OTT Movie : ఎంటర్టైన్మెంట్ కోసం ఓటీటీ వైపే చూస్తున్నారు ప్రేక్షకులు. ఏ భాషలో సినిమాలు వచ్చినా కంటెంట్ బాగుంటే, ఇక వాటిని వదిలి పెట్టకుండా వీక్షిస్తున్నారు. ప్రధానంగా హాలీవుడ్ సినిమాలను ఎక్కువగా సెర్చ్ చేస్తుంటారు. వీటిలో కూడా హారర్ సినిమాలను చూడటానికి ఇంట్రస్ట్ చూపిస్తుంటారు. ఇప్పుడు చెప్పుకోబోయే సినిమా ఒక తోడేలు శాపంతో నడుస్తుంది. ఆ శాపం ఎలా వచ్చింది ? దానివల్ల ఎలాంటి సమస్యలు వచ్చాయి ? ఈ సినిమా పేరు ఏమిటి ? ఏ ఓటీటీలో ఉంది ? అనే వివరాలను తెలుసుకుందాం పదండి.
19వ శతాబ్దం చివరలో, ఫ్రాన్స్‌లోని ఒక గ్రామంలో, సీమస్ లారెంట్ అనే ఒక ధనవంతుడైన భూస్వామి, తన భూమిపై హక్కు కోసం వచ్చిన రోమాని తెగను దారుణంగా ఊచకోత కోస్తాడు. ఈ ఊచకోతలో రోమాని నాయకురాలు చనిపోయే ముందు, వెండి పళ్ళు ఉన్న తోడేలు రూపంలో ఒక శాపాన్ని పెట్టి పోతుంది. ఈ శాపం వల్ల గ్రామ ప్రజలు, ముఖ్యంగా సీమస్ పిల్లలు ఎడ్వర్డ్ షార్లెట్ వెండి పళ్ల గురించి భయంకరమైన కలలతో వేధించబడతారు. ఒక రోజు స్థానిక బాలుడు టిమ్మీ, ఈ కలల ప్రభావంతో, వెండి పళ్లను తవ్వి వాటిని నోటిలో పెట్టుకుని ఎడ్వర్డ్‌ను కరుస్తాడు. దీనితో ఎడ్వర్డ్ అదృశ్యమవుతాడు. ఆతరువాత గ్రామంలో దారుణమైన హత్యలు జరగడం మొదలవుతాయి. దీనిని ఒక అడవి జంతువు చేసిందని స్థానికులు అనుమానిస్తారు. జాన్ మెక్‌బ్రైడ్ అనే ఒక పాథాలజిస్ట్, ఈ హత్యలను పరిశోధించడానికి గ్రామానికి వస్తాడు. అతను గతంలో ఇలాంటి శాపంతో తన కుటుంబాన్ని కోల్పోయిన వ్యక్తి.
జాన్ ఈ శాపం ఒక వెరీవోల్ఫ్ లాంటి జీవి ద్వారా వ్యాపిస్తుందని గుర్తిస్తాడు. ఎడ్వర్డ్ ఈ శాపంతో ఒక రాక్షస జీవిగా మారిపోతాడు. జాన్ సీమస్ భార్య ఇసాబెల్ సహాయంతో, ఈ జీవిని చంపడానికి ప్రయత్నిస్తాడు. వెండి పళ్లను కరిగించి నాలుగు వెండి బుల్లెట్లను తయారు చేస్తాడు. కానీ ఆ జీవిని పూర్తిగా ఆపలేక పోతాడు. క్లైమాక్స్ ఒక భయంకరమైన ఫైట్ సీన్ తో ఎండ్ అవుతుంది. జాన్ ఆ తోడేలును అంతం చేస్తాడా ? తోడేలు వల్ల ఎంతమంది ప్రాణాలు పోతాయి ? ఈ క్లైమాక్స్ ఎలాంటి ముగింపును ఇస్తుంది. అనే ప్రశ్నలకు సమాధానాలను తెలుసుకోవాలనుకుంటే, ఈ హారర్ సినిమాను చూడాల్సిందే.
‘Eight for Silver’ సీన్ ఎల్లిస్ దర్శకత్వం వహించిన అమెరికన్ ఫ్రెంచ్ హారర్ సినిమా. ఇందులో బాయిడ్ హోల్‌బ్రూక్, కెల్లీ రీల్లీ, ఆలిస్టైర్ పెట్రీ, రోక్సాన్ డురాన్ ప్రధాన పాత్రల్లో నటించారు. ఈ సినిమా 2021 జనవరి 30న సన్‌డాన్స్ ఫిల్మ్ ఫెస్టివల్‌లో పేరుతో ప్రీమియర్ అయింది. 2022 ఫిబ్రవరి 18న The Cursed పేరుతో థియేటర్లలో విడుదలైంది. ప్రస్తుతం Netflix, Amazon Prime Videoలో స్ట్రీమింగ్ అవుతోంది. 113 నిమిషాల రన్ టైమ్ తో ఈ సినిమా IMDbలో 6.2/10 స్కోర్ సాధించింది.
Share
Delhi News: రూటు మార్చిన దొంగలు.. ఎర్రకోటలో భారీ చోరీ, బంగారు కలశాలు మాయం!
Venuswamy : అమ్మ బాబోయ్.. వేణు స్వామి దగ్గరకు అమ్మాయిలు అందుకోసమే వస్తారా..?
