Top 5 Crime Thrillers OTT : యథార్థ సంఘటనల ఆధారంగా రూపొందిన క్రైమ్ థ్రిల్లర్ సినిమాలకు ఎప్పటికీ మంచి ఆదరణే ఉంటుంది. ఎందుకంటే ఇలాంటి సినిమాలు ఉత్కంఠభరితంగా ఉండటమే కాదు, ఆడియన్స్ ను ఆలోచింపజేస్తాయి. ఇప్పటికే ఓటీటీలో ‘హనీమూన్ సే హత్య’, ‘సైలెంట్ స్క్రీమ్స్: ది లాస్ట్ గర్ల్స్ ఆఫ్ తెలంగాణ’ వంటి క్రైమ్ డాక్యుమెంటరీలు సందడి చేస్తున్నాయి. మరి ఇలా నిజమైన క్రైమ్ కథల ఆధారంగా రూపొందించిన సినిమాలను చూడడం ఇష్టమా ? అయితే ఈ మూవీ సజెషన్ మీ కోసమే. మరి ఆ టాప్ 5 క్రైమ్ చిత్రాలు ఏంటో తెలుసుకుందాం పదండి.
“తల్వార్” చిత్రం 2008లో జరిగిన ఆరుషి తల్వార్, హేమరాజ్ ల మర్డర్స్ ఆధారంగా రూపొందింది. 14 ఏళ్ల బాలిక హత్యకు సంబంధించిన మిస్టరీని ఛేదించడానికి ప్రయత్నించే పోలీస్ గా ఇర్ఫాన్ ఖాన్ నటించారు. సోహా అలీ ఖాన్, రజత్ కపూర్ ఆ పాప తల్లిదండ్రుల పాత్రలను పోషించారు. ఇప్పటికీ ఈ కేసు మిస్టరీగానే ఉండడం గమనార్హం. ఈ కేసులో ఆ పాప తల్లిదండ్రులే నిందితులు అని పోలీసులు చెప్పినా, సరైన ఆధారాలు లేకపోవడంతో కోర్టు కేసును కొట్టేసింది. దీన్ని ప్రైమ్లో చూడవచ్చు.
“నో వన్ కిల్డ్ జెస్సికా” అనే టైటిల్ తో రూపొందిన ఈ క్రైమ్ ఫిల్మ్ ను ఢిల్లీ మోడల్, బార్టెండర్ జెస్సికా లాల్ నిజ జీవిత మర్డర్ ఆధారంగా తెరకెక్కించారు. రాజ్ కుమార్ గుప్తా దర్శకత్వం వహించిన ఈ చిత్రంలో రాణి ముఖర్జీ, విద్యాబాలన్, మైరా కర్ణ్ తదితరులు నటించారు. దీన్ని నెట్ఫ్లిక్స్లో చూడవచ్చు.
“బ్లాక్ ఫ్రైడే” చిత్రం భారతదేశాన్ని కుదిపేసిన ఉగ్రవాద దాడులలో ఒకటైన 1993 ముంబై బాంబు దాడులు, ఆ తరువాత జరిగిన ఇన్వెస్టిగేషన్ ఆధారంగా తెరకెక్కింది. ఈ చిత్రంలో పవన్ మల్హోత్రా, ఆదిత్య శ్రీవాస్తవ, శ్వేతా మీనన్ నటించారు. “బ్లాక్ ఫ్రైడే”ని YouTubeలో చూడవచ్చు.
‘బాట్లా హౌస్’ అనే టైటిల్ తో రూపొందిన ఈ బాలీవుడ్ క్రైమ్ డ్రామా 2008లో ఢిల్లీలో జరిగిన బాట్లా హౌస్ ఎన్కౌంటర్ ఆధారంగా నిర్మితమైంది. ఈ చిత్రం ఉత్కంఠభరితమైన కథనంతో ఆద్యంతం ఆసక్తికరంగా నడుస్తుంది. ఈ యాక్షన్ డ్రామాలో జాన్ అబ్రహం, మృణాల్ ఠాకూర్, మనోజ్ పహ్వా, రాజేష్ శర్మ, అపరశక్తి ఖురానా నటించారు. ఇది ప్రైమ్ వీడియోలో అందుబాటులో ఉంది.
1960లలో ముంబైలో సంచలనం సృష్టించిన సీరియల్ కిల్లర్ రామన్ రాఘవ్ స్టోరీనే “రామన్ రాఘవ్ 2.0”. ఈ సైకలాజికల్ థ్రిల్లర్ చిత్రంలో నవాజుద్దీన్ సిద్ధిఖీ సీరియల్ కిల్లర్ పాత్రలో నటించగా, విక్కీ కౌశల్ పోలీస్ ఆఫీసర్ పాత్రలో నటించారు. ఈ మూవీని యూట్యూబ్, ZEE5 ఓటీటీలో చూడవచ్చు.
Read Also : ఈ వారం ఓటీటీలోకి కొత్త మలయాళం మూవీస్… ఆ రెండూ డోంట్ మిస్
Share
Jio 72GB Recharge Plan: జియో పవర్ఫుల్ రిఛార్జ్ ప్లాన్ లాంచ్.. హాట్స్టార్, జెమిని AI ఉచితం.. ధర కేవలం
Gundeninda GudiGantalu Today episode: రోహిణిని బుక్ చేసిన మీనా.. ప్రభావతి సీరియస్..మనోజ్, రోహిణి మధ్య చిచ్చు..
