Eternity OTT Release : ఒక అదిరిపోయే రొమాంటిక్ ఫాంటసీ చిత్రం త్వరలో ఓటీటీ ప్లాట్ఫామ్లో విడుదల కానుంది. ఎలిజబెత్ ఒల్సేన్ నటించిన ఈ సినిమా టొరంటో అంతర్జాతీయ చలనచిత్రోత్సవంలో ప్రీమియర్గా ప్రదర్శించబడింది. ఇది మరణానంతర జీవితంలో శాశ్వతత్వం గడపడానికి, ఇద్దరు పురుషులలో ఒకరిని ఎంచుకోవాల్సిన ఒక స్త్రీ కథాంశం. థియేటర్లలో విడుదలైన తర్వాత, డిజిటల్ ఆడియన్స్ ఈ చిత్రం ఎప్పుడు వస్తుందోనని ఆసక్తిగా ఎదురు చూస్తున్నారు. ఎందుకంటే కథ డిఫరెంట్ గా ఉండటమే అందుకు కారణం. ఈ సినిమా పేరు, ఏ ఓటీటీలోకి రానుంది ? అనే వివరాలను తెలుసుకుందాం పదండి.
ఈ అమెరికన్ ఫాంటసీ రొమాంటిక్ కామెడీ మూవీ పేరు ‘ఎటర్నిటీ’ (Eternity). డేవిడ్ ఫ్రెయిన్ దీనికి దర్శకత్వం వహించాడు. ఈ చిత్రంలో ఎలిజబెత్ ఓల్సెన్, మైల్స్ టెల్లర్, కల్లమ్ టర్నర్ నటించారు. డా’వైన్ జాయ్ రాండోల్ఫ్, జాన్ ఎర్లీ, ఓల్గా మెరెడిజ్ సహాయక పాత్రల్లో నటించారు. ఈ సినిమా 2025 నవంబర్ 26న A24 ద్వారా యునైటెడ్ స్టేట్స్లో థియేటర్లలో విడుదలైంది. 2026 ఫిబ్రవరి 13 నుండి Apple TV+లో ఇది స్ట్రీమింగ్ అవుతుందని సదరు సంస్థ Xలో ట్రైలర్ను షేర్ చేసింది.
మనిషి చనిపోయిన తర్వాత ఒక వింతైన ప్రపంచంలో కథ జరుగుతుంది. అక్కడికి వచ్చే ప్రతి ఆత్మ, తమ జీవితాన్ని శాశ్వతంగా ఎవరితో గడపాలో నిర్ణయించుకోవడానికి వాళ్ళకి సరిగ్గా ఒక వారం (7 రోజులు) సమయం ఇవ్వబడుతుంది. ఈ సందర్భంలో జోన్ (ఎలిజబెత్ ఓల్సన్) చనిపోయిన తర్వాత ఒక వెయిటింగ్ ఏరియాకు చేరుకుంటుంది. అక్కడ ఆమె ఒక పెద్ద చిక్కులో పడుతుంది. ఆమె ముందు ఇద్దరు వ్యక్తులు ఉంటారు. అందులో ఒకరు ఆమె భర్త . జోన్ తన నిజ జీవితంలో ఎక్కువ కాలం ఇతనితోనే గడిపింది. వీరిద్దరి మధ్య ఎన్నో ఏళ్ల అనుబంధం, జ్ఞాపకాలు ఉన్నాయి.
అయితే మరొకరు ఆమె మొదటి ప్రేమికుడు ఉంటాడు. ఇతను జోన్ యువతిగా ఉన్నప్పుడే చనిపోయాడు. అతను గత 40 ఏళ్లుగా అక్కడే ఉంటూ, జోన్ ఎప్పుడు వస్తుందా అని ఆమె కోసం ఎదురుచూస్తుంటాడు. ఒకవైపు తనతో కలిసి ముసలితనం వరకు తోడున్న భర్త, మరోవైపు తన మనసులో చెదరని ముద్ర వేసిన మొదటి ప్రేమ. ఏడు రోజుల్లో ఆమె ఎవరినో ఒకరిని ఎంచుకోవాల్సి వస్తుంది. చివరికి జోన్ ఎవరిని ఎంచుకుంది? తన శాశ్వత జీవితం కోసం ఎవరితో వెళ్ళింది? అనేదే ఈ సినిమా క్లైమాక్స్.
Read Also : 34 ఎపిసోడ్లు, 3 సీజన్లు…, 6.6 IMDb రేటింగ్… ఓటీటీ ప్రపంచాన్ని కుదిపేసిన క్రేజీ సిరీస్
Share
Air Conditioner Discount: ఇప్పుడే ఏసి కొనేయండి.. వేసవిలో ధరలు పెరిపోతాయి.. అమెజాన్లో బంపర్ డిస్కౌంట్స్
Phone Tapping Case: ఫోన్ టాపింగ్ కేసులో కీలక మలుపు: మాజీ మంత్రి హరీష్ రావుకు సిట్ నోటీసులు!
