Best Web Series on OTT : ఓటిటి ప్లాట్ ఫామ్ లో ఇప్పుడు వెబ్ సిరీస్ ల సందడి నడుస్తోంది. థియేటర్లతో సంబంధం లేకుండా డైరెక్టుగా ఓటీటీలోకి వస్తున్న ఈ వెబ్ సిరీస్ లను ప్రేక్షకులు బాగా ఆదరిస్తున్నారు. 2024లో వచ్చిన బెస్ట్ వెబ్ సిరీస్ ల గురించి తెలుసుకుందాం. ఒకవేళ మీరు ఈ వెబ్ సిరీస్ లను చూడకపోయి ఉంటే మిస్ కాకుండా చూడండి. ఈ సీరీస్ లను చూడటం మొదలుపెట్టాక, ఒక్క ఎపిసోడ్ కూడా మిస్ అవ్వకుండా చూస్తారు.
ది పెంగ్విన్ (The penguin)
8 ఎపిసోడ్స్ తో వచ్చిన ఈ వెబ్ సీరీస్ జియో సినిమా (Jio cinema) లో స్ట్రీమింగ్ అవుతుంది. ఈ అమెరికన్ క్రైమ్ డ్రామా వెబ్ సీరీస్ లో గోథమ్ సిటీకి చెందిన ఒక క్రిమినల్ అండర్ వరల్డ్‌లో పై స్తాయికి వచ్చిన తరువాత, అతడు చేసే పనులతో ఈ వెబ్ సీరీస్ నడుస్తుంది. ఈ వెబ్ సీరీస్ ది బాట్‌మాన్ కి సీక్వెల్‌గా చెప్పుకోవచ్చు. వార్నర్ బ్రదర్స్ తో కలసి DC స్టూడియోస్ ఈ సీరీస్ నిర్మించారు. ఈ వెబ్ సీరీస్ లో క్రిస్టిన్ మిలియోటి, రెంజీ ఫెలిజ్, డెయిర్‌డ్రే ఓ’కానెల్, క్లాన్సీ బ్రౌన్, కార్మెన్ ఎజోగో, మైఖేల్ జెగెన్, బెర్టో కొలోన్, స్కాట్ కోహెన్, షోహ్రే అగ్దాష్లో, జాహ్రేహ్ అగ్దాష్లో నటించారు. బ్యాట్‌మ్యాన్ పాత్రలో కోలిన్ ఫారెల్ ఆదరగొట్టారు. ఈ వెబ్ సీరీస్ కి మాట్ రీవ్స్ దర్శకత్వం వహించారు.
Gyaarah Gyaarah
2024 లో వచ్చిన ఈ ఫాంటసీ థ్రిల్లర్ సిరీస్ కు ఉమేష్ బిస్ట్ దర్శకత్వం వహించారు. సిఖ్యా ఎంటర్టైన్మెంట్, ధర్మ ప్రొడక్షన్స్ నిర్మించిన ఈ సిరీస్‌లో కృతికా కమ్రా, రాఘవ్ జుయల్, ధైర్య కర్వా, ఆకాష్ దీక్షిత్ ప్రధాన పాత్రలు పోషించారు. అదితి అనే ఒక అమ్మాయి కనిపించకుండా పోవడంతో, ఈ కేసును పోలీస్ ఆఫీసర్ ఛేదించే క్రమంలో వెబ్ సిరీస్ స్టోరీ రన్ అవుతుంది. ఈ సిరీ స్ జి ఫైవ్ (zee 5) లో స్ట్రీమింగ్ అవుతుంది.
బెంచ్ లైఫ్ (Bench Life)
2024 లో వచ్చిన ఈ తెలుగు కామిడీ డ్రామా సీరీస్ కు మానస శర్మ దర్శకత్వం వహించారు. పింక్ ఎలిఫెంట్ పిక్చర్స్ పతాకంపై నిహారిక కొణిదెల నిర్మించిన ఈ సీరీస్ లో వైభవ్, చరణ్ పేరి, రితికా సింగ్, ఆకాంక్ష సింగ్, రాజేంద్ర ప్రసాద్, నయన్ సారిక, వెంకటేష్ కాకుమాను, తనికెళ్ల భరణి నటించారు. సాఫ్ట్వేర్ కథాంశంతో తెరకెక్కిన ఈ కామిడీ వెబ్ సిరీస్, ఐదు ఎపిసోడ్లతో ఓటిటి ప్లాట్ ఫామ్ సోనీ లీవ్ (Sony LIV) లో స్ట్రీమింగ్ అవుతుంది.
వికటకవి (Vikatakavi)
2024 లో విడుదలైన ఈ డిటెక్టివ్ కిల్లర్ వెబ్ సిరీస్ కు, ప్రదీప్ మద్దాలి దర్శకత్వం వహించారు. ఎస్ఆర్టి ఎంటర్టైన్మెంట్ బ్యానర్ పై, రజిని తాళ్లూరి ఈ వెబ్ సిరీస్ ని నిర్మించారు. అడవిలో ఒక ప్రాంతంలోకి వెళ్లే వ్యక్తులు గతాన్ని మర్చిపోతూ ఉంటారు. అలా ఎందుకు జరుగుతుందో తెలుసుకునే ప్రయత్నమే ఈ వికట కవి సిరీస్. ఈ సస్పెన్స్ థ్రిల్లర్ వెబ్ సిరీస్ జి ఫైవ్ (zee 5) లో స్ట్రీమింగ్ అవుతుంది.
Share
Telangana Student Suicide IIT Indore: ఐఐటి ఇందోర్‌లో తెలంగాణ విద్యార్థి ఆత్మహత్య.. ఆ వ్యసనంతోనే?
Milestones: రోడ్ల మీద ఉండే మైలు రాళ్లకు ఇన్ని రంగులు ఎందుకు? ఆ కలర్స్ వెనుక కహానీ ఏంటంటే?
