Crime Thriller OTT : క్రైమ్ థ్రిల్లర్ కథలను ఇప్పుడు ఇంట్రెస్టింగ్ గా చూస్తున్నారు ఆడియన్స్. ఇవి ఇచ్చే థ్రిల్ ని ఎంజాయ్ చేస్తున్నారు. ఓటీటీలో ఎక్కువగా ఈ జోనర్ స్టోరీలే ట్రెండింగ్ లో ఉంటున్నాయి కూడా. ఇప్పుడు మనం చెప్పుకోబోయే సినిమాలో క్లైమాక్స్ వరకు స్టోరీ సస్పెన్స్ గా సాగుతుంది. కూతురు మర్డర్ కి రివేంజ్ తీర్చుకునే ఒక తండ్రి కథ ఇది. థ్రిల్లర్ ఫ్యాన్స్ మిస్ కాకుండా చూడాల్సిన సినిమా. ఈ మూవీ పేరు, ఏ ఓటీటీలో ఉంది ? అనే వివరాల్లోకి వెళ్తే..
2023లో విడుదలైన చైనీస్ క్రైమ్ థ్రిల్లర్ ‘అక్రాస్ ది ఫ్యూరియస్ సీ’ (Across the Furious Sea). ఇది కావో బాపింగ్ దర్శకత్వంలో తెరకెక్కింది. ఇందులో హువాంగ్ బో, జౌ జున్, జు ఫెంగ్, జాంగ్ యూహావో, జౌ యిరాన్ నటించారు. ప్రస్తుతం ఈ మూవీ నెట్ ఫ్లిక్స్, ముబీ ఓటీటీలో స్ట్రీమింగ్ అవుతోంది.
Read Also : 25 ఏళ్లుగా క్రైమ్ అంటే ఏంటో తెలియని గ్రామం… బైక్‌ మిససవ్వడంతో గడబిడ… కడుపుబ్బా నవ్వించే కామెడీ ఎంటర్టైనర్
జిన్ అనే జాలరి, తన కూతురు లీనాను జపాన్‌లో ఉన్నత చదువుల కోసం పంపిస్తాడు. ఒకరోజు అతనికి ఒక ఫోన్ వస్తుంది. లీనా జపాన్‌లో శవమై కనిపిస్తుంది. ఆమె శరీరంపై 17 సార్లు కత్తితో పొడిచిన గుర్తులు ఉంటాయి. తన ప్రాణప్రదమైన కూతురు అలా అన్యాయంగా చనిపోయిందని తెలిసి జిన్ విలపిస్తాడు. ఆమె ప్రియుడు మియామియా దీనికి కారణమని జిన్ నమ్ముతాడు. ఇక ప్రతీకారం తీర్చుకోవడం మొదలు పెడతాడు. జిన్ జపాన్ వెళ్లి నిందితుడిని పట్టుకోవాలని చూస్తాడు, కానీ మియామియా చైనాకు పారిపోతాడు. జిన్ కూడా చైనాకు వచ్చి, తన కూతురు చావుకు ప్రతీకారం తీర్చుకోవడానికి వేట మొదలుపెడతాడు.
అయితే మియామియా తల్లి జింగ్ లాన్ చాలా ధనవంతురాలు. తన కొడుకు ఎంత తప్పు చేసినా, అతడిని కాపాడటానికి ఆమె జిన్‌కు అడ్డంగా నిలుస్తుంది. ఈ క్రమంలో ఇద్దరు తల్లిదండ్రుల మధ్య భయంకరమైన యుద్ధం జరుగుతుంది. సినిమా క్లైమాక్స్ వరకు అందరూ మియామియానే చంపాడని అనుకుంటారు. కానీ లీనా డైరీని చదివినప్పుడు, ఆమె గతాన్ని పరిశీలించినప్పుడు ఒక భయంకరమైన నిజం బయటపడుతుంది. ఆ నిజం ఏమిటి ? లీనాను గాయపరచింది ఎవరు ? ఈ స్టోరీ ఎలా ముగుస్తుంది ? అనే విషయాలను ఈ క్రైమ్ థ్రిల్లర్ సినిమాను చూసి తెలుసుకోండి.
Share
Greenland: గ్రీన్‌లాండ్‌పై పట్టు కోసం అగ్రరాజ్యాల పోరు, చైనా దూకుడుకు అమెరికా బ్రేకులు!
Brahmamgari Matham: కొలిక్కివచ్చిన వివాదం.. బ్రహ్మంగారి మఠం పీఠాధిపతిగా వెంకటాద్రి స్వామి
