Viral Gurugram Video: వర్షం వస్తే సిటీలో ట్రాఫిక్ ఎంత దారుణంగా ఉంటుందో ప్రత్యేకంగా చెప్పాల్సిన అవసరం లేదు. ముఖ్యంగా గురు గ్రామ్ లో భారీ వర్షాలు పడితే రోడ్ల మీద వాహనాల రద్దీ మరింత పెరుగుతుంది. ఇటీవల కురిసిన భారీ వర్షాలతో గురుగ్రామ్లోని పలు ప్రాంతాల్లో ట్రాఫిక్ చుక్కలు చూపించింది. వాహనాలు కదలకపోవడంతో ఉద్యోగులు, ప్రయాణికులు తీవ్ర ఇబ్బందులు పడ్డారు.
ఈ ట్రాఫిక్ లో ఓ ఐటీ ఉద్యోగి ప్రయాణిస్తున్న క్యాబ్ మధ్యలోనే ఆగిపోయింది. వర్షం, ట్రాఫిక్ కారణంగా అప్పటికే ఆఫీస్ టైమ్ కావడం, క్యాబ్ కూడా పనిచేయకపోవడంతో అతడికి ఏం చేయాలో అర్థం కాలేదు. వెంటనే, ఆ ఉద్యోగి తన పని మొదలు పెట్టాడు. అతడు ఏకంగా కారు రూఫ్ పైకి ఎక్కాడు. అక్కడే ల్యాప్ టాప్ ఓపెన్ చేసి పని మొదలుపెట్టాడు. చుట్టూ ట్రాఫిక్ జామ్.. వాహనాల హారన్లు.. మేఘాలతో కూడిన వాతావరణం ఉన్నప్పటికీ అతడు మాత్రం ల్యాప్ టాప్ లో పని చేసుకుంటూ కనిపించాడు. ఈ ఘటనను ఎవరో వీడియో తీసి సోషల్ మీడియాలో పోస్ట్ చేసినట్లు తెలుస్తోంది. ప్రస్తుతం ఈ వీడియో సోషల్ మీడియాలో వైరల్గా మారింది. ఉద్యోగి పరిస్థితిని చూసిన నెటిజన్లు రకరకాలుగా స్పందిస్తున్నారు.
వీడియో చూసిన కొందరు నెటిజన్లు ఆ ఉద్యోగి పని పట్ల ఉన్న నిబద్ధతను ప్రశంసిస్తున్నారు. ఎలాంటి పరిస్థితి ఎదురైనా పని పూర్తి చేయాలనే పట్టుదల కనిపిస్తోందని కామెంట్లు చేస్తున్నారు. ‘వర్క్ డెడికేషన్ అంటే ఇదే’ అంటూ కొందరు సరదాగా స్పందిస్తున్నారు. మరికొందరు మాత్రం ఈ ఘటనపై క్రేజీగా స్పందిస్తున్నారు. కారు రూఫ్పై కూర్చోవడం కాస్త ఓవర్ గా అనిపించడం లేదా? అంటూ ప్రశ్నిస్తున్నారు. వర్షంలో ఇలా పని చేయడం ప్రమాదకరమని, కాస్త జాగ్రత్తగా ఉండాలని మరికొంత మంది సూచిస్తున్నారు.
ఈ ఘటన సోషల్ మీడియాలో నవ్వులు పూయిస్తున్నప్పటికీ.. కొంత మంది అతడి పరిస్థితి అర్థం చేసుకోవాలంటూ కామెంట్స్ చేస్తున్నారు. ఉద్యోగంలో డెడ్ లైన్లు, అత్యవసర పనులు ఉండొచ్చు. కానీ, వాటి కోసం వ్యక్తిగత భద్రతను పక్కన పెట్టడం మంచి పని కాదని మరికొంత మంది అభిప్రాయపడుతున్నారు. క్యాబ్ ఆగిపోవడం, భారీ వర్షం, ట్రాఫిక్ జామ్ లాంటి పరిస్థితుల్లో ముందుగా సేఫ్ ప్లేస్ కు వెళ్లడం ముఖ్యమంటున్నారు. పని తర్వాత కూడా చేసుకోవచ్చు. కానీ, ప్రమాదం జరిగితే కోలుకోలేని ఎదురు దెబ్బ తగిలే అవకాశం ఉందంటున్నారు. గురుగ్రామ్లో జరిగిన ఈ ఘటన ప్రస్తుతం సోషల్ మీడియాలో చర్చనీయాంశంగా మారింది. కొందరికి ఇది వర్క్ డెడికేషన్గా కనిపిస్తే.. మరికొందరికి మాత్రం ‘ఇదేం పని బాసూ!’ అనిపిస్తోంది.
వరదల్లోనూ వర్క్ ఆగలేదు..!
ట్రాఫిక్లో కారు కప్పుపై కూర్చొని ల్యాప్టాప్లో పని చేస్తున్న టెక్కీ
గుర్గావ్లో కురిసిన భారీ వర్షాలకు రోడ్లన్నీ జలమయమై తీవ్రంగా స్తంభించిన ట్రాఫిక్
నీటితో నిండిపోయిన రోడ్డుపై చిక్కుకుపోయిన ఓ ఉద్యోగి
దీంతో తన కారు కప్పుపై కూర్చొని ల్యాప్టాప్లో పని… pic.twitter.com/5xcqW215S0
— Telugu Scribe (@TeluguScribe) August 26, 2026
Read Also: ఇదేం రిస్క్ రా బాబూ.. కదులుతున్న రైలును ఎగబడి ఎక్కుతున్న జనం.. హర్ష్ గోయెంకా షాకింగ్ రియాక్షన్!
Share
టీటీఈ పర్మిషన్ లేకుండా.. రైలులో రిజర్వ్ సీట్లు మార్చుకోవచ్చా? చట్టం ఏం చెబుతోంది?
విడాకుల నోటీసు ఇచ్చిన 2 రోజులకే శవమయ్యే భార్య... తెలుగులో ఈ సైకలాజికల్ థ్రిల్లర్ స్ట్రీమింగ్
