Batman Knightfall OTT: గోథమ్ సిటీలో నేరగాళ్లను అదుపులో పెట్టడం బాట్మ్యాన్కు కొత్తేమీ కాదు. కానీ ఆర్కమ్ అసైలమ్ ధ్వంసమై, అందులోని ప్రమాదకరమైన విలన్లంతా ఒక్కసారిగా వీధుల్లోకి వస్తే ? వాళ్లను ఒక్కొక్కరిగా ఎదుర్కొంటూ బాట్మ్యాన్ పూర్తిగా అలసిపోయేలా చేస్తే ? ఇక చివర్లో అతని ముందు బలానికి మారుపేరైన బెన్ నిలబడితే ? బాట్మ్యాన్ జీవితంలోనే అత్యంత ప్రమాదకరమైన పోరాటానికి తెర తీసే యానిమేటెడ్ సూపర్హీరో మూవీ ‘Batman Knightfall Part 1 – Knightfall’. మరి ఈ మూవీ స్టోరీ ఏంటి ? ఏ ఓటీటీలో స్ట్రీమింగ్ అవుతోంది ? అనే వివరాలపై ఒక లుక్కేద్దాం పదండి.
గోథమ్లో పరిస్థితులు ఒక్కసారిగా అదుపు తప్పుతాయి. ఆర్కమ్ అసైలమ్ ధ్వంసమైపోవడంతో అక్కడ బంధించబడిన బాట్ మ్యాన్ శత్రువులంతా స్వేచ్ఛగా బయటకు వస్తారు. ఒక్క విలన్ ను ఎదుర్కోవడం బాట్మ్యాన్కు పెద్ద విషయం కాదు. కానీ ఈసారి ఒకరి తర్వాత ఒకరు ప్రమాదకరమైన నేరస్తులు ఎదురవుతుండటంతో అతనికి విశ్రాంతి తీసుకునే అవకాశం కూడా ఉండదు.
అయితే ఈ గందరగోళం వెనుక అసలు ప్లాన్ ఎవరిదో మొదట బాట్మ్యాన్కు అర్థం కాదు. అతన్ని నేరుగా ఓడించడం కంటే, ముందుగా శారీరకంగా, మానసికంగా బలహీనపరచాలనేది ఆ ప్లాన్. చివరికి ఆ వ్యూహం వెనుక ఉన్నది బెన్ అని తెలుస్తుంది. బాట్మ్యాన్ బలాన్ని బెన్ బాగా అర్థం చేసుకుంటాడు. అతనితో నేరుగా పోరాడితే గెలవడం అంత సులభం కాదని తెలుసుకుని, ముందుగా వరుసగా విలన్లను అతనిపైకి పంపిస్తాడు. ప్రతి పోరాటంతో బాట్మ్యాన్ శక్తి తగ్గిపోతుంది. అదే సమయంలో బేన్ మాత్రం సరైన సమయం కోసం ఎదురుచూస్తుంటాడు.
ఈ క్రమంలో అజ్రాయెల్ కూడా కథలో కీలకంగా ఎంట్రీ ఇస్తాడు. గోథమ్ను కాపాడాల్సిన బాధ్యత ఒకవైపు, తన శారీరక పరిమితులు మరోవైపు బాట్మ్యాన్కు సవాలుగా మారతాయి. అసలు బెన్ ఎందుకు బాట్మ్యాన్ను టార్గెట్ చేశాడు ? ఆర్కమ్ నుంచి విలన్లను బయటకు వదలడం వెనుక ఉన్న అసలు ఉద్దేశం ఏంటి ? బాట్మ్యాన్ తన శక్తి మొత్తం కోల్పోయిన తర్వాత బెన్ ను ఎదుర్కోగలడా ? అనేదే ఈ కథలో చూసి తెలుసుకోవలైన అసలైన కథ.
జెఫ్ వామెస్టర్ దర్శకత్వం వహించిన ఈ యానిమేటెడ్ యాక్షన్ మూవీకి బాట్మ్యాన్గా అన్సన్ మౌంట్, బేన్గా మైఖేల్ మాండో, అజ్రాయెల్గా పాబ్లో ష్రైబర్ వాయిస్ అందించారు. రన్టైమ్ సుమారు 79 నిమిషాలు. డార్క్ టోన్, బ్లడీ యాక్షన్, క్రైమ్, సూపర్హీరో ఎలిమెంట్స్తో తెరకెక్కిన ఈ సినిమా R రేటింగ్ తో విడుదలైంది. కాబట్టి ఇది పిల్లల కోసం రూపొందించిన బాట్మ్యాన్ కార్టూన్ కాదు. ప్రస్తుతం Prime Videoలో రెంట్ కి అవైలబుల్ గా ఉంది. ఆగస్టు 24 నుంచి Apple TVలో ఒరిజినల్ ఆడియో ఇంగ్లీష్ లో అందుబాటులో ఉంది. డార్క్, రా బాట్మ్యాన్ యాక్షన్ ఇష్టపడేవారికి ఈ మూవీ మంచి ఛాయిస్.
Read Also: హీరో కావాలంటే ఇన్ని అవమానాలా? ఒక్క అవకాశం కోసం జీవితాన్నే పణంగా పెట్టిన యువకుడి కథ
Share
ఓనం ఎవరి పండుగ? అసలు కథేంటి?
జీవో 97 రద్దు చేయకపోతే.. లక్ష మందితో సెక్రటేరియట్ ముట్టడిస్తాం.. కాంగ్రెస్కు హరీశ్ రావు అల్టిమేటం!
