Animated movie on OTT : ఒకప్పుడు బోనీకి తన బొమ్మలే ప్రపంచం. వుడీ, బజ్, జెస్సీతో ఆడుకుంటూ రోజంతా గడిపేది. కానీ ఇప్పుడు పరిస్థితి మారిపోయింది. చేతిలో బొమ్మ ఉండాల్సిన చోట మొబైల్, టాబ్లెట్ వచ్చేశాయి. స్క్రీన్ ప్రపంచంలోకి వెళ్లిపోయిన బోనీకి… తన చిన్ననాటి బొమ్మలు అవసరం లేకుండా పోతే? ఆ బొమ్మల ఉనికే ప్రమాదంలో పడితే? అంతేకాదు, ఓ కొత్త టెక్నాలజీ వాళ్ల జీవితాల్లోకి వచ్చి అసలు బోనీని పూర్తిగా మార్చేస్తే? మళ్లీ ఆ చిన్నారి మనసులో తమకు చోటు సంపాదించుకోవడానికి వుడీ, బజ్ ఏం చేశారు? ఇదే ఆసక్తికరమైన కథతో వచ్చిన మూవీ ‘టాయ్ స్టోరీ 5’ (Toy Story 5). థియేటర్లలో దుమ్మురేపిన ఈ మూవీ ఏ ఓటీటీలోకి వచ్చింది ? ఈ మూవీ స్ట్రీమింగ్ విషయంలో చోటు చేసుకున్న ఆ ట్విస్ట్ ఏంటి ? అన్నది చూద్దాం.
కథలో బోనీ ఇప్పుడు కాస్త పెద్దదవుతుంది. చిన్నప్పుడు వుడీ, బజ్, జెస్సీతో ఆడుకోవడం ఆమెకు ఎంతో ఇష్టం. కానీ వయసు పెరిగేకొద్దీ ఆమె దృష్టి బొమ్మల నుంచి టెక్నాలజీ వైపు మళ్లుతుంది. మొబైల్ ఫోన్లు, టాబ్లెట్లు ఆమెకు కొత్త ప్రపంచాన్ని చూపిస్తాయి. దీంతో తన దగ్గరున్న పాత బొమ్మలను బోనీ క్రమంగా పక్కన పెట్టేస్తుంది.
అలాంటి సమయంలో బోనీ ఇంట్లోకి లిలీప్యాడ్ అనే కొత్త టాబ్లెట్ వస్తుంది. ఇది మామూలు గ్యాడ్జెట్ కాదు. పిల్లల ఆసక్తిని అర్థం చేసుకుని, వాళ్లను ఎక్కువసేపు స్క్రీన్ ముందు ఉంచేలా పని చేసే తెలివైన డిజిటల్ పరికరం. బోనీ దానిలో పూర్తిగా మునిగిపోవడంతో వుడీ, బజ్, జెస్సీ తమ పరిస్థితి ఏంటో అర్థం చేసుకోలేకపోతారు.
ఇదంతా జరుగుతుండగానే మరో సమస్య మొదలవుతుంది. ఓ షిప్పింగ్ కంటైనర్ నుంచి పొరపాటున 50కి పైగా బజ్ లైట్‌ఇయర్ బొమ్మలు బయటకు వస్తాయి. వాటికి తాము బొమ్మలమనే విషయం తెలియదు. నిజమైన స్పేస్ కమాండర్లమని నమ్ముతూ ఇంట్లో హడావుడి చేస్తుంటాయి. దీంతో అసలు బజ్‌కే తలనొప్పి మొదలవుతుంది.
మరోవైపు లిలీప్యాడ్ ప్రభావంతో బోనీ నిజమైన ఆటలకంటే డిజిటల్ ప్రపంచానికే ఎక్కువ ప్రాధాన్యం ఇస్తుంది. తమతో గడిపిన చిన్ననాటి జ్ఞాపకాలు కూడా ఆమె మర్చిపోతుందేమోనని వుడీ బాధపడతాడు. బజ్‌తో కలిసి బోనీకి బొమ్మల విలువను మళ్లీ గుర్తుచేయడానికి ఓ ప్లాన్ వేస్తాడు.
చివరికి బోనీ జీవితంలో టెక్నాలజీని పూర్తిగా దూరం చేయడం పరిష్కారం కాదని వుడీ, బజ్ గ్రహిస్తారు. మరి ఆ తరువాత కథ ఎలాంటి మలుపు తిరిగింది ? స్క్రీన్‌కు పూర్తిగా బానిస కాకుండా, టెక్నాలజీతో పాటు నిజమైన అనుబంధాలకు కూడా సమయం కేటాయించడం బోనీ ఎలా నేర్చుకుంది ? క్లైమాక్స్ ఏంటి ? అన్నది చూసి తెలుసుకోవలసిన కథ.
‘టాయ్ స్టోరీ 5’ ప్రస్తుతం డిజిటల్ రెంట్ రూపంలో ఓటీటీలో అందుబాటులో ఉంది. ప్రైమ్ వీడియోలో ఇంగ్లీష్ లో చూడొచ్చు. సినిమా రన్‌టైమ్ సుమారు 1 గంట 42 నిమిషాలు. దర్శకుడు ఆండ్రూ స్టాంటన్ కాగా, వుడీకి టామ్ హాంక్స్, బజ్‌కు టిమ్ అలెన్ వాయిస్ అందించారు.
Share
22A అంశం పై సమీక్ష.. క్లారిటీ ఇచ్చిన సీఎం రేవంత్ రెడ్డి!
షూటింగ్‌లో లేట్, సెట్‌లో ఫోన్.. అసలు విషయాలు కక్కేసిన సెలబ్రిటీలు
