OTT Movie : రియల్ స్టోరీ ఆధారంగా తెరికే సినిమాలు అరుదుగా ప్రేక్షకులను ఆకట్టుకుంటాయి. నిజానికి ఇలాంటి వాస్తవ సంఘటనల ఆధారంగా తెరకెక్కిన హర్రర్ స్టోరీల గురించి ఆడియన్స్ ఆకలి మీద ఉంటారు. అయితే అన్ని సినిమాలు వాళ్లను ఆకట్టుకోలేవు. కానీ కొన్ని సినిమాలు మాత్రం చూశాక మంచి థ్రిల్లింగ్ ఎక్స్పీరియన్స్ ఫీల్ అవ్వడంతో పాటు, ఎప్పటికీ ఆ సినిమాను మర్చిపోలేరు కూడా. ఈరోజు మన మూవీ సజెషన్ కూడా అలాంటిదే. మరి ఈ హర్రర్ థ్రిల్లర్ మూవీ పేరేంటి? దాని కథ ఏంటి? అనే వివరాల్లోకి వెళ్తే…
యూట్యూబ్ (Youtube) లో
ఇప్పుడు మనం మాట్లాడుకుంటున్న ఈ హర్రర్ థ్రిల్లర్ మూవీ 2014 లో రిలీజ్ అయ్యి కర్ణాటకను షేక్ చేసింది. కర్ణాటక అడవుల్లో జరిగిన వాస్తవ సంఘటన ఆధారంగా తెరకెక్కిన ఈ సినిమాకు కేస్ అశోక దర్శకత్వం వహించారు. ఇందులో కృష్ణ ప్రసాద్, తనూజ, జాను, విజయ్ చందు ప్రధాన పాత్రలో నటించారు. తెలుగులో ఈ మూవీ 2017 ఏప్రిల్ 3న రిలీజ్ అయింది. శైలేంద్ర ప్రొడక్షన్స్ బ్యానర్ పై తెరకెక్కిన ఈ సినిమా పేరు చిత్రమ్ కాదు నిజమ్. కన్నడలో ఈ సినిమాను 6-5=2 పేరుతో రిలీజ్ చేశారు. ప్రస్తుతం ఈ హర్రర్ మూవీ యూట్యూబ్ (Youtube) లో ఫ్రీగానే అందుబాటులో ఉంది. పైగా ఈ సినిమాను తెలుగులో కూడా చూడొచ్చు.
స్టోరీ లోకి వెళ్తే…
ఫౌండ్ ఫుటేజ్ అనే అంశం ఆధారంగా ఈ మూవీని రూపొందించారు. కొంతమంది యూత్ అడవిలోకి ట్రెక్కింగ్ కోసం అని వెళ్తారు. అక్కడ ఒక డాక్యుమెంటరీని తీయాలని ప్లాన్ చేస్తారు. మొత్తానికి అడవిలోని ఎత్తైన శిఖరాన్ని చేరుకోవాలని లక్ష్యంతో నవీన్ కుమార్, సౌమ్య, దీప, ప్రకాష్ అండ్ స్నేహితులు అడవిలోకి బయలుదేరుతారు. అయితే వాళ్లు బయలుదేరినప్పటి నుంచి ఏదో ఒక అవాంతరం ఎదురవుతూనే ఉంటుంది. మరోవైపు అక్కడ భయపెట్టే సంఘటనలు కూడా జరుగుతాయి. మరి ఈ అవాంతరాలన్నీ దాటి వారు శిఖరాన్ని చేరుకున్నారా? తిరిగి ఇంటికి చేరుకోగలిగారా లేదా? అసలు వీళ్లకు ఎలాంటి సమస్యలు ఎదురయ్యాయి? చివరికి దాని నుంచి ఎంతమంది బయటపడ్డారు? అనేది ఈ మూవీ స్టోరీ. 2010లో కర్ణాటకలో జరిగిన రియల్ లైఫ్ స్టోరీ ఇది. అప్పుడు ఈ భయంకరమైన సంఘటన నుంచి బయటపడ్డ ఓ వ్యక్తి దగ్గర దొరికిన కెమెరాలోని ఫుటేజ్ ని తీసుకొని సినిమాగా తెరకెక్కించారు. అయితే ఫుటేజ్ లో ఉన్న రియల్ స్టోరీని ఎలాంటి మార్పులు లేకుండా థియేటర్లలో ఆడియన్స్ కి చూపిస్తామని ప్రమోషన్ చేసారు మేకర్స్. కానీ తీరా థియేటర్ లోకి వెళ్ళాక అదే స్టోరీని వేరే నటీ, నటులను పెట్టి చూపించారు. దీంతో మేకర్స్ పై తీవ్ర విమర్శలు వచ్చాయి. కన్నడలో 30 లక్షల్లో నిర్మించిన ఈ మూవీ ఏకంగా 5 కోట్లు కొల్లగొట్టింది. వెన్నులో వణుకు పుట్టించే ఈ హర్రర్ థ్రిల్లర్ సినిమాను, మీరు కూడా చూడాలనుకుంటే, యూట్యూబ్ (Youtube) లో ఫ్రీగానే అందుబాటులో ఉంది.
Share
Gundeninda GudiGantalu Today episode: ప్రభావతి పై తిరగబడిన మీనా.. సత్యం మాటతో బాలు ఫుల్ ఖుషి..
Travel Free In Train Bus: బస్సులోనే కాదు రైల్లోనూ ఫ్రీగా వెళ్లొచ్చు, ఇంతకీ ఆ దేశం ఏదంటే?
