Death of the Pastor’s Wife OTT: సమాజంలో గౌరవంగా కనిపించే ఓ పాస్టర్… ఇంట్లో మాత్రం భార్యను తీవ్రంగా వేధిస్తున్నాడనే ఆరోపణలు వస్తే ? భర్త నుంచి విడిపోవాలని నిర్ణయించుకున్న ఓ మహిళ, విడాకుల నోటీసులు ఇచ్చిన రెండు రోజులకే అనుమానాస్పదంగా చనిపోతే ? పోలీసులు దాన్ని ఆత్మహత్యగా తేల్చినా, కుటుంబ సభ్యులు మాత్రం ఇది హత్యేనని పోరాడితే ? అమెరికాలో సంచలనం సృష్టించిన మికా మిల్లర్ మరణం వెనుక ఉన్న అసలు నిజమేంటి ? ఇదే ఉత్కంఠభరితమైన కథతో వచ్చిన ట్రూ క్రైమ్ డాక్యుమెంటరీ సిరీస్ ‘Death of the Pastor’s Wife’. ఈ సిరీస్ ను తెలుగులో ఎక్కడ చూడవచ్చు ? అన్న విషయంపై ఒక లుక్కేద్దాం పదండి.
సౌత్ కరోలినాకు చెందిన మికా మిల్లర్, పాస్టర్ జాన్-పాల్ మిల్లర్ను వివాహం చేసుకుంటుంది. బయట ప్రపంచానికి వారి జీవితం సాధారణంగానే కనిపించినా, మికా మాత్రం భర్త తనపై నిఘా పెట్టడం, ఆర్థిక స్వేచ్ఛను కంట్రోల్ చేయడం, సైబర్ స్టాకింగ్ చేయడం వంటి వేధింపులకు పాల్పడుతున్నాడని ఆరోపిస్తుంది. ఈ పరిస్థితులతో విసిగిపోయిన మికా చివరకు విడాకులు తీసుకోవాలని నిర్ణయించుకుంటుంది. కానీ భర్తకు విడాకుల నోటీసులు అందిన కేవలం రెండు రోజులకే, అంటే 2024 ఏప్రిల్ 27న నార్త్ కరోలినాలోని ఓ స్టేట్ పార్క్ సమీపంలోని నదిలో ఆమె మృతదేహం కనిపిస్తుంది.
మరణానికి కొద్దిసేపటి ముందు మికా ఎమర్జెన్సీ సేవలకు ఫోన్ చేసి తనను తాను చంపుకోబోతున్నట్లు చెప్పినట్లు అధికారులు వెల్లడించారు. దీంతో పోలీసులు ఆమె మరణాన్ని ఆత్మహత్యగా పరిగణించారు. కానీ మికా కుటుంబ సభ్యులు, స్నేహితులు మాత్రం ఈ నిర్ణయాన్ని అంగీకరించలేదు. ఆమె భర్తపై ఉన్న ఆరోపణలు, మరణానికి ముందు జరిగిన పరిణామాలను పరిశీలించాల్సిందేనని పట్టుబట్టారు. ఇక మికా మరణించిన మరుసటి రోజే జాన్-పాల్ చర్చిలో ఆమె మరణం గురించి మాట్లాడిన తీరు కూడా అనేక అనుమానాలకు కారణమైంది.
దర్యాప్తు కొనసాగుతున్న కొద్దీ మికాపై జరిగిన వేధింపులకు సంబంధించిన అంశాలు బయటకు వచ్చాయి. FBI దర్యాప్తులో కూడా జాన్-పాల్ ప్రవర్తనకు సంబంధించిన ఆరోపణలు పరిశీలనకు వచ్చాయి. అతనిపై సైబర్ స్టాకింగ్కు సంబంధించిన కేసులు కూడా నమోదయ్యాయి. అయితే అసలు మికా ఎలా చనిపోయింది ? ఆమె నిజంగానే ఆత్మహత్య చేసుకుందా ? లేక ఆమె కుటుంబం అనుమానిస్తున్నట్లుగా మరేదైనా జరిగిందా ? ఈ ప్రశ్నలకు సమాధానాలే ఈ డాక్యుమెంటరీ.
మికా మరణానికి ముందు రికార్డ్ చేసిన వీడియోలు, వాయిస్ నోట్స్, కుటుంబ సభ్యుల ఇంటర్వ్యూలను కూడా ఇందులో చూపించారు. దీంతో ఇది కేవలం ఓ మిస్టరీ డెత్ కథ కాకుండా, ఓ మహిళ ఎదుర్కొన్న వేధింపులు, ఆమె మరణం చుట్టూ నెలకొన్న అనుమానాలు, ఆ తర్వాత జరిగిన దర్యాప్తును చూపించే ట్రూ క్రైమ్ సిరీస్గా మారింది.
Also Read : కాస్ట్యూమ్ కోసం వెళ్తే ఎర్రటి ఆకారం ఎంట్రీ… పాప్ స్టార్ ను పరుగులు పెట్టించే హర్రర్ స్టోరీ
‘డెత్ ఆఫ్ ది పాస్టర్స్ వైఫ్’ మూడు ఎపిసోడ్ల అమెరికన్ ట్రూ-క్రైమ్ డాక్యుమెంటరీ సిరీస్. మైక్ గ్యాస్పారో, జూలియా విల్లోబీ నాసన్ దర్శకత్వం వహించిన ఈ సిరీస్ ఆగస్టు 26 నుంచి Netflixలో స్ట్రీమింగ్ అవుతోంది. అయితే ప్రస్తుతం ఈ సిరీస్ తెలుగుతో పాటు ఇంగ్షీషు, తమిళం, హిందీ భాషల్లోనూ స్ట్రీమింగ్ అవుతోంది.
Share
క్యాబ్పై కూర్చుని వర్క్.. ఈ ఐటీ ఉద్యోగి కేక!
టాక్సిక్’ రివ్యూ.. గీత దాటలేదు, కానీ ఓపిక మాత్రం దాటింది!”
