనింగ్‌కు దారితీస్తుందని వైద్యులు హెచ్చరిస్తున్నారు. దేశ రాజధాని కేంద్రంగా సాగుతున్న ఈ నయా దందాపై పక్కా సమాచారంతో దాడులు చేసిన పోలీసులు.. నిందితులను అరెస్ట్ చేయడంతో పాటు పెద్ద ఎత్తున నకిలీ లేబుళ్లు, రసాయనాలు, యంత్రాలను స్వాధీనం చేసుకున్నారు. దేశవ్యాప్తంగా ఉన్న పలు ఈ-కామర్స్ గోడౌన్లకు కూడా ఈ నకిలీ సరుకు సరఫరా అయినట్లు దర్యాప్తులో తేలింది.
వినియోగదారులుగా మనం ఎలాంటి జాగ్రత్తలు తీసుకోవాలి?
ప్యాకెట్‌పై ఉన్న ప్రింటింగ్ అక్షరాలు అస్పష్టంగా ఉన్నా, డేట్ ఉన్న చోట రంగు మారినట్లు అనిపించినా వాటిని అనుమానించాల్సిందే. అలాగే, నూడుల్స్ లేదా హెల్త్ డ్రింక్స్ పౌడర్ వాసన, రుచిలో స్వల్ప తేడా గమనించినా వెంటనే వాడటం ఆపేయాలి. ఏదైనా అనుమానం వస్తే సదరు బ్రాండ్ కస్టమర్ కేర్‌కు గానీ, ఆహార భద్రతా అధికారులకు (FSSAI) గానీ ఫిర్యాదు చేయడం ద్వారా మన ఆరోగ్యాన్ని, మన కుటుంబ సభ్యుల ప్రాణాలను కాపాడుకోవచ్చు.
Also Read: సవాల్ విసిరి ఎందుకు వెనక్కి తగ్గారు? మంత్రులపై సీఎం రేవంత్ రెడ్డి ఫైర్!
మ్యాగీ, హార్లిక్స్ తింటున్నారా.. జాగ్రత్త
కాలం చెల్లిన (ఎక్స్‌పైరీ అయిన) మ్యాగీ నూడుల్స్, బోర్నవిటా, హార్లిక్స్ వంటి ప్రముఖ బ్రాండ్ల తేదీలను మారుస్తూ దేశవ్యాప్తంగా అమ్ముతున్న భారీ నెట్‌వర్క్‌ను ఢిల్లీ పోలీసులు ఛేదించారు. రసాయనాలతో పాత తేదీలను చెరిపేసి, కొత్త తేదీలు ముద్రించి… pic.twitter.com/jlEbmzmR8e
— BIG TV Breaking News (@bigtvtelugu) July 4, 2026
Share
సల్కం చెరువులో ఫాతిమా కాలేజ్.. అధికారులపై హైకోర్టు సీరియస్, నివేదికలు ఇవ్వలంటూ..
పవన్ కల్యాణ్ అపరిచితుడిలా ప్రవర్తిస్తున్నారు: పేర్నినాని
