విడుదలకు ముందే ‘ది ఒడిస్సీ’ ఓటీటీ సర్‌ప్రైజ్… ఎక్కడ చూడొచ్చంటే ?

The Odyssey OTT: క్రిస్టోఫర్ నోలన్ ఫ్యాన్స్ కు గుడ్ న్యూస్ వచ్చేసిందోచ్. హాలీవుడ్‌ డైరెక్టర్ క్రిస్టోఫర్ నోలన్ పేరు వినగానే ఎవరికైనా ఆసక్తి రెట్టింపు అవుతుంది. ఇంటర్‌స్టెల్లార్, డంకర్క్, టెనెట్, ఓపెన్‌హైమర్ వంటి సినిమాలతో ప్రపంచ సినీ ప్రేమికుల హృదయాలను గెలిచిన ఆయన చేస్తున్న కొత్త ప్రాజెక్ట్ ‘The Odyssey’ (ది ఒడిస్సీ). ఇప్పుడు ప్రపంచవ్యాప్తంగా ఉన్న మూవీ లవర్స్ ఈ సినిమా రిలీజ్ గురించే ఆసక్తిగా ఎదురు చూస్తున్నారు. అంతలోనే మేకర్స్ ఒక సర్ప్రైజ్ ఇచ్చారు. మరి ఆ సర్ప్రైజ్ ఏంటో తెలుసుకుందాం పదండి.

ఊహించని సర్ప్రైజ్

నోలన్ మ్యాజిక్ మళ్లీ మొదలైంది. గ్రీకు ఇతిహాసం ఆధారంగా రూపొందిన ఎపిక్ ఫాంటసీ యాక్షన్ డ్రామా ‘ది ఒడిస్సీ’. టామ్ హాలండ్, మాట్ డామన్, యాన్ హాత్వే, జెండయా, రాబర్ట్ ప్యాటిన్సన్, లుపిటా న్యోంగో వంటి వరల్డ్స్ పాపులర్ స్టార్లు ఇందులో నటిస్తున్నారు. ఈ సినిమా థియేట్రికల్ రిలీజ్ కు కేవలం మూడు రోజులు మాత్రమే మిగిలి ఉండగా, నోలన్ అభిమానులకు ఊహించని సర్ప్రైజ్ ఇచ్చారు.

నిర్మాతలు 22 నిమిషాల నిడివి గల “The Odyssey: The Making of an Epic” అనే ప్రత్యేక మేకింగ్ వీడియోను రిలీజ్ చేశారు. ఈ వీడియోను యూట్యూబ్‌లో కాకుండా, JioHotstar, Peacock స్ట్రీమింగ్ ప్లాట్‌ఫామ్‌లలో విడుదల చేశారు. ఇందులో నోలన్ ఆలోచనను వెండితెరపైకి తీసుకురావడంలో తమ అనుభవాలను నటీనటులు, సాంకేతిక నిపుణులు హృదయపూర్వకంగా పంచుకున్నారు. టామ్ హాలండ్ తన పాత్రకు ఎలా రెడీ అయ్యాడు ? యాన్ హాత్వే సెట్ మీద ఎలాంటి ఛాలెంజ్ లు ఎదుర్కొంది ? జెండయా తన క్యారెక్టర్‌కు ఎలా ప్రాణం పోసింది ? అన్న విషయాలు ఈ వీడియోలో స్పష్టంగా కనిపిస్తాయి.

మాట్ డామన్ మాట్లాడుతూ “నోలన్‌తో పని చేయడం అంటే ప్రతి రోజు కొత్త లెక్కలు నేర్చుకోవడం లాంటిది” అని చెప్పడం అభిమానులను మరింత ఉత్సాహపరుస్తోంది. ఈ చిత్రం గ్రీకు ఇతిహాసం ‘ఒడిస్సీ’ని ఆధునిక కోణంలో తీసుకుని, యాక్షన్, ఫాంటసీ, ఎమోషనల్ డెప్త్‌ తో మిళితం చేసి సృష్టించారు. ఒక యోధుడి ప్రయాణం, సవాళ్లు, ప్రేమ, నష్టాలు, విజయాలు అన్నీ ఈ కథలో అద్భుతంగా చూపించారు. నోలన్ సినిమాల్లో సాధారణంగా కనిపించే మైండ్-బెండింగ్ ట్విస్టులు, అద్భుతమైన సినిమాటోగ్రఫీ, సౌండ్ డిజైన్ ఈ చిత్రంలో కూడా ఉంటాయని అంచనా వేస్తున్నారు.

భారతదేశంలో నోలన్‌కు ఉన్న అపారమైన ఫ్యాన్ బేస్ కారణంగా ఈ చిత్రం థియేటర్లలో భారీ విజయం సాధించే అవకాశాలు ఎక్కువగా ఉన్నాయి. ముంబైలో ఇటీవల జరిగిన ప్రీమియర్ ఈవెంట్‌ లో నోలన్ ఈ సినిమా యాక్టర్స్ తో కలిసి హాజరయ్యారు. అక్కడ ఆయన మాట్లాడుతూ “ఈ కథలో మనం అందరం ఒకరికొకరం కనెక్ట్ అయ్యే భావనలు ఉన్నాయి. ఇవన్నీ మన జీవితాల్లో భాగమే” అని చెప్పారు. ఈ చిత్రం తెలుగుతో సహా పలు భాషల్లో విడుదల కానుండటం భారతీయ ప్రేక్షకులకు బోనస్.

థియేటర్లలో IMAX, 70mm ఫార్మాట్లలో చూడాలని అభిమానులు ఆసక్తి చూపుతున్నారు. నోలన్ సినిమాలు ప్రేక్షకులను ఆలోచింపజేస్తాయి, హార్ట్ టచింగ్ గా ఉంటాయి. ఈ సినిమా కూడా అలాంటి అనుభూతిని ఇస్తుందని అందరూ ఆశిస్తున్నారు. మేకింగ్ వీడియోలో టెక్నికల్ టీమ్ మాట్లాడుతూ “నోలన్ సెట్ మీద ప్రతి ఫ్రేమ్ కోసం ఎంతో కష్టపడతారు” అని చెప్పడం ఆయన వర్క్ ఎతిక్‌ను మరోసారి రుజువు చేస్తోంది. ఈ చిత్రం విడుదలకు ముందే సోషల్ మీడియాలో ట్రెండ్ అవుతోంది. భారతదేశంలో నోలన్ సినిమాలకు ఉన్న ప్రత్యేక స్థానం కారణంగా ఈ చిత్రం బాక్సాఫీస్ రికార్డులు సృష్టించే అవకాశం ఎక్కువగా ఉంది.