OTT Movie : తల్లీ కూతుర్లని కూడా వదలని కా*మాంధుడు … పిచ్చెక్కించే రివేంజ్ థ్రిల్లర్

OTT Movie : హాలీవుడ్ సినిమాలకు మనవాళ్లు ఎప్పటి నుంచో అభిమానులుగా ఉన్నారు. ఓటీటీలో ఈ సినిమాలను ఎక్కువగా ఫాలో అవుతున్నారు. అందులోనూ సైకలాజికల్ థ్రిల్లర్ సినిమాలు ఓ రేంజ్ లో ఎంటర్టైన్ చేస్తాయి. ఇప్పుడు మనం చెప్పుకునే మూవీ పురుషాధిక్యత ఉన్న సమాజంలో ఒక ధైర్యవంతమైన అమ్మాయి చుట్టూ తిరుగుతుంది. ఈ మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే

అమెజాన్ ప్రైమ్ వీడియొ (Amazon Prime Video) లో

ఈ మూవీ పేరు ‘బ్రిమ్‌స్టోన్’ (Brimstone). 2016 లో విడుదలైన ఈ సైకలాజికల్ థ్రిల్లర్ మూవీకి మార్టిన్ కూల్హోవెన్ దర్శకత్వం వహించారు. ఈ మూవీలో డకోటా ఫానింగ్, గై పియర్స్, ఎమిలియా జోన్స్, కిట్ హారింగ్టన్ నటించారు. ఇది పాత అమెరికన్ వెస్ట్‌లో సెట్ చేయబడిన ఒక థ్రిల్లర్ మూవీ. ఇందులో ఒక స్త్రీ ధైర్యవంతమైన పోరాటం, ఆమెను వెంబడించే ఒక ప్రతీకార స్టోరీని చూపిస్తుంది. ఈ మూవీని నాలుగు చాప్టర్స్ గా తెరకెక్కించారు. ఈ చాప్టర్స్ ‘రెవెలేషన్’, ఎక్సోడస్’, ‘జెనెసిస్’, ‘రిట్రిబ్యూషన్’ అని పేరు పెట్టబడ్డాయి. ఈ మూవీ అమెజాన్ ప్రైమ్ వీడియొ (Amazon Prime Video) లో స్ట్రీమింగ్ అవుతోంది.

స్టోరీ లోకి వెళితే

రెవెలేషన్ : లిజ్ అనే మహిళ తన భర్త ఎలీతో పాటు ఇద్దరు పిల్లలతో కలిసి ఒక చిన్న గ్రామంలో జీవిస్తుంది. ఆమె ఒక మంత్రసానిగా పనిచేస్తుంది. ఆమె మూగదిగా ఉండటం వలన సైన్ లాంగ్వేజ్ ద్వారా మనుషుల్ని కమ్యూనికేట్ చేస్తుంది. ఒక రోజు కొత్తగా వచ్చిన రెవరెండ్ అనే వ్యక్తి చర్చిలో ప్రసంగం ఇస్తున్నప్పుడు, లిజ్ బాగా భయపడుతుంది. ఆమెకు అతనితో గతంలో ఏదో సంబంధం ఉందని అనిపిస్తుంది. అతను ఆమెను శిక్షించాలని వెంటపడి బెదిరిస్తాడు.

ఎక్సోడస్: ఇది లిజ్ గతాన్ని చూపిస్తుంది. ఆమె అసలు పేరు జోవన్నా. ఆమె ఒక వేశ్యాగృహంలో పనిచేస్తూ, అక్కడ తన స్నేహితురాలు ఎలిజబెత్‌ను కలుస్తుంది. రెవరెండ్ అక్కడ కూడా ఆమెను వెంబడిస్తాడు. ఒక దారుణమైన సంఘటనలో ఆమె నాలుక కోసివేయబడుతుంది.  దీనివల్ల ఆమె మూగగా మారుతుంది. ఆమె తన పేరును ఎలిజబెత్ గా మార్చుకొని, ఒక వ్యక్తిని వివాహం చేసుకుని కొత్త జీవితాన్ని ప్రారంభిస్తుంది.

జెనెసిస్: ఇది జోవన్నా బాల్యాన్ని చూపిస్తుంది. ఇందులో రెవరెండ్ ఆమె తండ్రి అని తెలుస్తుంది. అతను ఒక క్రూరమైన మతప్రచారకుడు. జోవన్నా తల్లిని హింసించి, తర్వాత జోవన్నాపై లైంగిక దాడి చేస్తాడు. తల్లి ఆత్మహత్య చేసుకున్న తర్వాత, జోవన్నా ఇంటి నుండి పారిపోతుంది. ఇది ఆమె జీవితంలోని చేదు జ్ఞాపకం గా మిగిలిపోతుంది.

రిట్రిబ్యూషన్: ఇందులో లిజ్ కుటుంబాన్ని రెవరెండ్ హత్య చేస్తాడు. ఆమెను, ఆమె కుమార్తెను బంధిస్తాడు. చివరికి లిజ్ రెవరెండ్‌ను చంపడంలో విజయం సాధిస్తుంది. కానీ ఒక దురదృష్టకరమైన మలుపు తీసుకుంటుంది. లిజ్ గతంలో జరిగిన ఒక హత్యకు ఆరోపణలు ఎదుర్కొంటుంది. ఆమె శిక్ష నుండి తప్పించుకోవడానికి ఆత్మహత్య చేసుకుంటుంది. స్టోరీ ఆమె కుమార్తె ఒక్కటే మిగిలినట్లు చూపిస్తూ ముగుస్తుంది.

ఈ మూవీ స్త్రీలపై అణచివేత ధోరణి ఉన్న ప్రాంతంలో, ఒక బలమైన స్త్రీ పోరాటాన్ని చూపిస్తుంది. ఇందులో డకోటా ఫానింగ్, పియర్స్ నటనలకు చాలా ప్రశంసలు వచ్చాయి. ఈ సినిమా చాలా హింసాత్మకంగా ఉండటంతో పాటు, ఒక ప్రత్యేకమైన వెస్ట్రన్ అనుభవాన్ని అందిస్తుంది. ఇందులో భారీగా హింస ఉండటం వల్ల, ఈ మూవీ అందరికీ నచ్చకపోవచ్చు.

Join WhatsApp Channel

Share

• 
• 
• 
• 
• 
•