Best Family Series : ఈ రోజుల్లో క్రైమ్, సస్పెన్స్, అశ్లీలత నిండిన కంటెంట్ ఓటీటీలో ఎక్కువైపోయింది. మన మనసుకు ప్రశాంతతను ఇచ్చే, కుటుంబం అంతా కలిసి సోఫాలో కూర్చొని చూసి నవ్వుకునే సిరీస్లు చాలా తక్కువనే చెప్పాలి. ఫ్యామిలీ ఆడియన్స్ ఎక్కువగా ఇలాంటి సిరీస్ లు, సినిమాల కోసం వెతుకుతుంటారు. అలాంటి ఓటీటీలో ఉన్న క్లీన్ ఫ్యామిలీ ఎంటర్టైనర్స్ ఏంటో ఇప్పుడు తెలుసుకుందాం. ఇప్పుడు చెప్పుకోబోయే ఈ సిరీస్లన్నీ IMDbలో 7కి పైగా రేటింగ్తో సూపర్ హిట్ అయ్యాయి.
1990ల నాటి మధుర జ్ఞాపకాలు, ఆ కాలపు జీవన విధానం, కుటుంబ బంధాలు వంటి అంశాలను గుర్తు చేసే సిరీస్ ఇది. ఈ సిరీస్ 12 ఏళ్ల హర్షు గుప్తా కోణం నుంచి సాగుతుంది. మధ్యతరగతి కుటుంబంలో తల్లిదండ్రుల ప్రేమ, పిల్లలపై ఒత్తిడి, చిన్ననాటి అమాయకపు రోజులు చాలా హార్ట్ టచింగ్గా చూపించారు. ఒక్కసారి చూస్తే చిన్నప్పటి రోజులు గుర్తుకు రావడం ఖాయం.
ఇండియాలోనే బెస్ట్ వెబ్ సిరీస్ల్లో ఇది కూడా ఒకటి. ఐఎండీబీలో రేటింగ్: 9.0 ఉంది. ఇంజనీరింగ్ గ్రాడ్యుయేట్ అభిషేక్ త్రిపాఠి (జితేంద్ర కుమార్) సిటీలో ఉద్యోగం దొరకక, విధిలేక ఉత్తరప్రదేశ్లోని ‘ఫులేరా’ గ్రామంలో పంచాయతీ సెక్రటరీగా చేరాల్సి వస్తుంది. పల్లెటూరి జీవితం, గ్రామ రాజకీయాలు, స్థానికులతో ఏర్పడే బంధాలు… హాస్యం, ఎమోషన్, సామాజిక సందేశాలు అన్నీ బ్యాలెన్స్గా ఉంటాయి.
శర్మది ఢిల్లీలోని సాధారణ మధ్యతరగతి కుటుంబం. తండ్రి, తల్లి, నానమ్మ, పిల్లలు… ప్రతి మిడిల్ క్లాస్ ఇంట్లో జరిగే రోజువారీ గొడవలు, చిన్న చిన్న సంతోషాలు, ప్రేమ అన్నీ చాలా సహజంగా చూపించారు. చూస్తుంటే మన పక్కింటి వాళ్లనో లేదా మన కుటుంబాన్నో చూసిన ఫీలింగ్ వస్తుంది. ఐఎండీబీలో 8.4 రేటింగ్ ఉంటుంది.
బెంగళూరులో టాప్ కార్పొరేట్ ఉద్యోగం చేస్తున్న శేఖర్ జాబ్ కోల్పోయి, తన సొంత ఊరైన ఇండోర్కు తిరిగి వస్తాడు. అక్కడ తల్లిదండ్రులు, తోబుట్టువులతో మళ్లీ కనెక్ట్ అయ్యి, జీవితం అసలైన అర్థాన్ని ఎలా తెలుసుకున్నాడో చాలా హార్ట్ టచింగ్గా చూపించారు. దీనికి ఐఎండీబీలో 8.8 రేటింగ్ ఉండడం విశేషం.
విభిన్న మనస్తత్వాలు కలిగిన ముగ్గురు తోబుట్టువులు చందన్, చంచల్, చిత్రవన్. వారి వ్యక్తిగత సమస్యల మధ్య అనుకోకుండా ఒక రోడ్ ట్రిప్ ప్లాన్ చేస్తారు. ఆ ప్రయాణంలో పాత కోపాలు పోయి, తోబుట్టువుల బంధం ఎంత బలపడిందో హాస్యంగా చూపించారు. దీనికి ఐఎండీబీలో రేటింగ్: 8.5. ఇవన్నీ హిందీ సిరీస్ లు. అయితే తెలుగులోనూ ‘సేవ్ ది టైగర్స్’తో పాటు మరికొన్ని సిరీస్ లు ఫ్యామిలీ అంతా కలిసి చూసే విధంగా ఉంటాయి. ప్రస్తుతం ‘సేవ్ ది టైగర్స్ 3’ స్ట్రీమింగ్ అవుతోంది.
Read Also : కనిపించిన ప్రతీ అబ్బాయితో సన్నిహితంగా ఉండే అమ్మాయి… చివరికి షాకింగ్ క్లైమాక్స్
Share
వర్షాకాలం వచ్చేసింది.. రోగనిరోధక శక్తిని పెంచే సూపర్ ఫుడ్స్ తినడం తప్పనిసరి
Kissik Talks Show: ఒకే ఒక్క రీల్తో ఓవర్నైట్ స్టార్.. నా టైం వచ్చింది అంటూ ‘స్నో అక్క’ మౌనిష సెన్సేషనల్ కామెంట్స్!
