Crime Thriller Movie OTT : ఓటీటీలోకి కొన్ని సినిమాలు సడెన్ సర్ప్రైజ్ ఇస్తూ ఆడియన్స్ కి షాక్ ఇస్తున్నాయి. థియేటర్లలో వచ్చే సినిమాలు ఓటీటీలోకి రావడం సాధారణమే. అయితే రిలీజ్ అయిన రెండు వారాలకే, అది కూడా ఎటువంటి సమాచారం లేకుండా వస్తే అది షాకింగ్ న్యూస్ కాకపోతే ఏమౌతుంది. హెబ్బాపటేల్ నటించిన లేటెస్ట్ మూవీ సెడన్ గా ఓటీటీలోకి స్ట్రీమింగ్ కి వచ్చి షాక్ ఇచ్చింది. అయితే థియేటర్లలో ఈ సినిమాకు అంతగా రెస్పాన్స్ రాలేదు. ఎప్పుడు వచ్చిందో కూడా చాలామందికి తెలీదు. క్రైమ్ థ్రిల్లర్ జానర్ లో వచ్చినా కూడా ప్రేక్షకులను మెప్పించలేక పోయింది. కథ అంతా 10 కోట్ల డ్రగ్స్ డ్రగ్స్ చుట్టూ తిరుగుతుంటుంది. అయితే థ్రిల్లర్ ఎలిమెంట్స్ ఉండటంతో డిజిటల్ గా పుంజుకునే అవకాశం ఉన్నట్లు కనిపిస్తోంది.
ఈ తెలుగు సస్పెన్స్ క్రైమ్ థ్రిల్లర్ సినిమా పేరు ‘రేపు ఉదయం 10 గంటలకు’ (Repu udayam 10 gantalaku). ఇందులో హెబ్బా పటేల్, చైతన్య రావు, అభినవ్ గోమటం, కిరీటి దామరాజు, సాహితి అవంచ, వాసు ఇంటూరి, మోహిత్ ప్రధాన పాత్రలు పోషించారు. చెందు ముద్దు ఈ సినిమాకు దర్శకత్వం వహించారు. గతంలో వచ్చిన ‘ఓ పిట్ట కథ’, ‘అన్నపూర్ణ ఫోటో స్టూడియో’ సినిమాలు కూడా ఈయనే దర్శకత్వంలోనే తెరకెక్కాయి. మాస్ మీడియా సమర్పణలో రామ్ వీరపనేని ఈ సినిమాను నిర్మించగా, ప్రిన్స్ హెన్రీ సంగీతం అందించారు. ఈ సినిమా మార్చి 14న థియేటర్లలో విడుదల అయింది. కేవలం 2 వారాల్లోనే శ్రీరామ నవమి సందర్భంగా మార్చి 27 నుంచి ప్రైమ్‌ వీడియోలో స్ట్రీమింగ్ అవుతోంది.
ఈ కథ కొంతమంది క్యారెక్టర్లను కలుపుతూ సాగుతుంది. మొదట సరదాగా మొదలై ఆ తరువాత సీరియస్ మోడ్ కి వెళ్తుంది. కథలో ఒక మొదట అంబులెన్స్ డ్రైవర్ (అభినవ్ గోమఠం)తో మొదలవుతుంది. అతను ఒక శవాన్ని తీసుకెళ్ళే క్రమంలో మిగతా స్టోరీలు కలుస్తూంటాయి. అతడు ఇంట్లో నుంచి పారిపోయి వచ్చిన ఒక జంటకు లిఫ్ట్ ఇస్తాడు. అంతేకాదు ఇందులో (హెబ్బా పటేల్) వేశ్య పాత్రలో కనిపిస్తుంది. ఆమె దగ్గరకు విటుడిగా ఒక యువకుడు (చైతన్య రావు) వస్తాడు. వీళ్లందరి మధ్య కామన్ లింక్ 10 కోట్ల డ్రగ్స్ తో ముడిపడి ఉంటుంది. అసలు సమస్య ఏంటంటే.. రేపు ఉదయం 10 గంటల కల్లా వాళ్లు ఒక పని పూర్తి చేయాలి. లేదంటే వాళ్ల ప్రాణాలకే ముప్పు వస్తుంది. పోలీసులు, విలన్ వచ్చేలోపు ఆ గందరగోళం నుంచి బయటపడాలి. తెల్లవారుజాము అవుతున్న కొద్దీ టెన్షన్ పెరుగుతుంది. చివరికి ఆ 10 గంటల గండం ఏమిటి ? దాని నుంచి వీళ్ళు బయటపడ్డారా ? అనేదే అసలు కథ.
Read Also : మెంటలెక్కించే మెడికల్ కాలేజీ ప్రేమ… స్నేహితుల సరదాకు కొంప కొల్లేరు… ఓటీటీలోకి తమిళ రొమాంటిక్ డ్రామా
Share
అత్యాశకు పోతున్న ‘పెద్ది’ నిర్మాత.. అసలుకే మోసం వస్తుందేమో!
అనుష్క కాపురంలో చిచ్చు..అన‌న్య బిర్లాకు ఫ్ల‌యింగ్ కిస్ ఇచ్చిన కోహ్లీ
